Lucas 5:10 - Sinia' Jlamtis 1994

¹⁰ Kia'iyojliyi siojopo iniuyeje'ni ja Simón, pa Santiago jla'yi ja Juan, Zebedeo jilis, wuj ti yisi'liet pakat'iyijpe pi iyo ti i'wi'in. 'Yina Jesús iyone'ate ja Simón ti ijliuye'ni: —'Otale t'onit. 'Nakayi ja ke niwakaye si'yus ti ja'yaka'n, ja napokaye'ne napo i'nio' ti ja'yaka'n.

Lucas 5:10 Iomraidhean Croise

Mateo 13:47

“Sinia' jika anechijiayas kiak iyoyi 'neje jana 'najak jit'io ti titietajataja'm ni i'niat, 'yina ti titionajata kisie'e, inijle'en niwa si'yus niwa yiji.

Mateo 14:27

Jesús kiak iyonayi ti ijliuyi'ni: —¡'Otale t'onitie. Ya'am, ke ijnots'inak'i'm!

Mateo 20:20

Siujlieja Zebedeo k'iemjla ijioyi ja Jesús ti jla'yis japo jilis Santiago siu'neje ja Juan. Yiyi ja Jesús ti t'akosjlete'l itiyeyijin kiajwe, ti ti'yasane siupi iyo kawoyi.

Mateo 4:19

Jesús tane'ni ti iyone 'ate: —Joniemit. Jayojwa wotasa' ti jawoyeyijin'ni napo i'nio'.

Mateo 4:21

Jitieyiji ja Jesús, 'yina sek i'winat'iyijpe siojopo kia'iyo ji'niayi ijwienjli, japoka japo Santiago jla'yi ja ji'yini Juan, siojo i'nio' jle' iyo 'ate Zebedeo jilis. Ti je tajlisi puwa jika kasejkanayis, ti jla'yijis pa jinia' ti ilisanisi'ni puwa jika 'nijia tio'. Jesús tanat'iyipi.

Marcos 1:17

Jesús i'yasajanipi ti iyo'ate: —Joniemit, nama ijyik'i, jayojwana pet wotasayi napo i'nio'.

Lucas 5:7

Jikiot'ipa yejat'iyi'nijpe papo jla'yis, ti yiyisi siojopa jikiecha kasejkana, ka inoyisieje. Yiyisi ti ijiosat'iyisiampe puwak kasejkanayis ti times, tipoyijk'i, ijlienat'i'nijpe ka jlam sek ijno'wik'isia'm kajeyepa kiojyitits'i.

Lucas 5:9

Tepa jawo ka kiak je iwone pi ji'lij ja Pedro, siu'neje japo ijia, ti jnots'ijnits'i ti i'winayis ti je kiak iyo puwa ka in'yakanis, kajeyepa ti 'lojwe puwa si'yus.

Lucas 6:14

'Napoka'ne siu'napo: Simón, ti jlamt'ipi'iji jla'am pa Jesús ti iyo jleye, ti iyo'ate Pedro, Andrés siojo jikilia jla'am, Santiago, Juan, siu'neje ja Felipe, Bartolomé,

Juan 21:2

Japoka sek inita'a, Simón Pedro, siu'neje ja tamitaja'a'ni ti iyo'ate Timesi Tomás, Natanael siojo tal Canaja ti yiji jlaja Galilea, siu'neje japo Zebedeo jilis, jla'yis siojopo ijia times, Jesús t'eyasajnas.

Hechos 2:4

Sinia' jikimet ti 'es tipoyijits'i, sekyi'i ti ji'lija 'wenayeyi. Lapakawo ka kiak je iwo, ti jlam jla'am siojopa Sinia' jikimet ti 'es ti ji'lij iwijnamk'i, it'imina ti kia'iyo.

2 Corintios 8:23

Siuti japoye pa jan'yasajyi'n, ti iyojonk'iye ka 'najane paka iwone pi jikijmaye iyo ni Tito, ká ajwekie ti nak ya'yij'ni ti iniuyijk'im'ni ni isijmaye iyo ask'ioye. Siu'neje ti jan'yasayiji'n siunapo si'lijwas times ti 'yunink'i ni Tito, kia'iyojliyi jwelajia'm ti Sinia' jilis ijliu'wase, iyunitis ni Sijwajieti siunie jikijmaye ti iyoyi.

2 Timoteo 2:26

'yiniye ka jiwekie'eja ka int'ok'ijyi'n, ka ini'yakajni ti yiji jana jikatsala ni imosik ti iyotaja paka iwone, siupi iyo kawone.