Lucas 5:8 - Sinia' Jlamtis 1994

⁸ Simón Pedro ti i'wi'in ti kia'iyo, t'akosjlete'l itiyet'iyijimpe kiajwe pa Jesús, sekyi'i iyo'ne 'ate: —¡K'iuk'i'm, 'Yaka'niona, sitioniti'n ti ya'am ti je ts'es!

Lucas 5:8 Iomraidhean Croise

Mateo 17:6

Siojopo t'eyasajnas ipi'yayis jiwek pak ina'lap, sek t'opiyet'its'ijimpe wek ti jnots'ijnits'i.

Mateo 2:11

'Yuyeyisi, i'winis'ne pa kia'le siu'neje japa jlet, sekyi'i ti t'akosjlete'l itiyeyisijin kiajwe ti iyunitis. 'Yajlinitiek'i ape'e puwa jikijmatis, iyoyeyi 'wajietisa' puwa wikinie maja ti 'najli siu'neje pa incienso, siu'neje pa mirra.

Mateo 8:8

'Yina iyo'ne 'ate pak tokis jika anechiyas: —'Yaka'niona, wuj ti je ani'nojonit'i ka 'o kiajwe jlaja i'yuk. Kantitie wekie pa a'leja paka ajloyi, 'yina siojo 'yakawo ja 'esie.

Lucas 5:7

Jikiot'ipa yejat'iyi'nijpe papo jla'yis, ti yiyisi siojopa jikiecha kasejkana, ka inoyisieje. Yiyisi ti ijiosat'iyisiampe puwak kasejkanayis ti times, tipoyijk'i, ijlienat'i'nijpe ka jlam sek ijno'wik'isia'm kajeyepa kiojyitits'i.

Lucas 5:9

Tepa jawo ka kiak je iwone pi ji'lij ja Pedro, siu'neje japo ijia, ti jnots'ijnits'i ti i'winayis ti je kiak iyo puwa ka in'yakanis, kajeyepa ti 'lojwe puwa si'yus.

Juan 11:32

María yiyi wekie'e ja Jesús, takosjlete'l jitiyeyiji'n kiajwe, ti iyo'ate: —'Yaka'niona, siuka 'nak a'yi, jlam je 'yalta'ne ki 'yini masa.

1 Corintios 13:12

'Nakayi a'wena ti iyo'ate jana ti'yenaja, ti k'iejliyi pi jipe'el ti yiji, ti je ijiat ka 'nakaj. 'Yina jane'yi japa jlomaye ti ja'winaja pi Sinia' pi k'iejliyi. 'Nakayi netia'n ka 'wanjliye witame siunie ka ijiatayiji ka sitiant'ieje, 'yina japoye siojona jloma ti ja 'wanjliye witame ti ja sitiant'ieje, iyoye'ate ti Sinia' jla'am ti itiant'iek'i.

Apocalipsis 1:17

Jlampet siuti a'wenayi, jlam sek anoyeyi'iji'n kiajwe, 'yinit'iyijpe siunie ti ijiate ti 'yale. 'Yina jikio' siunie jijweye yi'n itipe'e sekyi'i ti iyonak'i 'ate: —Ke ijnots'ijni. Ya'am siunie ti inia'an, siu'neje ni jlaj,