Lucas 6:19 - Sinia' Jlamtis 1994

¹⁹ 'Yina siupapo i'nio' wikie'eyi ti iyoyistaja pet ka inkiesits'i pa Jesús, lapakawo ti i'wi'in siupapo i'mieniti'n, ti pak isiene pa jijweye ti tal jiwa'm.

Lucas 6:19 Iomraidhean Croise

Mateo 14:36

ijwilisiam'ne ja Jesús ka je k'iejliyeyi paka woyi ti iyo ka jakataja wek ka inkiesits'i ja ji'wu'. Ijiatjliyi wikie'eyi siojopo isiejts'e, japok isisi'ne.

Marcos 3:10

'Yaka i'winis ti je pini' papo je isis ti ijwiejiete'n, jak je iyoyiji siupapo je isis ti iyo kanses, 'yina ini'nomajayisiji ti iyo kankiejts'e ja Jesús.

Marcos 5:30

Jesús iliatk'i pa jijweye ti iniu kisie'e, sekyi'i ti tejeye ilia'm papo i'nio' ti i'yasa'm ti iyone 'ate: —¿Ten siupa isiejts'e 'ni i'yu'?

Marcos 6:56

Ajnat japa yi'i, ni'ne ti yiji japa isi' wuj, ni'ne ti je wuj, ni'ne ti yiyi puwa ji'wetis jilis papo i'nio', siupa jano'we sek yinayits'i k'iye papo je isis, yi'i pi jika'wu japa isi'. Sekyi'i ti inip'elisinayisi ja Jesús ka pakataja jiwek ji'wu' ka inkiejts'e. Jak je iyoyiji wikie'eyi siupapo isiejts'e pa ji'wu' papok isis'ne.

Marcos 8:22

Paj ti yiyet'iyispe 'niji yi'i jlaja ajnat jle' iyo'ate Betsaida, pakayi ti tikiniejayiji pa talok ja Jesús, ti inip'elisinisi ja Jesús ka ink'iejts'e.

Lucas 5:17

Siojopa jloma ti Jesús taka'neyasa'n, sekyiyet'i'yijpe pet siupapo ijia Fariséojos, siu'neje papo taka'neyasane pa Moisés jika'neyasajnaye, yik'iji'n paka'a, itijw puwa isi'il tajlits'i yiji jlaja Galilea, siu'neje puwa ajnatis Judea, jla'yi jlaja Jerusalén. 'Yina 'yakaj pa Sinia' jijweye ti yijap pa Jesús ti ijwiejiete'n papo i'nio' je isis.

Lucas 6:18

Ijioyisi pa Jesús ti its'iuyisi, jla'yi ti iyo ka Jesús injwajiete siupuwa jiwet'ia iyot'iyipi papo i'nio'. Siupapo jitiejt'e je isispe, papok'ne siupapo ti isis ti tijwajyi pi jiwet'ia iyo.

Hechos 19:12

Jak je iyoyiji'ni 'wanjliyi ti ijnetik p'ot jlas pa, ni'ne ti lotakiniewa pa, siupa ti isie'ne jawa t'ajwes ja Pablo, ti tikiniejejataja siupapo je isis, sekyi'i tijwayet'ijyipi pi jiliaye pa i'nio' ti kiak tiwonaja. Jak je iyoyiji siupuwa imose'l iniuk'i kisie'e.

1 Pedro 2:9

'Yina ti asa'am jla'am ti isi'mase'm ti iyo jika kia'lisa'ase'm. Asa'am ti pa'yijists'ase'm ti jiniuyeyeje ni aska anechiyas ti wuj. Asa'am ti Sinia' jika kia'lits'ase'm ti 'wena ijnotie'yi, ti jlam ti ya'mase ka jwela siuniwa isis jilisajna'; naka ti tana'ase ka atajlayi siunie ajnatiok, sekyi'i ti jawayejyi ni siunie jla'al jana kates ti wuj ti 'es.