Lucas 3:2 - Sinia' Jlamtis 1994

² siupapo Anás jla'yi pa Caifás papok pet papo pa'yijis jika anechiyasas ti wus. Puwak jlomas ti Sinia' ji'lij yiyeyi pa Juan, Zacarías jlas, yi'i pa ajnat laj i'nioye'e.

Lucas 3:2 Iomraidhean Croise

Mateo 11:7

Jlampa tosak'i japo Juan inajiejnawo jikawos ti yapi'ni, Jesús iyoyeyi ka injwejla'm japo ti iyo'ate: —¿Ten siupa jiwoyeyi ka 'wena ti jloye 'niji yi'i ni ajnat mami'yi? ¿Nakat'e ni sisej ti jlajwu i'wiati'n?

Mateo 26:3

Kiwak siukiwa jlomas ti pa'yijis jika anechiyasas, jla'yis napo kijilas, ininenisi 'wet'e ja Caifás siojo jlamt'iyiji ti wuj japo pa'yijis jika anechiyasas.

Marcos 1:2

Siupa injwejlanik jiwojimpe Isaías 'yitjini'ipe ti iyo'ate: “Ajlo' ni ika'niyewo, ti jana'an ak'ioye, ti jawakajlanit ta'a ak'ioye ni a'nayija'.

Lucas 1:80

'Yina siuti je iliyi ti ijlias'ni pijia'm pak kia'le; jijweye t'oniek'i, pi iyo pi jlosik. Yi'i'ni siupa ajnat laj i'nioye'e, paj ti yiyeyi pa jloma siupa ti inikajanitia'm papok Israel jika kia'lis.

Juan 1:23

Juan isiujlie ti iyo'ate: —Ya'am siunie jla'lap ni i'nio' ti tan'ni ape'e 'ni ajnat mami'yi, iyot'iyipi pa injwejlanik jiwo Isaías ti iyo'ate, “Wakajlanit pi ji'niayi k'iye ni Saka'niona ka jnajyi.”

Juan 18:24

Anás ipi'yaye wekie'e, ta'a ti takajlunie ka tikiniejeje ja Caifás, tilie'nitie'ne ti tikinieje.

Hechos 4:6

'Yina Anás sekyi'i, pa'yijis jika anechiyas ti wuj, siu'neje pa Caifás, siu'neje papo ijia jleyis iyo'ate Juan jla'yi pa Alejandro, wikie'eyi papo ijia papo pa'yijis jika anechiyasis ti wus.