Lucas 6:41 - Sinia' Jlamtis 1994

⁴¹ “¿Yot'iyi'ni ti ji'yenayi ni akiecha siunie yiji jana jitiete, jlam'ne jop jlosili jiwekie'e ni jitiolkiot, jlam'ne ka ani'yejne'n pet ti po' ni yiji jana atate, ti jla'm ijiate jla'am ti wu'we ni atolkiot, ti ijiate ti a'lawaja ni yiji jana atate?

Lucas 6:41 Iomraidhean Croise

Mateo 7:1

“Ká alaki ni akiecha pi k'iejliyi ti iyoyi, ja 'nakayeyijna'a ka Sinia' je in'ye'en pet siupi ates iyoyi.

Marcos 8:7

'Nak nojwaja'm 'neje puwa si'yus jilis, 'yina Jesús kiak iyonjliyi ti jinikanitieyi yikiajle pa Sinia', sekyi'i ti yikiajle japo t'eyasajnas ka iwenk'i papo i'nio'.

Lucas 6:40

Je ti'wena pa siunie i'neyasanik ka int'a'n ape'e paka jika anechiyasa. Ijiat itieje jla'am ti yamata ape'e pet siunie t'eyasanaja, jiwekie'eja ti ijniujliji ni jika anechiyas.

Lucas 6:42

Ni'ne ka awone 'ate ni akiecha, “Se'nate ja ijialas ni atolkiot.” ¡Ijiate wata'a ti ijnoski'la'n! Najnat ka aton kisie'e ni yiji jana atate ti atolkiot, sekjane'yi ka jiwekie'ejana'a pet ka 'esieyiji ka 'yene ni jitiolkiot ni akiecha, kajeyepa ti ja 'esieyiji ti ja'yen ts'ijiye.

Juan 8:7

'Yina ti i'yasis'ni, e'tieje'ne ti tijna pijia'm, sekyi'i iyo'ne 'ate: —Siunie ti asa'am jane'yi pa ja laja jikeye, nak inanayijna'a ka sisajas intateje'n.

Romanos 2:1

Siupet ti a'am, 'ni isiecha ti jiwoyi jitisa' pa akiecha pi k'iejliyi pi iyoyi, kiak jiwoyi ates po' pet, 'wanjliyi ka kia'iwo ka e' poye, ni'ne ka laja eye. Ijiate, siuti kiak jiwone ni akiecha ti jle'ne, 'yina kiak jiwoyi am am pet ti jiwo atesa', kajeyepa ti jiwoyi siunie iyoyisi.

Santiago 1:24

jla'yi ti i'wi'n pa jloniye iyo. Jlam'ne ti itime ti i'yejni sekyi'i ka kia'iwo ka jitiej inene'ni 'ate siupa iyo ti i'yejni japa ti'yenaja.