Lucas 5:20 - Sinia' Jlamtis 1994

²⁰ Ti Jesús i'wi'in ti jitienkiujnieye po' pa i'nio', 'yina iyone'ne 'ate siupa i'nio' je 'es: —Isiecha ti jle'ne, siuniwa akeyis netia'n.

Lucas 5:20 Iomraidhean Croise

Mateo 9:2

Jesús titiuniejat'iyipi pa i'nio' je t'onk'i ti tiniayija ape'e pa jlo'wet. 'Yina Jesús ti i'wina ti jitienkiujnieye po' papo ijia siupapo isim kiajwe, sekyi'i iyone'ne 'ate pak i'nio': —¡Yas, jwajla'a paka woyi! Siukiwa akeyis je titiajlata'm, imp'elisina.

Mateo 9:5

¿Tepat'e yi'i siupa ti je istieyiji, nakat'e ti jayo'ate, “Siuniwa akeyis netia'n”, ni'ne ka nakaye ti jayo'ate, “Neppijia'm, askiujni'n”?

Marcos 2:5

Jesús i'wi'in ti jitienkiujnieye po' pa i'nio', sekyi'i ti kiak iyonayijipi: —Yas, siuniwa akeyis netia'n.

Lucas 7:48

Sekyi'i iyone'ne 'ate japak asejnia: —Siunie ates iyo ti titiajlata'a'm, tinitiajnata kajeyepa ti imp'elisina.

Juan 2:25

Ijiate lajatak'ipa ka injwejla'm ki iyo ki jlosik japo i'nio', kajeyepa jlam ti itiant'ieje ni jlosik iyo ni i'nio'.

Juan 5:14

Paj ti i'wina jla'am ja Jesús yi'i jlaja 'najla'wet jak i'nio', iyone'ne 'ate ti ijliuye: —Ke ekiajle'ena'a ka awo ni akeye, 'lojwinie'e ka ijiatayiji paka awo.

Hechos 11:23

Wuj ti inkaj'ni ja Bernabé ti 'nesa sekaja, lapakawo ti i'wi'in ti ijiatk'i siupa iyo ti Sinia' jikap'ijliuskiye yiji jlajak isi'. Bernabé 'yakela papo ti iyo'ate: —Ká akalakijiena ti jikinieyi ki iyo ni inamtik, ke ink'asayi pijia'm.

Hechos 14:9

ti its'iuye'ni ja Pablo ti iyo jlamtikie'. Pablo jitiej yikiajli'ne, itiant'ieje ta'a pa i'nio' ti jitienkiujnieye po' ka ini'manit.

2 Corintios 2:10

Siuti po' pa ti inkiwaliyeyi'i siupi jitis iyo, sekyi'i jip'elisina', 'yina siupet ti ya'am kia'awo ja sikiwali'yi'i pi jitis iyo, jla'yi ti jap'ilisi'n 'neje peyit. Ka ijiatayi ka jitis poye, awo'ate ene jitieyi'i pi Sijwajieti, ti ap'elisi'n paka, sekyi'i sikiwali'yi'i siupa jitis iyo, lapakawo ti asajme 'esie.

Colosenses 3:13

'Esiji ka nilayitieyits'i, jak je iyoyiji siuti akiecha jitis po'a 'yina netiajnat. Iyo pa Saka'niona ti isiwaliyi'i kiwa astes iyo, kiak wonayi napo as'lejwas.

Santiago 2:18

Ni'ne ka poye pa ti jawo'ate, “Po' napo i'nio' ti jitienkiujnieye po', po'neje napo ijia ti po' ni jikijmaye ti 'es”. Nak jayonaja 'ate ti jasiujlieje, ¿tepi iyo pit siunie ti jitienkiujnieye po', 'yina laj jikijmayeja' kawoyi ka 'esie? 'Yejne'n, ja'winki'na'm pet siu'nie awoyi ti itienkiujnieye po', lapakawo ti 'naka isijmaye ti 'es ti tajleje.