Lucas 7:27 - Sinia' Jlamtis 1994

²⁷ Juan naka siunie ti iyo'ate niwa Sinia' jlamtis, ti ijwi'il: “'Yejne'n, ajlo' siunie, ti ya'am ti ika'niyewo, ka ina'an ak'ioye, ka iwakajlanit ak'ioye siupa jano'we.”

Lucas 7:27 Iomraidhean Croise

Mateo 11:10

Kajeyepa ti Juan naka ni siunie ti Sinia' jlamtis t'ipi ijwi'il ti iyo'ate, “Janiajnat ak'ioye ni 'yaka'niyewo, janakaye ti janwakajlanit ta'a ak'ioye ni a'nayija.”

Marcos 1:2

Siupa injwejlanik jiwojimpe Isaías 'yitjini'ipe ti iyo'ate: “Ajlo' ni ika'niyewo, ti jana'an ak'ioye, ti jawakajlanit ta'a ak'ioye ni a'nayija'.

Lucas 1:76

Siuti a'am, yas, siunie e'e ti iyo'ate Jijwejlanik Jiwo pa Sinia' Wuj, kajeyepa ti a'am ti janajne'n k'iye ni Saka'niona, ti ja 'nakajlanit ta'a k'iye siunie jano'we.

Lucas 7:26

Kiujliek'i'm, ¿tent'ipi siupa ji'yenayi? ¿Ma injwejlanik jiwot'ipi? Ijiate, paka 'yina 'yaka'm ape'e pa injwejlanik jiwo.

Lucas 7:28

Jajwi'lase'm, je ti'wena paka i'nioye ape'e 'ni ajnat ka inka'm ape'e ja Juan. 'Yina jlam pet siunie ti ijiate ti je 'esijiyi ti yiji ni Sinia' jika anechijiayas, nak 'yakama'aja pet ape'e.

Juan 1:23

Juan isiujlie ti iyo'ate: —Ya'am siunie jla'lap ni i'nio' ti tan'ni ape'e 'ni ajnat mami'yi, iyot'iyipi pa injwejlanik jiwo Isaías ti iyo'ate, “Wakajlanit pi ji'niayi k'iye ni Saka'niona ka jnajyi.”