Lucas 5:1 - Sinia' Jlamtis 1994

¹ Ti Jesús yi' kiuts'i siujlieja tewuk iliyi jle' iyo'ate Genesaret, ti 'loj papo i'nio' ti nojwisi ti iyo ka ink'iuyi puwa Sinia' jlamtis.

Lucas 5:1 Iomraidhean Croise

Mateo 11:12

“Tajlap'e ti 'nelanjie'e yiyeyi ni inka'niye ti po' ni tiwonaja nak jika anechijiayas ni Sinia', siunie je 'es ni tiwonaja, napo jwesis napoka napo ti iyo ka inetiajnatis.

Mateo 14:34

Yiyeyis i'niat ji'wechaja, 'nesayisi siujlieja ajnat jle' iyo'ate Genesaret.

Marcos 3:9

It'imina ti ijliuye japo t'eyasajnas ti iyo'ate: —Wakajlanitie'ni ta'a jlaja kasejkanaye, 'nakayi ti ja ke initotisi itipe'e napo i'nio'.

Marcos 4:1

Jesús yikiajlayi'iji ti taka'neyasa'n jikiusk'i siojopa tewuk iliyi. 'Yina ti je pini' papo i'nio' nojweje, sekyi'i ti yamayi siojopa kasejkana yits'e jikiusk'i pa i'niat, yamaja'm sekyi'i yiyeje'n, jlam'ne pet papo i'nio' nojwayisi kiusk'i pa i'niat.

Marcos 5:24

Jesús yamk'i'ne, ka kia'iwo ka piniye papo i'nio' yamk'i, 'yina jlam sek totiejayik'i'ni 'najk'i.

Marcos 6:53

Jlampa yiyeyis i'niat ji'wechaja, yi'i japa ajnat jle' iyo'ate Genesaret, 'yina sek ilie'nitieyits'i japa kasejkana jikiuts'i pa i'niat.

Lucas 12:1

Jlampa 'lojwat'ipi papo i'nio', ti initotisiji siupa yiyits'i, jla'm ini'nomajliyis. Jesús iniajnat papo t'eyasajnas ti iyone'ate: —Joskiyeyi napo Fariséojos ti je ijiat pa kanjwelis, ti iyo 'ate ni woyejes ijliasat pijia'm.

Lucas 5:2

Jesús i'wine puwa kasejkanayis times ti yi' kiujts'i ja i'niat. Siojopo jiwos wotas je isijmank'iji'n pakayi ti ilijisi'n puwa jika'nijia tio'.

Lucas 8:22

Po' japa jloma Jesús tisiojmajia'm japa kasejkana, sekyi'i iyone'ne 'ate japo t'eyasajnas ti i'yase: —Naja'ni jatiuma 'wechaja siujlie'e i'niat. Yamat'i'nijpe.

Lucas 8:23

Ti yiyet'ipi jikiowe'e siojopa i'niat, Jesús imia'a'ne. Pakayi'ne ti yejwutije' siupa jlajwu, ti wujwi, i'niatt'ipa itiyejajam'nijpe japa kasejkana, je ininayits'i ti i'winis ti janek'isia'm.

Lucas 8:33

Siupuwa imose'l tajli'ni siupa i'nio', sekyi'i ti 'yuyet'ijiamk'ipe puwaka ijnisies jitio'. Tisiojmayet'ijiamk'ipe pa i'niat, ti taj'l ape'e pa tikina, yimk'anajan'ne puwak ijnisies jitio'.

Lucas 8:45

Jesús i'yasat'ijiampe papo i'nio' ti iyo'ate: —¿Tempa isiesk'i'm? 'Yina papo i'nio' tomts'e pa iyo'ate: —T'eyi, je ya'am. Sekyi'i ja Pedro iyone'ne 'ate pa jika'niona: —'Yaka'niona, ji'wenjie'e 'napo i'nio' jle kiowe'e, ti inipa'nomajayis.

Juan 1:40

Ijwienjli siojo jle' iyo'ate Andrés, siojo Simón Pedro jikilia,

Juan 6:1

Itimeje ja Jesús siukia iyo, yama'aja ti iwiets'ila ji'wechaja siujlieja tewuk iliyi Galilea, tiwonaja'ni 'neje 'ate Tiberias.

Hebreos 13:7

'Yina naka ti ja astaj enayi 'ate, siunie iniwone napoka ti 'eyasanayi siunie 'es ka wonayi niwa asosikis, siunapo ti ijwi'lase'm niwaka Sinia' jlamtis. 'Yina mayeyi naka siunie iniwont'iyisijipi, paj ka awayeyinie'e siupa ti jlaj yit'i'yijpe. 'Yina ja ke anetiajnata siunie astankiujnieye ti 'es iyo siupa iniwont'iyisipi ti je 'yakakiuyis pa Sinia'.