Lucas 7:22 - Sinia' Jlamtis 1994

²² Iyo'ne 'ate pa Jesús ti isiujlieyi: —Maye'ni, jwelayi pi Juan siuniwa iyo niwa jipechiyeyi, siu'neje ni ji'wena', ti siunapo talojo' i'winaja'n 'nakayi, siunapo je t'ojni'n t'iskiuniek'iji'n 'nakayi, jlampet siunapo inkiso'ol jitio' yi'ik'i netiana kiwa ijiok'i'ni. Siunapo ti je tipechijyimpe ka jwejlikie ti alk'iji'n niwa jik'iot tiojwa'l, jlampet siunapo i'nio mases 'wasanajan pet. Siunapo i'nio' ti p'ijliusis tiwok pet jika'niyejayi siuniwa Sinia' jlamtis ti isis.

Lucas 7:22 Iomraidhean Croise

Mateo 11:5

Ti siunapo je t'ojni'n 'esieyiji ti t'iskiunk'iji'n; jlampet siunapo jiwatis jitio' po', kia'iyojliyi ka jwejlikie ti isis. Siunapo je tipechijyi'n, jik'iot tiojwa'l 'ajlak'iji'n 'nakayi; jlampet siunapo 'yajle'n, yapits'i pijia'm, 'wasajne'n. Siunapo i'nio' ti p'ijliusis tikiniejeje pet niwa Sinia' jlamtis ti isis ti tamtiki k'iye.

Mateo 21:14

Ti Jesús je taljli'ijyi ts'e yi'i jlaja 'najla'wet, siojopo i'nio' talojo' siu'neje japo je t'ojni'n tikiniejeje'ni, 'yina je iyo ka je ijwajiete'n.

Lucas 4:18

“Saka'niona jikimet yi' itipe'e. Jlam ti ts'otatiji, ti iyo ka ijwile siunapo p'ijliusis ni inka'niye ti 'es. Jla'am ti sijliuyi siunapo inkipijnas ka ijwile ni injwajieti ti po'. Siupet napo talojo' iyo ka 'wijnajne'n. Siu'neje napo i'nio' inilayiti ti tisiejek'i'yi, ka ijwiejiete'n.

Lucas 7:21

Ijyiwitisi ti Jesús 'loj papo ijwiejiete'n siupapo je isis, i'mieniti'n papo i'nio' jitiej je isis, je pini 'neje papo i'nio' ti talojo' ti ijwiejiete'n.

Lucas 7:23

“Ikap'ijliuskiye e'ne siunie i'nio' ijiate ti je iliyi ni jitienkiujnieye ti jitiej iyomk'i'm.”

Juan 1:46

Natanael iyo'ne 'ate ti isiujlie: —¿Mi 'est'iyiji ka poye pa kantajla'm japa Nazaret ka 'esie? Felipe iyo'ne 'ate ti isiujlie: —Jomet. Jlam 'esijyi ka a'we'en.

Hechos 26:18

'Nakayeyijna'a ka 'yiniyijna'a ka 'ajlinitiamk'i niwa jitiete siunie iyo ti yiji na ajnatiok, sekjane'yi ka neyeyisinie'e pet na jloma; jla'yi ti janleyisi ka ineyis kiajwe ni imosik jijweye iyo, 'wenajlitieje jla'am ka neyis kiajwe pa Sinia'; 'nakayijna'a ka initiajnat niwa jikeyis, siu'neje ka ji'niayi poye ka ijnojwa'm siunapo isis Sinia' jilis, ka tiwoktana'a ji'wajietiye, lapakawo ti nakaye jla'am ti jant'emina ti ja ke sakakiuyis”.

Hechos 8:7

'Loj siupapo imose'l yijits'i tijwajyi siupa jiwet'ia iyo, tajwiyek'i wita'm ti iniuyetak'i kisie'e. Kia'iyojliyi siupapo inlaye siupa je t'onk'i ti yi'i, siu'neje papo je t'ojni'n.

Santiago 2:5

I'lijwas, asam ti yimijna'ase'm, k'iuyek'imna'a siu'nie jayo: jlam pa Sinia' siu'nie iyo ti ijniejiet'e pet napoka p'ijliusis ajnat'e ka inkasaja pet. Siuniwa jikijmatis niwaka siunie jitienkiujnieye ti 'es. Janekiajlayinie'e pet ni siunie ti pajk'i ti ijwi'il, ti ijwijla'm siunapo ti yimi'n ni Sinia', naka ti ja jikimitayis siunie jikimet ti iyo anechiyasa'.