Lucas 7:16 - Sinia' Jlamtis 1994

¹⁶ Siupapo i'nio' ti i'winat'iyispe, wuj ti jnots'ijnits'i. Sektaj'le papo i'nio' ti iyunitisie pa Sinia', ti iyoyits'i 'ate: —¡Injwejlanik jiwo wuj 'ni a'wena ti yi' sikiowe'e! Kiak t'ipa iyoyeyisipi'iji 'ate: —¡Sinia' name 'napo jika kia'lis ti janoyeje!

Lucas 7:16 Iomraidhean Croise

Mateo 15:31

Kanwojlit'iyipi japo i'nio' ti i'wina japo 'ne'lias ti 'esiji ti tamti, siojopo jisiet p'o'oko siu'neje japo jikio' ijwienjlik'i kia'iyojliyi ti isis, siojopo je t'ojni'n 'esieyiji ti t'ask'i isia'm, siojopo talojo kia'iyojliyi jitiej jlal po'. Jak je iyoyiji'ni ti iyunitis jak Israel Jinia' jakayi.

Mateo 21:11

Ijia isiujlie ti iyo'ate: —Siu'nie injwejlanik jiwo Jesús, ti Nazaret jlele ti yiji jana Galilea.

Mateo 28:8

Tajlayisi ja a'no', t'osiyeyijits'i'ni, ejlo'o wek ki iyo ti jnots'ijnits'i. 'Yina inkase'n jiwek ti yam'ni, ti iyo jika'niyejayi japo t'eyasajnas.

Mateo 9:8

Jlam jnots'inayijits'i'ni papo i'nio' ti i'winayis. Sekyi'i iyunitis'ne pa Sinia', siunie ti jlam ti iwijna'm pa yi'i pa ka kiak iwoyi ka lesane 'ate iyo niwaka.

Lucas 1:65

Wikie'eyi siupapo ji'wetijwas jnots'ijnits'i'ne ti i'winayis ti kia'iyo, ta'a t'ipi ti itijwi'ni siujlieja ajnat tikijnakiyis yiji, siujlieja jle' iyo'ate Judea.

Lucas 1:68

“¡Tonitie pa Sinia' ti Saka'niona, Israel Jinia', 'nese napo jika kia'lis, ti janjwajiete'n!

Lucas 19:44

Ja inetiajnatajyi'n, paj ka inojwaye'yina'a, siunapo asles kia'iyojliyi. Ja lajak'iyi japa ka sisaja ka 'wanjliye ape'e jikiechaye, jano ajnat'e. Kiak janwo wikie'eyi siuniwa amtiyi, kajeyepa je intant'ieje siojona jloma ti Sinia' ijiota'a.

Lucas 2:20

Siupapo sontas jiwos yapi'ni'ne, jla'am iyunitjliyis pa Sinia', ti iyunitis siupa iyo pa i'winis, jla'yi ti ipi'yayis, kajeyepa ti ijiatk'i siupa iyo pa injlojwanik poli jlele ti ijwi'il.

Lucas 24:19

Jesús iyo'ne 'ate ti i'yase'n papoka: —¿Tepit'i iyoyiyi paka? Sekyi'i iyoyis'ne 'ate: —Siukia tiwonaja'ne kia Jesús Nazaret jlele, injwejlanik jiwo ti jijweye po', Sinia' wuj ti ijiuniti siukiwa ilisane, siu'neje kiwa iyo jlamtikie', pajlat napo i'nio' ti ijiat ti yiminis.

Lucas 5:26

'Yina wikie'eyi siupapo sekyi'i jlam jnots'inijits'i'ni. Iyoyet'iyispe 'ate ti iyunitis pa Sinia', kajeyepa ti jnots'ijnits'i: —'Nakap'ane ti sitiete i'wi'in siuniwa ti kassesi'liet.

Lucas 5:8

Simón Pedro ti i'wi'in ti kia'iyo, t'akosjlete'l itiyet'iyijimpe kiajwe pa Jesús, sekyi'i iyo'ne 'ate: —¡K'iuk'i'm, 'Yaka'niona, sitioniti'n ti ya'am ti je ts'es!

Lucas 7:15

Yiyet'ijyimpe pak jwemik, tamtiye. Sekyi'i Jesús yikiajli'ne japa jlet.

Lucas 7:39

Pak siupa Fariseo Jesús ijioyi, ti i'winat'iyipi, 'yina iyo'ne 'ate ti yini'ni jikiowe'e, “Jlamt'itie ka ijiatayi ka injwejlanik jiwoye siu'nie i'nio', jlam kiak je iyotaja'ni siojona asejnia ka inkie'ne, kajeyepa ti 'yijentaja paka inwone ti siojona asejnia je 'es, ijiate ti iyoyi ni jike'.”

Lucas 8:37

Wikie'eyi siupapo i'nio' sek ji'wet'e, yiji japa Gerasa, kiak t'ipa iyonayisipi pa Jesús, ti ijliuyis'ni: —¡Majna'a ka 'nak ataj'le! Lapakawo ti jnots'ijnits'i papo i'nio'. Jlampa iyoyeyi ka insojmajia'm pa Jesús japa kasejkana, ti iyoyet'iyi'ijyi ka inek,

Lucas 9:19

Isiujlie ti iyo'ate: —Po' napo i'nio' ijwi'il ka Juan inajiejnawoye'a'm, ijia napo ijwil ka Elíassa'a'm, po 'neje napo ti ijwil ka injwejlanik jiwoye'a'm ka papokaye siupapo iniant'i'nijpe, ka inapi pijia'm.

Juan 1:21

Yikiajlayisi'iji ti i'yasisi'n: —Jakajliete, ¿te'na'm? ¿Amt'imi siupa injwejlanik jiwo Elías? Juan iyo'ne 'ate: —Je ya'am. Jlam yinjliyisi ape'e: —¿Amt'e jiat'eje siupa injwejlanik jiwo ti ja'nes? Isiujlie ti iyo'ate: —Je'e.

Juan 1:25

ti i'yasisi'n: —¿Yot'iyi'ni jiat'eje ti jiniejiejne'n napo i'nio'?, ti jijwe'el ti je injwajietiwo'wa'm, jla'yi ti jijwe'el je a'am siupi Elías, siu'neje ti jijwe'el je a'am siupi injwejlanik jiwo.

Juan 4:19

Ti ipi'yaye ti kia'iyo, iyo'ne 'ate jlajak i'nioki: —'Yaka'niona, ijiatp'aneje ti a'm injwejlanik jiwo'wa'm.

Juan 6:14

Iyone'ne 'ate japo i'nio' ti i'winayis siukia iyo ki i'winki'n: —Ijiatp'aneje ti 'naka 'ni tijwela'nijpe, siupa injwejlanik jiwo ti ja'nes ajnat'e.

Juan 9:17

Yikiajlayisi'iji ti i'yasis'ni jak i'nio' ja talokpe, ti iyoyits'i 'ate: —¿Tepi jiwo pet ti a'am, siupi i'nio' in'wejnajne'n? Isiujlie japo ti iyo'ate: —Ya'am awo'ate, injwejlanik jiwo jaka.

Hechos 5:5

Ananías, ti ipi'yaye ti kia'iyo, yamat'ipi isia'm, mom 'yal'ne. Wikie'eyi papo i'nio' ti t'ijieyeyi jlots'ini po'.

Hechos 7:37

Jla'am pa Moisés siupa ti iyont'iyijpe 'ate papo Israel jika kia'lis, “Sinia' jantajlat aswa'm siupa jijwejlanik jiwo ti jawo'ate awoyi.”

Gálatas 1:24

Sekyi'i wuj ti iyunitis pa Sinia' ti i'winayis siukia awoyi.