Lucas 5:21 - Sinia' Jlamtis 1994

²¹ Siupapo Fariséojos, siu'neje papo taka'neyasane siupa Moisés jika'neyasajnaye, jitienkiujnieye iyonisi'ne 'ate ti ipi'yayisie, “¿Tent'ipa siupa iniwone ti jla'am? 'Yina siukiwa jlamtis iyoyi, ket'ijwel ka je inta'yi ilia'm pa Sinia'. Ijwienjlijie'e jla'am pa Sinia' ti 'yijene ti initiajnat pa jike' ti iyoyi ni i'nio'.”

Lucas 5:21 Iomraidhean Croise

Mateo 26:65

'Yina siojopo pa'yijis jika anechiyas its'isatayisk'i kiwa ji'wuye, lapakawo ti jwesis. Iyonayi 'ate japo ijia: —¡Ijiate wat ti iliaki pi Sinia'! ¡Sek jla'a, je asetiana paka jikiechaye ka na'am ka injwel paka jitis inwo! ¡Jipe'yaye ala ki iyo niwa jlamtis jiniliaja!

Mateo 9:3

Yit'iyipe pa siupapo jiwos pak Moisés jika'neyasajnaye, jikiowe iyone 'ate, ti ipi'yayeyis ja Jesús ti kia'iyo, “¡Siu'nie i'nio' wuj ti iliaki pi Sinia'!”

Lucas 3:8

Woyeyi ni askijmaye siunie 'es, ka 'nakajanit ti ijiate ti jininekiajlayi pa Sinia'. Ká awoye 'ate ka askiowe amtijiena, “Lapakawo ti Abraham jilisatats'e'm ti sa'am ti atomajak'i pijia'm.” 'Yenayi siuniwa sisajas, jijwelayeta ka Sinia' je 'najane paka wone ka iwone Abraham jilisa'.

Lucas 5:17

Siojopa jloma ti Jesús taka'neyasa'n, sekyiyet'i'yijpe pet siupapo ijia Fariséojos, siu'neje papo taka'neyasane pa Moisés jika'neyasajnaye, yik'iji'n paka'a, itijw puwa isi'il tajlits'i yiji jlaja Galilea, siu'neje puwa ajnatis Judea, jla'yi jlaja Jerusalén. 'Yina 'yakaj pa Sinia' jijweye ti yijap pa Jesús ti ijwiejiete'n papo i'nio' je isis.

Lucas 5:22

Jesús 'yijene pi iyone siupa iyo pa jitienkiujnieye jak je iyoyi'ni ti iyone'ate ti i'yasaja'm: —¿Yot'iyi'ni ti kiak jiwonayi ni astankiujnieye?

Lucas 7:49

Siupapo i'nio' ti isijwanisi yikiajlayisi'i ti ti'yasanisi'ni, ti iyo'ate: —¿Tent'ipa ijwil ka iniwone, ti ijwil ka inetiajnat pa jikeye pa i'nio'?

Juan 10:33

Siojopo Judíojos iyo'ne 'ate ti isiujlieyisie: —Je'ne ka niwakaye siuniwa isis ti jilisane ka itiajlata'a'm ti sisajas jota itietajaja'n. Siunie atajlata'a'm naka ti jiliaki pi Sinia'. I'nioyeta'ame ti jiniwojwan'ni Siniaye.

Romanos 8:33

'Yina ¿tempa jankajli ka iwo'ate, “Siunapo Sinia' isi'mik'i je isis”? ¡Lajk'ipa! Kajeyepa ti Sinia' jla'am ti kaslesajne'n.