Lucas 7:19 - Sinia' Jlamtis 1994

¹⁹ papok'ne ti ijliuyi pa Jesús ka i'yasisi'n ka iwonisi 'ate: —¿Mi a'am ti pajk'i ti injwela'ni ti ja'nes, ni'ne kapoye pa jikiechaye ti jats'iukin kiu'ujwe k'iye?

Lucas 7:19 Iomraidhean Croise

Marcos 6:7

Sekyi'i tanayits'i japo t'eyasajnas itijwa'm niwa sikioye times tom'niji, itimisietamk'i'ni ti ijliuye'ni, sekyi'i jijweye iwijnamk'i siunie ti imose'l je to'm ilia'm, sekyi'i ti iniuyek'iji kisie'e.

Lucas 10:1

Jlampa paja'ni ape'e siupuwa iyot'iyipi, Saka'niona isimat'i'yik'ijpe papo setenta y dos t'eyasajnas. Timesiamk'i'ni ti ijliuyet'i'nijpe ti iniajnate'n jik'ioye ti ijioyits'i siupuwa isi'il ji'wetis papo i'nio', siupuwa iyo ka ijnoyits'i.

Lucas 11:1

Yit'iyipe pa jloma Jesús iyo t'ajlayeja' ts'e yi'i siupa yi'i. Jlampa itimayi, sekyi'i ijwienjli'ne siupa t'eyasanik ti iyone 'ate: —'Yaka'niona, kasts'eyasane pet ka iyok ts'ajlayeja', iyot'iyipi pa Juan ti 'yiyasajne'n papo t'eyasajnas.

Lucas 11:39

Saka'niona iyone'ne 'ate pak Fariseo: —Asa'am ti Fariséojosts'ase'm, kisie'e 'nejie'e wek ti jijwela' ka lejajiamk'i niwa asat jijwa'al, aka teti'l siuniwa ji'yekiuniejiamk'i kia'iyojliyi. Jlam'ne jik'ioyi tipoyeyiji siuniwa askajlajnatis, jla'yi niwa jitiajlayiji ni siunie je 'es.

Lucas 12:42

Saka'niona isiujlie ti iyo'ate: —¿Tempi i'nio' ti inkawo ti 'es jla'yi ti jlosik yiji'ni? 'Naka ni jika anechiyas jan'yenkina siunapo ijia jikawos 'neje ji'wet'e, siupa jloma ti lajata'yise pa anechiyas, ti jlam ti tekiajlaja kan'yena papo ijia, jak je iyoyiji yiyi siojopa jloma tetijnaja kanwe'en pi inak, sekyi'i iwinajamk'i papo ijia.

Lucas 13:15

Saka'niona isiujlie ti iyo'ate: —¡Sintijyisat'itie'ase'm! Siojona jloma ti i'nio 'wanjlijyi'n, ¿jilienajyi'ijyi niwa aslajwas wakiajas ti inkijmayewos, ni'ne ti malekiatiok pa, jloyeyi i'niate ti ji'yayina? ¿Mi ijiate?

Lucas 17:5

Siojopo injlojwajnas i'yasat'iyisijimpe pa Saka'niona ti iyoyits'i 'ate: —Womeje sik'ioye ni sitienkiujnieye ti 'es ka wents'e'm.

Lucas 17:6

Saka'niona isiujlie ti iyo'ate: —Ka poye siunie astankiujnieye ni 'es 'wanjlit'itie ka wo'ate jana jlojlase' jana mostaza ti samjlie'e, je jwela ka je akajlajyi ka wonayi 'ate ka ne'yi japa a'laye, “Taj'le ni jle'yi, jlase ni i'niat lajlik'i”, siojona a'la' jana jlamti'yi jank'iu'wa'm ni jiwone.

Lucas 18:6

Saka'niona yine ape'e ti iyo'ate: —Jlamtis kia'iyo pak i'ye'en napo jitis wus ti je i'nio'.

Lucas 19:8

Sekyi'i pa Zaqueo takasit'ne ti iyonat'iyijpe 'ate pa Jesús: —'Yaka'niona, siu'nie jloma jajyiwitajna'm pet k'iye napo i'nio' p'ijliusis ni k'ie na a'we'en. Jlampet siojona ajale napo ti akajlan kiajwe, janak jayikiajle, ja'yakajmate wat ape'e siuti jajnojlits'i niwa jayikiajle.

Lucas 22:61

Sekyi'i Saka'niona tejeyi'ni ja Pedro ti i'yenayi. Ti Pedro i'winayi sekyi'i jitiej t'ipa wujwak'ipe siupa ti Saka'niona iyone'ate, “Siu'nie ajnaj ka majletiejejna ka nap ni ajwenta, janajapajayiji ti janikakiu'ni ti jajwel ja ke intant'iejk'i.”

Lucas 24:34

ijwilisiam'ne ti iyo'ate: —¡Ijiatp'aneje ti yapi pijia'm ja Saka'niona, ini'wenkijna'm ja Simón!

Lucas 7:13

Ti Jesús i'yejne'n japa ask'ilieki, wuj ti ip'ilisin'ni, sekyi'i iyone'ne 'ate: —Leyi ti jlap'ni.

Lucas 7:20

Yamat'i'nijpe ti ijioyisi pa Jesús, yiyisi ti kiak t'ipa iyonayisipi: —Juan inajiejnawo jlam kasjlok'iji ka i'yasa'a, ti iyo'ate, “¿Mi a'am ti pajk'i ti injwela'ni ja'nes, ni'ne ka poye pa jikiechaye ti jats'iukin'neje k'iye?”

Juan 11:2

María siujlieja ti siunie jini inkajk'i 'yilinijk'i jawa jisietis ja Saka'niona, jla'yi ti ji'wole isiene ti ilijik'i.

Juan 4:1

Siojopo Fariséojos t'ijieyeyi ja Jesús ti 'yaka'm ape'e ja Juan siojopo t'eyasajnas, jla'yi japo jiniejiejnas ti 'loj jla'am.

Juan 4:25

Jak je iyoyiji'ni siujlieja i'nioki ti ipi'yaye, iyo'ne 'ate: —Ts'ajane pi awone ti jon ka 'nes siupi Sinia' jijliujwanik ti Injwajieti, siuti ja'nes ja 'nakajanitiek'ijinna'a sik'ioye wikie'eyi siuniwa wask'i'nelaja.

Juan 6:23

Sekyi'i ti 'nesa'ni siojowa kasejkanayis ijia 'wena tajli, tajle jlaja isi' jle' iyo'ate Tiberias, ti ijioyisi siojo je tojwape'n ja Jesús yine'e kiwa woyejes ti iyo t'ajlayeja' ape'e.

Apocalipsis 11:3

'Yina sek jantajlisiap'e siuniwa cuarenta y dos we'lajas ajwel'ni paj ka ineyik'ina'a, ti janwoyi jlamtikie' siuniwa yamtis siunapo ti jijweye jawijna'm. Napoka times i'nio' 'yakawosa', ti ji'wuye jiniliaja niwa 'yuts'iji'n ji'wuye iyo napo ti jika amejyi po'.