Lucas 3:14 - Sinia' Jlamtis 1994

¹⁴ Po 'neje papo tokis sekyi'i. Papok'ne siupapo ti iyo'ate ti i'yasisi'ni pa Juan: —Siupet ti sa'am, ¿tepat'e janiwonaja? Juan isiujlie ti iyo'ate: —Ká ajajlane; ká 'ajlayi paka jikimita paka ne'yi pa, siu'neje ti jlam jlotkinayi jiwekie'e ti jijwelaye ka 'wenayeje pa k'iejliyi. Peniyi jana akaja ni k'ie'.

Lucas 3:14 Iomraidhean Croise

Mateo 8:5

Ti Jesús yiyet'ijiampe jlajak isi' Capernaum, siupa tokis jika anechiyas Roma jlele ijioyi ja Jesús ti inip'elisine ti iyo'ate:

Lucas 19:8

Sekyi'i pa Zaqueo takasit'ne ti iyonat'iyijpe 'ate pa Jesús: —'Yaka'niona, siu'nie jloma jajyiwitajna'm pet k'iye napo i'nio' p'ijliusis ni k'ie na a'we'en. Jlampet siojona ajale napo ti akajlan kiajwe, janak jayikiajle, ja'yakajmate wat ape'e siuti jajnojlits'i niwa jayikiajle.

Lucas 3:10

Sekyi'i papo i'nio' i'yasisin'ne pa Juan ti iyo'ate: —¿Tepat'e janiwonaja?

Lucas 3:13

Juan isiujlie ti iyo'ate: —Siuti intesiejak'i siunie iyo niwa jit'iejla'yi ape'e, ká akajmatayi ape'e.

Hechos 10:7

Ti yamat'ipi pa injlojwanik poli jlele, Cornelio tanat'iyipi papo jikawos times, ijwienjli pa ijiawo ti yimi'n pi Sinia'.

Filipenses 2:15

ja 'nakayeyijna'a ja asama siunapo Sinia' jilis ti lajk'ipa ka jitis iwo ka titiajlataja, jla'yi ti laj jikeyisa', jla'yi ti ja lajak'i paka nit'ojlinitieyi, isis jikiowe'e napoka i'nio' ti ijiateje ti je isis ape'e 'ni ajnat. Jawo 'ate iyo niwa katese'l ti yatamk'i ti yiji ni ajnaj,

Filipenses 4:11

'Yina ká ajwela ka kiak iyo ka iyo'ate wujwa a'tie ti sip'elisie. Je'e, 'wenajliyi ni awoyi ti anikayankite ti awo'ate, “Ijniujli wek 'ni a'we'en”.

Tito 2:3

Jlampet siunapo asejnia ti kia'iyo isijlijyi'n kiak jawonjliyi ti jajloye, ka wonayipe 'ate, “Ni'wenki'n siuti jinilesaniji jitieyi'i pa Sinia', 'esiji ka ataj je ajotiej napo as'lejwas. At'es ja ke wokiye. Woyeyi ni 'es, 'nakayi ti kiak jawo pet siunapo in'yena jawoyi ni 'es.

Apocalipsis 12:10

Jakap'anik'i ti ape'yayeyi ni i'nio' ti tojma'm ni poli, jla'lap ijiok'i'ni, ti iyo'ate: “¡'Nes jana injwajieti ti tajle ni Sinia', siu'neje ni jit'iuni, siu'neje ni jika anechijiayas, siu'neje ni jiniwunitieye naka jijliujwanik ti Injwajieti! Kajeyepa ti totie kisie'e siunie ti iyo'ni jitisa' napo si'niayi ijwienjliyi, siunie ti jlomas, ajnajas ti takasitin'ni jitieyi'i ni Sinia' ti iyojwan'ni jitisa' napo i'nio'.