Lucas 6:13 - Sinia' Jlamtis 1994

¹³ K'iejlimot ti tanat'iyipi japo t'eyasajnas, pakayi'ne ti isi'mik'i siojopo itijwa'm niwa sikioye times tom'niji ti iyone jijliujwajnasa'.

Lucas 6:13 Iomraidhean Croise

Mateo 10:2

'Niwak jleyis japok itijwa'm niwa sikioye times tom'niji injlojwajnas. Siojo inia'an jle' iyo'ate Simón, siojo tiwonaja'ni 'neje 'ate Pedro, siu'neje ja jikilia Andrés. Santiago jla'yi ja ji'yini Juan, Zebedeo jilis.

Mateo 19:28

Jesús isiujlie japo ti iyo'ate: —Ijiatk'i siu'nie jayo'nase, ka inetiejenie'e siojona jloma ti Sinia' janekiajle'e ti jawo ink'iejyisa' wikie'eyi niwa wask'i'nelaja, siojona jloma ti ni I'nio' Jlas jane'yiji'n siojona ji'wet ti 'es ti jawo anechiyasa', asa'am kiak jawoyeyi'iji pet. Jawaye'yiji'n niwak in'wetis itijwa'm sikioye times tom'niji ti jawoye anechiyasisa' pet, asa'am ti je liyejyin'ni ijyik'i. Japakayeyi ti siunapo i'nio' ti je pini', siunapo tajla'm napo itijwa'm sikioye times tom'niji Israel jilis, ti jane' askiajwe ti jawoye pet anechiyasisa'.

Mateo 9:36

Ti i'yenaja'n japo i'nio', sekyi'i iyone 'ate: —Wuj wata'a ti p'ijliusis. Kajeyepa ti iyoye'ate niwa sontas ti laj jika'nionaja kan'yena, ji'niayi je 'es ka nek'ni, jla'yi ti jikanowe iliajne'n, it'imina ti laj jijweyeja'.

Marcos 6:30

Jlampa yamajampe 'niji kiaka, ti 'nesa'ni pet japo jijliujwajnas, sekyi'i ti nowayisiji ja jika anechiyasis ti ijwilisia'm wikie'eyi siupa iyoyisi, siu'neje pa taka'neyasane.

Marcos 6:7

Sekyi'i tanayits'i japo t'eyasajnas itijwa'm niwa sikioye times tom'niji, itimisietamk'i'ni ti ijliuye'ni, sekyi'i jijweye iwijnamk'i siunie ti imose'l je to'm ilia'm, sekyi'i ti iniuyek'iji kisie'e.

Lucas 11:49

“'Yina Sinia' 'yijene naka, it'imina ti iyo'ate niwa jlamtis, “Jajliuyinie'e napo ijwijlanawos, siu'neje napo ijliujwajnas, ijia papo janlajne'n, ijia 'neje papo jantayis ilia'm ti ja tak'ajaki'n.”

Lucas 22:30

Kiak jawo'ojyi ja kijwanak'i ts'iji ti jayo anechiyasa', ka aye'yijinna'a siuniwa in'wetis ti jawoye anechiyasisa', jane'ya kiajwe siunapo tajla'm napo itijwa'm niwa sikioye times tom'niji Israel jilis.”

Lucas 6:14

'Napoka'ne siu'napo: Simón, ti jlamt'ipi'iji jla'am pa Jesús ti iyo jleye, ti iyo'ate Pedro, Andrés siojo jikilia jla'am, Santiago, Juan, siu'neje ja Felipe, Bartolomé,

Juan 4:33

Ti ipi'yayeyis ti kia'iyo japo t'eyasajnas iyoyis'ne 'ate ti ini'yasis: —¿Ent'a pot'ijyi wata'a pa nameje pi itiujw?

Hechos 1:13

Ti yiyisiet'iyipi jlaja isi', yamitat'iyisipi siupi yiyits'i'ni siojopa 'wuk toj pijia'm. Pedrojimpe, jla'yi ja Juan, siu'neje pa Santiago, jla'yi ja Andrés, siu'neje ja Felipe, siu'neje ja Tomás, jla'yi ja Bartolomé, siu'neje ja Mateo, siu'neje ja Alfeo jlas jle' iyo'ate Santiago, siu'neje ja Simón tajla'm pet papo celote, siu'neje ja Santiago 'neje jlas siupi jle' iyo'ate Judas.

Efesios 2:20

Jiwoye 'ate siojona 'wuk ti po' ni to'm isiamk'iye napoka napo injlojwajnas siu'neje papo Sinia' jijwejlanawos t'ipi. Siojona jlame sisaj to'm isiamk'iye nakaye pet ni Sijwajieti.

Efesios 4:11

Jla'am ti iwijnamk'i napo i'nio' ni jijweye ti iyoyi ji'wajieta'. Po' napo iwijna'm ka wo jijliujwajnasa', ijia napo iyone jijwejlanawosa', ijia napo iyone inka'niye jiwosa', ijia napo ijniejiet'e kan'yenkina napo jilis, ti 'yiyasajne'n napo i'nio'.

Hebreos 3:1

I'lijwas, asa'am ti Sinia' pajk'i ti ta'nase jla'yi ti i'notata', astaj enayi 'ate pa Jesús, ti jla'am ti Sinia' jijliujwanik siu'neje ti jla'am ti pa'yijis jika anechiyas wuj, ni siunie sitiej awomaja.

2 Pedro 3:2

Ja 'nakayeyijna'a ti ja ke inkiwaliyeyi'i siuniwa inamtis ijwil t'ipi papo injwejlanawos t'ipi Sinia' jikawos ti isis, siu'neje niwa jlamtis pi Saka'niona ti Sijwajieti ti ijwil pet papo jijliujwajnas, ti kasts'eyasane.

Apocalipsis 12:1

Sekp'an yi'i ti 'yakajayi pet ts'iji poliyi ti inia'an k'iye siunie jawoyi ti japoye ti je jwajla'a. 'Yina asejnia jla'a initoti wita'm jla'am ni kilie' ti iyo ji'wuye, siunie we'la yi' jisietis kiajwe, jlampet siojona jikawonta itijwa'm niwa sikioye times tom'niji ni siuniwa katese'l niwa yi' ape'e.

Apocalipsis 18:20

¡Siuti a'm poli, peni'yi ti netia'n jakiak isi'! ¡Siupet ti asa'am ti Sinia' jika kia'lits'ase'm, kiak jawoyeyi inkasajyi'n pet, siunapo injlojwajnas, siunapo Sinia' jijwejlanawos, kajeyepa ti siuti Sinia' kiak iyone isie'e, 'yina yijni pet ask'ioye siukia iyo'nasepi!

Apocalipsis 21:14

'Yina siojo inwasok tip'onajajap jlajak isi' itijwa'm niwa sikioye times tom'niji jawa sisajas jawa tiwoki jijwetisila' ti 'yit pijia'm. Po' jawa inamtis yi'i jleyis napo 'wolepo 'woma jijliujwajnas siunapo itijwa'm niwa sikioye times tom'niji.