Lucas 24:48 - Sinia' Jlamtis 1994

⁴⁸ Asa'am ti askimet ti ja akinieyiji'n ti ja ajwela 'niwaka ni siuniwa ji'wena'.

Lucas 24:48 Iomraidhean Croise

Juan 15:27

'Yina asam'neje ti ja sijwela', lapakawo ti jleye ta'a ijiap ti 'nelanjie'e.

Hechos 1:8

Siuti jane'yase jana Inia' jikimet ti 'es ka tekiajla'asenie'e ni asjweye, ka sek atajlaye'ena'a ka kinieye'inna'a ti jawoye asamtikie' ti ja sijwela'. Ka joyenie'e Jerusalenne, ja tejwayena'a siuniwa ajnatis yiji jana Judea, siu'neje jana Samaria, wikie'eyi siuniwa isi'il tose ti yi' ape'e 'ni ajnat.

Hechos 10:39

Sampe ti a'wenaja ti yi' Jerusalenne, siu'neje ti yi' Judéaja. Paj ti tilianajape, ti tena'a pijia'm jlaja cruz.

Hechos 10:41

Je 'ne ka wikie'eyeyi ka inikajanitia'm ti 'nelanjie'e. Samkata ti ini'wenkints'e'm, lapakawo ti jla'am ti isimts'e'm ti 'nelanjie'e ka sama ka ijwila ti jla'am. Akijwanaja ti ti'yekiunieta, jla'yi ti i'yayetaja pa k'iejliyi kia'iyo akijwanaja, jlampa yiye kisie'e ti yapilie pijia'm.

Hechos 13:31

'Loj puwa jlomas ti kia'iyo'ni ti ini'wenkijnam'ni siupapo jla'yis t'ipi ti tajlis Galiléaja, ti ijioyis Jerusalenne. 'Napoka'ne siu'napo ti ijwi'il, ti ijwijla'm papo i'nio'.

Hechos 2:32

“Je int'ayeyiji'n jla'am ja Jesús ti Sinia' iniujwa'n kisie'e 'neyek'i, 'yina sampe ti a'wena, jlam je iyo ti ijiatk'i.

Hechos 22:15

Am ti ja akajwejlan'ni ti ja aki ape'e 'ni ajnat ti jajwejla'm napo i'nio' siunie iyo ni ji'we'en, jla'yi ki iyo ni jipe'ya siukia jloma.

Hechos 3:15

Jiwoyeyi'iji ka alana siunie in'wasankiye i'nio' iwijna'm. 'Yina Sinia' iniujwa'n kisie'e ti tajla'm pi a'no', sam ti a'wena ti ijiatk'i kiaka.

Hechos 4:33

Kat'ajat'iyijpe japo injlojwajnas ti jijweye po' ti iyoyetajas jika'niyeja' pa Jesús ti iniu kisie'e ti tajli pa a'no', jla'yi ti je jlase' pi iyo ti Sinia' iniuyeje.

Hechos 5:32

Ti sa'am kasts'ajane pa awonaja, jla'yi ti sa'am ti ajwela niwaka, siu'neje ki iyo jana Sinia' jikimet ti 'es ti iwijna'm siunapo its'iuye siunie iyo.

1 Pedro 5:1

'Nakayi jayo jlosikie' siunapo ti i'yena napo ijia Sinia' jilis ti yi' aska kiowe'e. Siuti kia'awo iyo'ate ti jlamis, kia'iyo itiej 'wanjle'e pet, jla'yi ti a'wenaja ja Saka'niona ti Sijwajieti ki iyo ti wuj ti inilayiti. Kiak jayo iyo'ate ti jan'wenis ni jijweye pi Sijwajieti, kia'iyo ja'wi'in pi k'iejliyi ti 'es, ka 'nakajta ka netiejenie'e ni jlaj niwa jlomas.