Lucas 5:17 - Sinia' Jlamtis 1994

¹⁷ Siojopa jloma ti Jesús taka'neyasa'n, sekyiyet'i'yijpe pet siupapo ijia Fariséojos, siu'neje papo taka'neyasane pa Moisés jika'neyasajnaye, yik'iji'n paka'a, itijw puwa isi'il tajlits'i yiji jlaja Galilea, siu'neje puwa ajnatis Judea, jla'yi jlaja Jerusalén. 'Yina 'yakaj pa Sinia' jijweye ti yijap pa Jesús ti ijwiejiete'n papo i'nio' je isis.

Lucas 5:17 Iomraidhean Croise

Mateo 11:5

Ti siunapo je t'ojni'n 'esieyiji ti t'iskiunk'iji'n; jlampet siunapo jiwatis jitio' po', kia'iyojliyi ka jwejlikie ti isis. Siunapo je tipechijyi'n, jik'iot tiojwa'l 'ajlak'iji'n 'nakayi; jlampet siunapo 'yajle'n, yapits'i pijia'm, 'wasajne'n. Siunapo i'nio' ti p'ijliusis tikiniejeje pet niwa Sinia' jlamtis ti isis ti tamtiki k'iye.

Mateo 15:1

Nak nojwaja'm japo Fariséojos, siu'neje japo jiwos pet pa Moisés jika'neyasajnaye, ijioyisi ja Jesús, ti tal Jerusalenne iyonayisi 'ate:

Marcos 1:45

Siuti yama pak i'nio', 'yina 'yaka'm ape'e siupi tiwonataja, sekyi'i ijwi'il siupi iyo ti 'es. It'imina ja Jesús ti je yiye'ni isiji, 'yina ijio'ni kisie'e yi'i siupa ajnat laj i'nioye'e, je iyojliyi papo i'nio' ti t'ijieyeyisi. Ijioyisi'ni wikie'eyi siupapo tajlits'i puwa ajnatis.

Marcos 16:18

'Wanjliyijna'a pet ka inki'mik'i niwa injlajas 'yina ja lajak'ipa kanwone, 'wanjliyi 'neje ka ti'yayinaja siunie inkakie' ti i'nio' ilia'an, 'yina kia'iyo ja ke inlate. Siuti ja jikioye inenk'i ape'e napo je isis, kanjwayejempe.

Marcos 3:22

Jak je iyoyiji siupapo taka'neyasane pet pa Moisés jika'neyasajnaye ti tal 'niji yi'i jlaja Jerusalén, ti ijwilis ti iyo'ate: —Beelzebú, siunie imose'l jika anechiyas, nak tajleje ni jijweye siu'nie i'nio', it'imina ti 'yakajli ti iniujwank'i kisie'e siuniwa imose'l.

Marcos 5:30

Jesús iliatk'i pa jijweye ti iniu kisie'e, sekyi'i ti tejeye ilia'm papo i'nio' ti i'yasa'm ti iyone 'ate: —¿Ten siupa isiejts'e 'ni i'yu'?

Marcos 7:1

'Nesa'ni papo Fariséojos, siu'neje papo taka'neyasane pa Moisés jika'neyasajnaye, tajla'm jlaja ajnat Jerusalén, ti ijioyi ja Jesús.

Lucas 15:2

Siupapo Fariséojos, siu'neje papo taka'neyasane pet siupa Moisés jika'neyasajnaye, iyoyet'iyispe 'ate, ti iliakiyis pa Jesús: —'Yenayi pit siunie, je ikawona jla'yi ti isijwane siunapo je isis ti jike' po'.

Lucas 2:46

Jika jlomas najape ti iyoyisijyin'ni ti jiwekie'aja t'ipi ti i'winis, ti yits'e 'najla'wet japa yi'i, yijin'ni seka'a jikiowe'e siupapo i'nio' iniwojwa'n jiwosa' pa Moisés jika'neyasajnaye. Jlam its'iuye'ni papo siupa iyo pa ijwilis, jlam taka'yasanjli'ni.

Lucas 5:21

Siupapo Fariséojos, siu'neje papo taka'neyasane siupa Moisés jika'neyasajnaye, jitienkiujnieye iyonisi'ne 'ate ti ipi'yayisie, “¿Tent'ipa siupa iniwone ti jla'am? 'Yina siukiwa jlamtis iyoyi, ket'ijwel ka je inta'yi ilia'm pa Sinia'. Ijwienjlijie'e jla'am pa Sinia' ti 'yijene ti initiajnat pa jike' ti iyoyi ni i'nio'.”

Lucas 5:30

Jlam'ne pet siupapo Fariséojos, siu'neje papo taka'neyasane siupa Moisés jika'neyasajnaye, ti jla'yis jla'am, iyonat'iyisijpe 'ate japo t'eyasajnas pa Jesús, ti iliakiyis: —¿Yot'iyi'ni ti jikijwanayi ti ji'yekiuniejyi'n, siu'neje ti ji'yayets'i i'niate, siunapo isi'm ilia'm niwa inkat'ijnieyejes, siu'neje napo inke' jiliajnis? ¡Ijiate ti je 'esi ni jiwoyeyi!

Lucas 6:19

'Yina siupapo i'nio' wikie'eyi ti iyoyistaja pet ka inkiesits'i pa Jesús, lapakawo ti i'wi'in siupapo i'mieniti'n, ti pak isiene pa jijweye ti tal jiwa'm.

Lucas 7:30

Siojopo Fariséojos, siu'neje japo taka'neyasane siukia Moisés jika'neyasajnaye, je iyoyisink'iye siunie Sinia' iyotaja ka iwone ti jota inoyeje, it'imina ti je iyo ka ininajiejne'n pet, ka Juan inajiejne'n.

Lucas 8:46

Jesús jlam yinjliyi ape'e ti i'yasam'ni papo, ti iyo'ate: —Jlam je awoyi, po' siupa isiesk'i'm. Alatk'i pa ijwiye ti taj'l iwia'am ti iniu kisie'e.

Juan 3:10

Iyo'ne 'ate ja Jesús ti isiujlie: —¿Tepi t'i iyo ti jijwe'el je 'najane paka wone niwaka, ti a'am Israel jika kia'lis jika 'neyasajnawo'wa'm?

Juan 3:21

Jlam pet siunie iyo ni ijiatk'i, nak lajk'ipa ka woyi ka je injweyi jana kates ti ijioyi, 'yina 'yakaja pet siunie iyo ti its'iuye ni Sinia', ni iyone.

Hechos 19:11

Sinia' i'winki'n pa jijweye, siupa ti wuj ti yisi'lietk'i papo i'nio', siupi iyo ja Pablo.

Hechos 4:30

Kajanit ni ajweye iyo ka ajwajiete'n napo i'nio' je isis, jla'yi niwa iniank'iye siuniwa ja 'nakaj pet ajnat'e, siu'neje niwa ti yisi'lietk'i napo i'nio', 'esi ni jle' iyo ni akawo ti 'es Jesús.”

Hechos 5:34

'Yina po' pa i'nio' Fariseo, jle' iyo'ate Gamaliel, yiji papok anechiyasas, pak tajlampet siupapo taka'neyasajne'n siupa Moisés jika'neyasajnaye, i'nio' ti 'est'ijyimpe, it'imina papo i'nio' ti its'iuye. Paka'ne siupa takasit ti iyo'ate: —Mayeyi kiu kisie'e.