Lucas 4:17 - Sinia' Jlamtis 1994

¹⁷ Tiwenajam'ne pa imp'esinik injwejlanik jiwo Isaías jlamtis yi'i. 'Yina ti ilienaja'm, i'win'ne siunie iyo'ate, ti i'yena:

Lucas 4:17 Iomraidhean Croise

Lucas 16:29

'Yina Abraham isiujli ti iyo'ate, “Jla'm ijiattaja ka lajak'ipa ka neyisi siuniwa ilisant'iyijpe pa Moisés, siu'neje niwa jilisajnat'ipi papo injwejlanawos. ¡'Esiji kank'iuye siunie iyoyi!”

Lucas 20:42

Jlam'ne paka jla'am David ti iyo'ate ti yiji niwa sálmojos: “Saka'niona iyone 'ate ni 'Yaka'niona, Weje'n 'nijiye ijwiyeje,

Lucas 4:16

Jesús yapiliet'ipi Nazarette, siujlieja ajnat ji'wett'iyijpe. Siojopa jloma i'nio 'wanjlijyi'n siupi jike' iyont'iyi'nijpe, ijioyet'ipi kiajwe japa 'najla'wet. Takasitiet'ipi ti yamtijie'n puwa Sinia' jlamtis yi'i pa ji'wet.

Lucas 4:18

“Saka'niona jikimet yi' itipe'e. Jlam ti ts'otatiji, ti iyo ka ijwile siunapo p'ijliusis ni inka'niye ti 'es. Jla'am ti sijliuyi siunapo inkipijnas ka ijwile ni injwajieti ti po'. Siupet napo talojo' iyo ka 'wijnajne'n. Siu'neje napo i'nio' inilayiti ti tisiejek'i'yi, ka ijwiejiete'n.

Lucas 4:20

Itime ti i'ye'en, sekyi'i ti 'yakapajlatak'i pa imp'esinik, iwijna'm siupa jiwot'i'nijpe pet, sekyi'i ti yiyet'ijyimpe. Wikie'eyi siupapo sekyi'i 'wuk kiajwe i'yenis'ni wekie'e.

Hechos 13:15

Ti itimat'iyisijpe ti yamtijienis puwa Sinia' jlamtis yi'i pa Moisés jika'neyasajnaye. Sekyi'i siupapo i'yena japa 'najla'wet i'yasat'iyipi ka poye paka injwele ape'e pet papo.

Hechos 13:27

Siupapo i'nio' ji'wet japa Jerusalén, siu'neje papo anechiyasas sekyi'i, je po' japa jlomaye ka intant'ieje pa Saka'niona Jesús, ti Injwajieti. 'Wanjliyi jlomasata ti ipi'yayis siupuwa injwejlanawost'ipi jlamtis ti yiyetaja siojopa jloma i'nio 'wanjlijyi'n, ti yiyis 'wuk kiajwe. 'Yina ti yinayits'i pa jitis pa Jesús, pakayi ti yiyeyi siupa k'ie' siupapo injwejlanawos ti ijwi'il.

Hechos 7:42

Naka ti it'imina ti Sinia' tajla papo i'nio', sekyi'i yine 'ate ti iyunitis puwa katese'l, 'yaka kiakjini iyojinipi papo injwejlanawos, 'ate: Asa'am ti Israel jika kia'lits'ase'm: Siuti paj ti cuaréntaja puwa najkapis ti jleye'yi pa ajnat laj i'nioye'e, ¿mi yamt'ipi ti siwunitie? ¿siu'neje jiliana its'ioye niwa k'iejliyi ti jiwunie? Jeyi.