Lucas 6:44 - Sinia' Jlamtis 1994

⁴⁴ Niwak 'yakajanit jla', jla'a a'la' ti 'es, ni'ne ti je 'es. Je jla' siujlie'e ti te' siuniwa higok jla', ni'ne ka titiajlajaja'm niwa ts'ejnietio' ti tilienajata siojona a'la' jlel po'.

Lucas 6:44 Iomraidhean Croise

Mateo 12:33

“Siojona a'la' ti 'es isis pet niwa jla', jlampet siojona ti je 'es je isis pet niwa jla'. Jla' niwak 'yakajanit jana a'la' ti je 'es, ni'ne ti 'es jana a'la'.

Mateo 7:16

Je ijiat ka je intant'iejayi ka 'wenatiena'a ni jikijmaye iyo. 'Yejne'n, siuniwa ts'ejnietio' je janak jlel po' jlaye, ni'ne ka siuniwa higok jla' je janak istiek ka jlaye.

Mateo 7:20

'Yina kia'iyo ni siunie ajwe'el, napoka ni jikijmaye ni iyonisi nak jant'emina ti jantant'iejayi.

Santiago 3:12

Siojona higok ti iyoyeta jlaye, ¿mi ja jlaye puwa olivok jla'? Ni'ne ka siojona ts'ejniek jit'io ¿jlaye jana higok jla'? I'lijwas kiak jawo siunie i'niat ti inkaje, je nak ka titiajlajaje jana i'niat ti tosijyi.

Judas 1:12

Jak je iyoyiji siuti jinikijwana ti jiwoyeta aslakijnieyeja' ape'e ni Saka'niona jlemijnaye ni siunie yi'asap, 'yina je iyo jlosikie'ase, jak je iyoyiji wuj ti i'najwejlanatak'i wita'm asam ti jikijwanayi. Iyo'ate siunapo sontas jiwos ti je 'yakojniejne'n ni siuniwa jiliajwas, 'yina ti'yekiujni'n jla'am jiwekie'e. Iyo'ate siuniwa polis ti i'niat je yijits'i, jak je iyoyiji siunie jlajwu ti yejwuti itiete'ni. Iyo'neje 'ate siuniwa a'la' ti je iyo jlaye' ti yiyetaja siunie ti jota iwo jlaye'. Timesiji'ni ti 'yajlits'i siu'neje ti jitiskiu'l tiniayejek'i ti tilienak'i pijia'm.