Lucas 6:30 - Sinia' Jlamtis 1994

³⁰ Siuti akiecha t'ajle'a'm pi k'iejliyi, ke ejna'm. Kia'iyojliyi ti akiecha po' pi ijia'la, ejlowekie'e ka je ekial.

Lucas 6:30 Iomraidhean Croise

Mateo 18:35

Jesús yine ape'e ti iyo'ate: —'Yina kiak janwo'nase ni Inia' ti yi' poliyi, jane'yi pa ti asa'am siuti kiak jawoyeyi ja ke anip'elisina, ti ja ke ijiatayi ka anetiajnata ni jitis iyo napo a'lejwas.

Mateo 5:39

'Yina jayo'ate, Siuti akiecha kiak iyo'na ti je 'es ni yi'na'm, ká atayiti. Siuti akiecha impaj ak'iolo'we 'niji ajweyeje, janekiajle'e ka impaj ka atomatayijna'a ilia'm ni ak'iolo' to'm a'lame.

Mateo 6:12

Ka atajlatts'e'm jiwek siunie sitis iyo kasp'elisijne'n, wone 'ate awonaja pet siunapo ti po' ni yints'e'm ti je 'es, ti ap'elisinaja'n.

Lucas 11:41

Siuti jawoye 'wajieta' pa jane'yi pa, 'esijyi ka ijiatayiji ka intajle ni ajosik ti 'es, 'nakayeyipe ti ja 'esie siunie jawoyeyi.

Lucas 12:33

Wena'ni siuniwa ji'wena askijmatis. Siojona ja lajaye ka wenajiamk'ina'a pet siunapo i'nio' p'ijliusis. Enajyits'i niwa aselijyis siuniwa ji'niayi itio'yi, akijmatis ti ja ke paja ka netia'n ts'ijiye poliyi.

Lucas 18:22

Jesús ti ipi'ya ti kia'iyo, sekyi'i iyone'ne 'ate: —Mawat ijwienjli ni netia'n. Wen'ni siuniwa wask'i'nelaja niwa ji'we'en, tej'wena'a siojona ja lajaye ka wenajamna'a napo p'ijliusis, jane ts'ijiye niwa akijmatis poliyi. Ka jla'm ijiatayijna'a ka naj, ka anamana'a ijyik'i.

Lucas 6:29

Siuti akiecha jampaj, 'ne yi'i ni ak'iolo', jante'ma ka atojmatayi ni ak'iolo' kiecha. Siuti akiecha jajna'la ni a'wu', siunie tomi pijia'm, e'nate ka ijna'la siunie jitiujmate isia'm.

Lucas 6:31

Siupa jiwoyejyink'iye ka tiwona'ase, kiak wonayi napo as'lejwas.

Lucas 6:38

Wenajia'm napo as'lejwas pa k'iejliyeyi, 'nakayi ti Sinia' janwe'nase'm pet pi k'iejliyi, ja 'etsakaja siunie Sinia' janwe'nase'm. Jampoyi siojopa elichi, jampatajanie'e jajnojlietiji pet siupi jiwonayi napo as'lejwas ti janwe'nase'm.”

Hechos 20:35

K'iejliyi'iji pa akima, sekyi'i ti ajwanayija'ajme pet ti 'eyasanajyi'n ti awo ka kiak aniwonayi, ka anoyeyeje siunapo p'ijliusis siupa isitia'n. Astaj enayijpe 'ate siusiwa Saka'niona jlamtis ti 'yakaj, ti iyo'ate, “Siunie iyo 'wajietiye, ni Sinia' iyone ti ip'ilisi'n 'yaka'm ape'e siunie ti tiwok ji'wajieta'.””

2 Corintios 8:9

Jlam'ne 'najanayi pi jiwonayi pa Saka'niona Jesús ti Sijwajieti siunie kiak iniwone, ti iniwojwa'n 'ate siunie p'ijliusie, jlam'ne ki iyoyetaja ti jwajla'a je isitia'n. Lapakawo ti ijiateje ti kasp'elisijne'n, 'nakayi ti ja'nesieyi siuti kiak iniwone astepe'e ti iniwojwa'n p'ijliusieja', jawoye pet 'ate siunapo ti ijiate ti jwajla'a je isitia'n.

Efesios 4:28

Siunie takajla'n 'esiji kanlek'i, 'esiji ka inkijme'n. Siuniwa jikioye, 'esiji ka itajietap pet siunie jikijmaye ti 'es, ja 'nakayeyipe pet siuti po' napo ti jwajla'a je i'wi'in, ja 'esieyi pet ti janoyeje.