Lucas 7:13 - Sinia' Jlamtis 1994

¹³ Ti Jesús i'yejne'n japa ask'ilieki, wuj ti ip'ilisin'ni, sekyi'i iyone'ne 'ate: —Leyi ti jlap'ni.

Lucas 7:13 Iomraidhean Croise

Marcos 8:2

—Wujwat ti ap'elisi'n 'napo i'nio', kajeyepa ti jika jlomas najapeja p'an ti yiyis ijiap, 'yina 'etsakaja 'neje ti itijwits'i kiwa jikas.

Lucas 10:1

Jlampa paja'ni ape'e siupuwa iyot'iyipi, Saka'niona isimat'i'yik'ijpe papo setenta y dos t'eyasajnas. Timesiamk'i'ni ti ijliuyet'i'nijpe ti iniajnate'n jik'ioye ti ijioyits'i siupuwa isi'il ji'wetis papo i'nio', siupuwa iyo ka ijnoyits'i.

Lucas 11:1

Yit'iyipe pa jloma Jesús iyo t'ajlayeja' ts'e yi'i siupa yi'i. Jlampa itimayi, sekyi'i ijwienjli'ne siupa t'eyasanik ti iyone 'ate: —'Yaka'niona, kasts'eyasane pet ka iyok ts'ajlayeja', iyot'iyipi pa Juan ti 'yiyasajne'n papo t'eyasajnas.

Lucas 11:39

Saka'niona iyone'ne 'ate pak Fariseo: —Asa'am ti Fariséojosts'ase'm, kisie'e 'nejie'e wek ti jijwela' ka lejajiamk'i niwa asat jijwa'al, aka teti'l siuniwa ji'yekiuniejiamk'i kia'iyojliyi. Jlam'ne jik'ioyi tipoyeyiji siuniwa askajlajnatis, jla'yi niwa jitiajlayiji ni siunie je 'es.

Lucas 12:42

Saka'niona isiujlie ti iyo'ate: —¿Tempi i'nio' ti inkawo ti 'es jla'yi ti jlosik yiji'ni? 'Naka ni jika anechiyas jan'yenkina siunapo ijia jikawos 'neje ji'wet'e, siupa jloma ti lajata'yise pa anechiyas, ti jlam ti tekiajlaja kan'yena papo ijia, jak je iyoyiji yiyi siojopa jloma tetijnaja kanwe'en pi inak, sekyi'i iwinajamk'i papo ijia.

Lucas 13:15

Saka'niona isiujlie ti iyo'ate: —¡Sintijyisat'itie'ase'm! Siojona jloma ti i'nio 'wanjlijyi'n, ¿jilienajyi'ijyi niwa aslajwas wakiajas ti inkijmayewos, ni'ne ti malekiatiok pa, jloyeyi i'niate ti ji'yayina? ¿Mi ijiate?

Lucas 17:5

Siojopo injlojwajnas i'yasat'iyisijimpe pa Saka'niona ti iyoyits'i 'ate: —Womeje sik'ioye ni sitienkiujnieye ti 'es ka wents'e'm.

Lucas 17:6

Saka'niona isiujlie ti iyo'ate: —Ka poye siunie astankiujnieye ni 'es 'wanjlit'itie ka wo'ate jana jlojlase' jana mostaza ti samjlie'e, je jwela ka je akajlajyi ka wonayi 'ate ka ne'yi japa a'laye, “Taj'le ni jle'yi, jlase ni i'niat lajlik'i”, siojona a'la' jana jlamti'yi jank'iu'wa'm ni jiwone.

Lucas 18:6

Saka'niona yine ape'e ti iyo'ate: —Jlamtis kia'iyo pak i'ye'en napo jitis wus ti je i'nio'.

Lucas 19:8

Sekyi'i pa Zaqueo takasit'ne ti iyonat'iyijpe 'ate pa Jesús: —'Yaka'niona, siu'nie jloma jajyiwitajna'm pet k'iye napo i'nio' p'ijliusis ni k'ie na a'we'en. Jlampet siojona ajale napo ti akajlan kiajwe, janak jayikiajle, ja'yakajmate wat ape'e siuti jajnojlits'i niwa jayikiajle.

Lucas 22:61

Sekyi'i Saka'niona tejeyi'ni ja Pedro ti i'yenayi. Ti Pedro i'winayi sekyi'i jitiej t'ipa wujwak'ipe siupa ti Saka'niona iyone'ate, “Siu'nie ajnaj ka majletiejejna ka nap ni ajwenta, janajapajayiji ti janikakiu'ni ti jajwel ja ke intant'iejk'i.”

Lucas 24:3

Yamisieta jik'ioyi pa a'no', ti je i'winis pa t'ajwes pa Saka'niona Jesús.

Lucas 24:34

ijwilisiam'ne ti iyo'ate: —¡Ijiatp'aneje ti yapi pijia'm ja Saka'niona, ini'wenkijna'm ja Simón!

Lucas 7:12

Ti majleyet'iyipi jlaja isi', i'winat'iyispe ilia'm papo i'nio' ti yamisi siupa i'nio masa, ti k'iejli yamistaja a'noyi ti jantejesk'iye. Pakajampe pa jlas ijwienjli siojopa asejnia ti ask'ilieki. 'Yina 'loj papo i'nio' sek ji'wet'e yamisk'i ti yapisi.

Lucas 7:14

Yamat'iyipi siupa ijno'wet tena ape'e, sekyi'i isiets'e'ne. Yajapak'iji'n siupapo itijlia. Pakayi ti Jesús iyone 'ate pak i'nio masa: —Jwemik, a'am ti ajwel'ni ti awo'ate, ¡neppijia'm!

Lucas 7:19

papok'ne ti ijliuyi pa Jesús ka i'yasisi'n ka iwonisi 'ate: —¿Mi a'am ti pajk'i ti injwela'ni ti ja'nes, ni'ne kapoye pa jikiechaye ti jats'iukin kiu'ujwe k'iye?

Lucas 8:52

Wojoyeyija'm ti tajwik'i wita'm siupapo i'nio', ti yapisi. Sekyi'i Jesús iyonat'iyijpe 'ate: —Ká ajwiyets'i wita'm, je 'ya'al jana jlosie, 'najata wek jla'am ti imia'a.

Juan 11:2

María siujlieja ti siunie jini inkajk'i 'yilinijk'i jawa jisietis ja Saka'niona, jla'yi ti ji'wole isiene ti ilijik'i.

Juan 11:3

'Yina ja Lázaro ti je 'es, sekyi'i japo jikitiawot takajlunieyi ja Jesús ka toki, ka tiwonaja 'ate: —'Yaka'niona, 'ajajnajwa ja je 'esi.

Juan 20:13

Siupapo injlojwajnas poli jlele i'yasen'ne jlaja María ti iyo'ate: —Jla i'nioki, ¿yot'iyi'ni ti jlap'ni? Isiujlie ti iyo'ate: —Tikiniet'iyi ki t'ajwes masa ki 'Yaka'niona. Je ts'ajane pa tokiji.

Juan 20:15

Jesús i'yasen'ne jlaja María ti iyo'ate: —Jla i'nioki, ¿yot'iyi'ni ti jlap'ni? ¿Ten siupi jiwojyin'ni? María ijwilta ka pakaye siupi i'yena ja inwasok. I'yasen'ne ti iyo'ate: —Sip'elisin wata'a, ka ama'a ka ajlasat, jwelk'i'm siupi jle'ne, jayikinie'e.

Juan 4:1

Siojopo Fariséojos t'ijieyeyi ja Jesús ti 'yaka'm ape'e ja Juan siojopo t'eyasajnas, jla'yi japo jiniejiejnas ti 'loj jla'am.

Juan 6:23

Sekyi'i ti 'nesa'ni siojowa kasejkanayis ijia 'wena tajli, tajle jlaja isi' jle' iyo'ate Tiberias, ti ijioyisi siojo je tojwape'n ja Jesús yine'e kiwa woyejes ti iyo t'ajlayeja' ape'e.

1 Corintios 7:30

Jlampet siunapo ti jika ameyik po', ni'ne ka k'iejliyeyi pa ka jiwet'iaye ti iyo jijliak'aliye, 'esiji ka aniwonayi 'ate iyo ti inkasatieje'n. Jlampet siunapo ti inkase'n jiwek jlamis, 'esiji ka aniwonayi 'ate ti potie pa jiwet'ia ti yiyi ti a'tiek'i. Jlampet siunapo ti tik'iajwajyi'n, siuniwa yamisi, janwonisi pet 'ate ti je jikimet niwa yamisi.

1 Tesalonicenses 4:13

I'lijwas, jlampet siukiapo pajk'i ti 'yajle'n, awoktajank'iye ka 'najanayi pet paka wonayi, 'nakayi ti astankiujnieyi ja ke inlanayi, ka woye 'ate siunapo ijia lajk'iyi paka iwo ka nejejwijyink'iye pet.

Hebreos 2:17

Siuti k'iejliyi pa jijliak'ali napo ji'niayi ijwienjli, sekyi'i kiak iniwonayi pit iyo jlamis. Sekyi'i ti 'esieyiji ti kiak iniwone 'ate iyo ni pa'yijis jika anechiyas wuj, siunie ti je tiwonaja jla'am, siu'neje ti takap'ijliuski ti iniuyeje napo i'nio' siunie Sinia' itiliaja ka woyi. Jla'yi ti initiajnat niwa jloski'la ti iyoyi jikieye ki jiliaye iyo ti 'ya'al.

Hebreos 4:15

Jlajmiliet, siunie saka pa'yijis jika anechiyas wuj, je naka ni siunie ti je 'yijene paka iwone ka kasp'elisijne'n ni iyo siuniwa sijliak'ali. 'Yina siuniwa inkajejlasayejes yits'e kia'iyo niwak yiyi, ijwienjliyi jla'am siunie ti 'wena t'asap'e naka ti je iyoyi ni jike'.