Lucas 5:34 - Sinia' Jlamtis 1994

³⁴ Jesús isiujlie papo ti iyo'ate: —¿Tepi iyo siunapo ti ijioyi ni i'nio' ti k'iejli tijwa'yi? ¿'Est'iyiji ka ajloye ka ininel'lianiti'n, siuti je yamjli'ijyi naka siunie tijwa'yi? ¡Jeyi kat'aja!

Lucas 5:34 Iomraidhean Croise

Mateo 22:2

—Siunie Sinia' jika anechijiayas iyoye'ate siupi i'nio' ti iyo jiliakijnieye ape'e pi jlas ti tijwa'yi.

Mateo 9:15

Jesús isiujlie ti iyo'ate: —¿Tepi iyo siunapo i'nio' nojweje siunie k'iejli tijwa'yi? ¿Ti'wenat'e ka ink'ijliaja'n siuti je taljliyi'iji pak k'iejli tijwa'yi? ¡Jeyi kat'aja! Ijiatjliyijna'a ti jatalajasi, jiwekie'ejana'a ka ininel'lianiti'n.

Lucas 5:33

Tiwonajat'iyijpe 'ate pa Jesús: —Siojopo Juan inajiejnawo t'eyasajnas, siu'neje japo jla'yis pet japo Fariséojos, ininel'lianiti'n jla'am, je ijwienjli ka kia'iwo jla'yi ti iyoyis t'ajlayejesa'. Jlampet siunapo 'eyasajnas je kia'iyo, 'wenajliyi ti ti'yekiujni'n jla'yi ti i'yak'i i'niati.

Lucas 5:35

Ijiatjliyijna'a jla'am ka inetiejenie'e janak jloma ka talaja kiojyi, naka ni ijioyisi ti tijwa'yi, jiwekie'ejana'a ka 'esieyiji ka ininel'lianit.

Juan 3:29

'Yejne'n, ataj enayi 'ate ti po' ni janjwa'yi, siunie ti asejnia jana janeyi ti yijap, je int'ayeyiji'n pet ti naka siunie tijwa'yi. 'Yina po 'neje siunie t'ajajnajwa ti yijap, its'iuye'ni, je jlase' pi iyo ti inkaj'ni ti ipi'ya siupi iyo ti tamti. 'Yina kia'awo'ni pet, siu'nie inikanitiejeye lajayi'ni ji'wetayi.

2 Corintios 11:2

Ijiate ti akajien'ni astepe'e jayoyi, 'yina siunie ti ikajiejnaye po', tal Siniayi. 'Yina pajk'i ti ateme ti 'otata ta'a k'iye pet pa Sijwajieti ajalas ka neyi ts'ijiye, awoye 'ate iyo jana jlosie ti je itiant'iejliyi'ijyi pi ayinie, ti laj jikeye, jak je iyoyi janjwanjli siunie ja ayeyi, naka Sijwajieti jayo.