Lucas 4:18 - Sinia' Jlamtis 1994

¹⁸ “Saka'niona jikimet yi' itipe'e. Jlam ti ts'otatiji, ti iyo ka ijwile siunapo p'ijliusis ni inka'niye ti 'es. Jla'am ti sijliuyi siunapo inkipijnas ka ijwile ni injwajieti ti po'. Siupet napo talojo' iyo ka 'wijnajne'n. Siu'neje napo i'nio' inilayiti ti tisiejek'i'yi, ka ijwiejiete'n.

Lucas 4:18 Iomraidhean Croise

Mateo 11:5

Ti siunapo je t'ojni'n 'esieyiji ti t'iskiunk'iji'n; jlampet siunapo jiwatis jitio' po', kia'iyojliyi ka jwejlikie ti isis. Siunapo je tipechijyi'n, jik'iot tiojwa'l 'ajlak'iji'n 'nakayi; jlampet siunapo 'yajle'n, yapits'i pijia'm, 'wasajne'n. Siunapo i'nio' ti p'ijliusis tikiniejeje pet niwa Sinia' jlamtis ti isis ti tamtiki k'iye.

Mateo 12:18

“'Nak siu'nie 'yakawo ti yam ti aki'me, wuj ti emi'n jla'yi ti ts'aka'a. Siojona isimet ja yi'n ape'e, jawo jika'niyejayi wikie'eyi siunapo i'nio' yi' ape'e 'ni ajnat ti janjwe'el ni siunie ti ijiate ti 'es.

Mateo 12:20

Ja ke i'najaneje'n siunie sisej ti pajk'i ti isiaja ka inkiajati, jla'yi ti ja ke ineki siojona kates ti ja'no'me ka 'najaneje'n ka 'nojmat'e. Jajnotk'i'ni ti ja ke inleyi siunie 'es, janeyi ts'ijiye jantate isia'm naka ni siunie je 'es.

Mateo 4:16

Siunapo i'nio' napo yiji ni ajnaj i'winisi jana kates ti wuj. Siunapo i'nio' yiji ni jipe'el jana 'najlati, siojona jla'al jana kates 'yakajanit'i ape'e.”

Mateo 5:3

—Sinia' wuj ti ip'ilisijne'n siunapo itiant'ieje ti najata Sinia' jikap'ijliuskiye ti 'esi, jla'yi ti 'yijene pi iyone ti isitia'n naka. 'Yina napoka yiji pet nak jika anechijiayas.

Lucas 4:17

Tiwenajam'ne pa imp'esinik injwejlanik jiwo Isaías jlamtis yi'i. 'Yina ti ilienaja'm, i'win'ne siunie iyo'ate, ti i'yena:

Lucas 6:20

Jesús jitiej yikiajlat'iyipi japo t'eyasajnas, sekyi'i iyone'ne 'ate: —Sinia' wuj ti imp'elisina ti asa'am ti imp'elisisa'. Lapakawo ti tijna'yase'm ni jika anechijiayas ni Sinia'.

Lucas 7:22

Iyo'ne 'ate pa Jesús ti isiujlieyi: —Maye'ni, jwelayi pi Juan siuniwa iyo niwa jipechiyeyi, siu'neje ni ji'wena', ti siunapo talojo' i'winaja'n 'nakayi, siunapo je t'ojni'n t'iskiuniek'iji'n 'nakayi, jlampet siunapo inkiso'ol jitio' yi'ik'i netiana kiwa ijiok'i'ni. Siunapo ti je tipechijyimpe ka jwejlikie ti alk'iji'n niwa jik'iot tiojwa'l, jlampet siunapo i'nio mases 'wasanajan pet. Siunapo i'nio' ti p'ijliusis tiwok pet jika'niyejayi siuniwa Sinia' jlamtis ti isis.

Juan 1:41

ta'a ti ya'am ti ijioyi ja ji'yini, yiyi ti iyonayi 'ate: —A'wena siojo Injwajieti ti Sinia' Jijliujwanik, yits'e.

Juan 12:46

Yam katesk'i'm, yam ana'm ajnat'e jat'imina napo i'nio' siunapo je sakakiu ja ke inejyi ni ajnatiok.

Juan 3:34

Siunie ti Sinia' ijliu', yamtik'iji'n siunie iyo niwa Sinia' jlamtis, kajeyepa ti Sinia' ipijlatijnia'm siojona jikimet.

Hechos 10:38

Ajwe'el ja Jesús Nazaret jlele, jla'am ti Sinia' jikimet ti 'es tipoyiji jla'yi pi jijweye. Ti t'iskiunieje'n ape'e 'ni ajnat, ti iyo ni 'es, ijwiejiete papo i'nio' siupa imosik iyone, wuj ti inilayiti siupa jiwet'ia iyo, lapakawo ti Sinia' jlam ti yijap, it'imina ti 'yakajli ti iyo niwaka.

Hechos 26:18

'Nakayeyijna'a ka 'yiniyijna'a ka 'ajlinitiamk'i niwa jitiete siunie iyo ti yiji na ajnatiok, sekjane'yi ka neyeyisinie'e pet na jloma; jla'yi ti janleyisi ka ineyis kiajwe ni imosik jijweye iyo, 'wenajlitieje jla'am ka neyis kiajwe pa Sinia'; 'nakayijna'a ka initiajnat niwa jikeyis, siu'neje ka ji'niayi poye ka ijnojwa'm siunapo isis Sinia' jilis, ka tiwoktana'a ji'wajietiye, lapakawo ti nakaye jla'am ti jant'emina ti ja ke sakakiuyis”.

Hechos 4:26

Anechiyasas yi' ape'e 'ni ajnat initotk'i wita'm, ti inijloyisk'ijin'ni ti iniwakajlanitis, ti iyo ka intayits'i ilia'm ni Saka'niona jijliujwanik ti Injwajieti.”

Hechos 4:27

“'Wanjliyi ijiatk'i, Herodes jla'yi ni Poncio Pilato ti initotk'i wita'm 'neyek'i, ti ininenisi'ne yi'i siujlie'e isi', jla'yis napo Roma jlele, siu'neje napo Israel jlele, ti tejeyets'i ilia'm ni Jesús, ni akawo ti 'es, siunie ajlojwanik ti Injwajieti.

Colosenses 1:13

Sinia' jla'am ti kasjwajiete siunie jijweye nak ajnatiok, sekyi'i ti kasjlasatayi pi jlas ti jleminik ni jika anechijiayas.

Santiago 2:5

I'lijwas, asam ti yimijna'ase'm, k'iuyek'imna'a siu'nie jayo: jlam pa Sinia' siu'nie iyo ti ijniejiet'e pet napoka p'ijliusis ajnat'e ka inkasaja pet. Siuniwa jikijmatis niwaka siunie jitienkiujnieye ti 'es. Janekiajlayinie'e pet ni siunie ti pajk'i ti ijwi'il, ti ijwijla'm siunapo ti yimi'n ni Sinia', naka ti ja jikimitayis siunie jikimet ti iyo anechiyasa'.

1 Pedro 2:9

'Yina ti asa'am jla'am ti isi'mase'm ti iyo jika kia'lisa'ase'm. Asa'am ti pa'yijists'ase'm ti jiniuyeyeje ni aska anechiyas ti wuj. Asa'am ti Sinia' jika kia'lits'ase'm ti 'wena ijnotie'yi, ti jlam ti ya'mase ka jwela siuniwa isis jilisajna'; naka ti tana'ase ka atajlayi siunie ajnatiok, sekyi'i ti jawayejyi ni siunie jla'al jana kates ti wuj ti 'es.