Lucas 4:23 - Sinia' Jlamtis 1994

²³ Jesús isiujlie'ne papo ti iyo'ate: —Ja ayeyijipi'ni ti ja sijwela' siunie inke' ti iyo'ate, “'Ni inkakiewo wuj, nijwajiet.” Siu'neje ni jawonak'i ti jawoye'yi 'ate, “Siunie ajieye'a 'ni'neye ti jiwoyi ti jle' Capernaumme, kiak jawo'ojyi jalesane'eje ti ja ene'e 'naka'a yi'i jla'a aka ajnat.”

Lucas 4:23 Iomraidhean Croise

Mateo 13:54

ijioyi siujlieja ajnat ji'wet jla'am. Ijioyits'i jawa t'ajla'wetis jla'am japo i'nio', yijits'i jawa isi'il jilis, ti taka'neyasane ni Sinia' jika anechijiayas. Ka wojlijinipi japo i'nio' ti ipi'yajanisiepe, sekyi'i ti kiak iyoyeyisi: —¿Tepit'i iyo 'ni i'nio'? ¿Tepit'i iniwone siuti 'yijene, jla'yi ki iyo ti i'winki'n siuniwa ti ikaniti'n napo i'nio' ti i'winatajas?

Mateo 4:13

'Yina je yi' Nazarette, ka sek ne'yiyi. Capernaum jlajaka ti iyo 'weta', ti yi' kiuts'i ja i'niat jlajlik'i, isi'il yiji papo Zabulón siu'neje pa Neftalí jika ajnatis t'ipi.

Mateo 4:23

Jesús itijw puwa isi'il yiji jlaja Galilea, ti 'yiyasajne'n papo i'nio' yi'i puwa 'najla'wetis ti jikimitis. Ijwi'il siupa inka'niye ti 'es, siupa Sinia' jika anechijiayas, jla'yi ti ijwiejiete'n puwa jiliaye papo i'nio', siu'neje puwa t'ajwes t'a'ti.

Marcos 6:1

Ti Jesús tajla'a siupa yi'i, yapilieyi jlaja jika ajnat pet ya'asi japo t'eyasajnas.

Lucas 2:39

Jlamk'e'm t'ipi ti itimisi papo José siupa iyot'iyipi ka tiwoki puwa Saka'niona jlamtis ka tiwoki, ti i'nio 'yijijie'ne, yapiliet'iyispe Nazarette, siojopa ji'wetis, yiji jlaja ajnat Galilea.

Lucas 2:51

'Yina yamk'i'ne papo jiniewot ti yapilis Nazarette. Sekyi'i ti its'iuyeyiji papo jiniewot, siupa iyo ka woyi. María wuj ti iyoyi jitienkiujnieyeja' ti kia'iyo.

Lucas 4:16

Jesús yapiliet'ipi Nazarette, siujlieja ajnat ji'wett'iyijpe. Siojopa jloma i'nio 'wanjlijyi'n siupi jike' iyont'iyi'nijpe, ijioyet'ipi kiajwe japa 'najla'wet. Takasitiet'ipi ti yamtijie'n puwa Sinia' jlamtis yi'i pa ji'wet.

Lucas 4:31

Jesús ijioyi jlaja Capernaum, isi' siujlieja yiji pet jlaja ajnat Galilea. Siojopa jloma ti i'nio 'wanjlijyi'n 'yiyasajne'n papo i'nio'.

Lucas 4:35

'Yina Jesús iyo'ne 'ate siupa yiji, ti ijliuye: —¡K'iu'wate, tajli siu'nie i'nio'! Sekyi'i itiete'ne pa i'nio' seka'a ajnat'e jikiowe'e papo i'nio' ti tajlat'iyipi pak imosik. Lajk'i wekie'e ka k'iejliyeyi paka inwone pa i'nio' ti tajlaja'm.

Lucas 6:42

Ni'ne ka awone 'ate ni akiecha, “Se'nate ja ijialas ni atolkiot.” ¡Ijiate wata'a ti ijnoski'la'n! Najnat ka aton kisie'e ni yiji jana atate ti atolkiot, sekjane'yi ka jiwekie'ejana'a pet ka 'esieyiji ka 'yene ni jitiolkiot ni akiecha, kajeyepa ti ja 'esieyiji ti ja'yen ts'ijiye.

Juan 4:28

Jlamsek iliyi'i'ne wekie'e jlaja jlate ti yama ti yapi isiyi, ti ijwile japo i'nio' ti iyo'ate:

2 Corintios 5:16

Nak it'imina ti aleki ti awoki siunie sitienkiujnieye iyone siunapo i'nio' ti k'iejliyi pi iyone pi yi'i pi jikiecha. 'Wanjliyi ijiate ti sitienkiujnieye kiak t'ipa iyoyetajapi ti ena'a pa Sijwajieti, 'yina 'nakayi je pa kia' iyoyeyi.