Lucas 6:8 - Sinia' Jlamtis 1994

⁸ Ti Jesús 'yijene pi iyone siupa jikiowe iyonisi, sekyi'i iyone'ne 'ate pak i'nio': —Neppijia'm, jon 'ne kiu'. Iniyet'ipi pijia'm pa i'nio', sekyi'i ti takasitiet'ipi.

Lucas 6:8 Iomraidhean Croise

Mateo 9:4

'Yina Jesús 'yijene pi jitienkiujnieye iyonisi, sekyi'i ti kiakt'ipa iyonayijipi: —¿Yot'iyi'ni ti je 'es siunie yiji ni asosik?

Marcos 3:3

'Yina Jesús tanayi pak i'nio' ti iyone 'ate: —Kasit, jomet'ne jikiowe'e 'napo.

Lucas 13:12

Ti Jesús i'winayi, tanat'iyipi, sekyi'i iyonat'iyijpe 'ate: —Jla'a i'nioki, jijwajyi ki iyo ki awet'ia.

Lucas 5:22

Jesús 'yijene pi iyone siupa iyo pa jitienkiujnieye jak je iyoyi'ni ti iyone'ate ti i'yasaja'm: —¿Yot'iyi'ni ti kiak jiwonayi ni astankiujnieye?

Lucas 6:9

Iyo'ne 'ate papo i'nio': —Ja'yasa aswa'am, ¿tent'i jla'am siupa 'esiji ka tiwoki siojona jloma ti i'nio 'wanjlijyi'n, nakat'e ni je 'es, ni'ne ka jiliaye intajleje? ¿Ka ijwajiete pi jiwet'ia, ni'ne ka i'mate?

Juan 2:25

Ijiate lajatak'ipa ka injwejla'm ki iyo ki jlosik japo i'nio', kajeyepa jlam ti itiant'ieje ni jlosik iyo ni i'nio'.

Juan 21:17

Jesús yikiajle'e'ne ti i'yase'n, sekyi'i ti najapajayiji ti iyo'ate: —Simón, Juan jlas, ¿mi semi'n? Pedro sekyi'i ti je inkajayi ka inkiujlie'ni, 'yina kajeyepa ti najapajayiji ti i'yas'ni ka ijiatayiji ka inemi'n. Isiujlie'ne ti iyo'ate: —'Yaka'niona, am ti 'najane wikie'eyi niwa wask'i'nelaja. 'Najane 'neje ti emi'n. Jesús iyone'ne 'ate: —Mayijinie'e pi jlak yi'i niwa iliajwas 'wolepo'.

Juan 9:4

Alenjlipa ti jlomajli'ijyi, 'esijyi ka isimaja ni jikijmaye ni I'nio' sijliu'. Je pa tojwa'a siunie ti ja ajnaja, ti ja lajak'ipa ka inkajli ka inkijme'n.

Hechos 20:24

Ejlojli wekie'e, 'yina je awoyi yitinikie' niwaka, kajeyepa ka ikajli wata'a ts'iji ka yitak'i siu'nie yaj jane'yi, siu'nie awo ti akk'i, jla'yi ti aki ni inka'niye ti tajle ni Sinia', siunie Saka'niona Jesús yikialk'i, naka ni Sinia' jikap'ijliuskiye. Wuj ti ts'ajkaj'ni ti kia'iyo.

Hechos 26:26

Yi 'ne 'na anechiyas Agripa, siu'nie 'yijene pi iyonk'i, siuniwa ajwe'el, it'imina ti je sots'i'n ape'e ti ajwe'el. Je iyo'ate ka je 'nakaj siunie Sinia' iyo ti ilisane, iyo niwa i'wi'in na anechiyas.

Filipenses 1:28

Ká aninenayi 'ate siunie ti ja ke injweyeyi napo astajiejwas. Siunie ti kiak jawoyeyi, nak 'yakajanit ti jano'we ti jajnoyi siunie je 'es jiliayeja', 'yina jlampet ti asa'am jajwayejyi'n. Naka pet ti tajle pi Sinia' siunie iyo'nase.

Hebreos 4:13

Lajk'ipa ka ne'yi siuniwa jilisajna' jla'am pi Sinia' ka 'najane paka iwone ka injwe'el ka inijwekia'm ti jla'am pi Sinia'. 'Yina ja ke injla'an wikie'eyi niwa wask'i'nelaja ti jitiete i'wi'in, jla'am ti ja kas'ye'en siupi awoki, ka netiejenie'e siojona jloma ti yi' jlaja.

1 Pedro 4:1

Siupi iyot'iyipi pa Sijwajieti ti inilayiti pi iyo pa jiwet'ia, kiak jawoyeyi pet. 'Esiji ka niwakajlanitie ta'a k'iye siunie asjlak'aliye ka netie'ase. 'Yina ti siunie ti ijiate ti inilayiti, nak iliyi pet 'nijiye ni jike',