Lucas 24:44 - Sinia' Jlamtis 1994

⁴⁴ Ti itimat'iyijpe sekyi'i iyonat'iyijpe 'ate: —Siukia awo 'neye, ki tiwonak'i, siuniwa ajwe'lasem'ne ta'a ti je atal aska kiowe'e, ti awo'ate, “Janeyi siojona jloma ti ja'nakaj siunie iyo ti sijwe'el ni Moisés jika'neyasajnaye, siu'neje niwa yi'i pet niwa jilisajna' t'ipi pet papo injwejlanawos, jla'yi ti yi'i niwa sálmojos.”

Lucas 24:44 Iomraidhean Croise

Mateo 1:22

Lapakawo ka kiak je iwo ti yiyi ti 'yakajayi siupi Sinia' iyont'iyipi papo jijwejlanawos, ti ijwijla'm ti iyo'ate:

Mateo 16:21

Sektaj'le ti Jesús inijwelaja'm japo t'eyasajnas ti iyo'ate: —'Yejne'n, je 'esiji ka je ijio Jerusalenne kajeyepa ti sek ja senaja'a siunie ja tiwonak'i ti ja wujwa ti janilayiti, ni janwonk'i napo kijilas, siu'neje napo pa'yijis jika anechiyasas, siu'neje napo jiwos pet ni Moisés jika'neyasajnaye. Napok ja silia'an, 'yina jlomas janajapeja janiu kisie'e ti jatiajla'm ni a'no'.

Mateo 26:54

Siut'itie ka kia'iwo, ¿tepat'e jota iwo niwak inamtis ti ijwil siunie iwit'ia, siu'nie ajyi?

Mateo 26:56

'Yina kia'iyo kajeyepa ti kiak iyoyi niwak inamtis t'ipi, iyot'iyipi papo Inia' jijwejlanawos t'ipi. Jakayi'ne ti lajk'i pa ka 'wanjliyejap japo t'eyasajnas ja Jesús, 'yina yam'ni ti i'yiltajne'n.

Marcos 9:31

Lapakawo ti jla'am 'yakatatjliyi ti 'yiyasajne'n japo t'eyasajnas ti iyone 'ate ti ijwijla'm: —Siunie I'nio' Jlas ja tekiajla jikiojia'm napo i'nio', siunie janwonisi ti janlanis. 'Yina ja jlam'neja pet siunie jawoyi jlomas janajapeja ja inoyena'a kisie'e ti jantajli ni a'no'.

Lucas 21:22

Kajeyepa janakaye siojona jloma ti ja tisiejek'i'yi napo, japak siojopa jloma ti ijwi'il niwa inlesajna' t'ipi yi'i ni ji'wet.

Lucas 22:37

'Yina jajwi'lase'm ti je 'esiji ka je kiak iyo, ti janeyi janak jloma ti tenat'ijyipi its'ioye, ti iyo'ate niwa inamtis ti yiji ni ji'wet, “Iliaye iniuyi wita'm siunapo i'nio' inkeyis jiliajnis.” Wikie'eyi niwa inlesajna' ti sijwe'el ti jane wita'm 'nakayi.

Lucas 24:46

ti iyoyet'ipi 'ate: —Siuniwa Inamtis yi'i ni ji'wet ijwi'il ni Injwajieti ni Sinia' jijliujwanik ja wujwa ni jijliak'ali, janekieyinie'e ti ja tiliana, 'yina jlomas ja najapeja ka inoyena'a kisie'e.

Lucas 9:22

Yine 'neje ape'e ti iyo'ate: —Siunie I'nio' Jlas ja ke inka'm ape'e siunie ja tiwonaja, ti wuj ti janilayiti ni ja tena'a. Siunapo kijilas, siu'neje napo pa'yijis jika anechiyasas, siu'neje napo jiwos pet ni Moisés jika'neyasajnaye, napok jankaj ti jane'wajasi, sekjane'yi ja tiliana. Jlomas janajapeja sekjane'yi inapiliena'a pijia'm ti jantajli ni a'no'.

Lucas 9:44

—K'iuyek'i'm, mayina'yisia'm siuniwa yamtis. Siunie I'nio' Jlas ja tekiajla kiojyi napo i'nio'.

Juan 3:14

Iyoye'ate pi Moisés t'ipi ti yin pijia'm pi injla yi'i pi ajnat laj i'nioye'e, kiak janwo'ni pet ni I'nio' Jlas siunie ja tiwonaja ti ja tena pijia'm.

Juan 5:39

Wuj ti ji'yena' niwa inlesajna' kajeyepa ti jijwelayeta ka atajlayiji jana in'wasankiye ti laj jlaja, jlam'ne siuniwa inlesajna' niwak sijwe'el.

Juan 5:46

Siuka ka je akakiuye siupi Moisés iyot'iyipi, kiak iyotaja'ni pet siuniwa ajwe'el ka je sakakiuyeyeta, kajeyepa siupa Moisés t'ipi ya'am ti sijwe'el.

Hechos 13:40

Joskiyeyi, 'lojwinie'e ka ne'yase siuniwa iyo niwa inamtis, ti iyo'ate:

Hechos 2:27

Ja ke siliyi'i pa a'no', jla'yi ti ja ke e'nate ni 'yajwes ka insotieje, ni akawo ti 'es.

Hechos 3:18

'Yina Sinia' yame siupa iyont'iyijipi papo jijwejlanawos, ti ijwijla'm puwa jlamtis ti iyo'ate, “Ja'nes ni Injwajieti ti Sinia' janjlo', jlam wuj ti janilayiti ti ja tiliana.”

Hechos 7:37

Jla'am pa Moisés siupa ti iyont'iyijpe 'ate papo Israel jika kia'lis, “Sinia' jantajlat aswa'm siupa jijwejlanik jiwo ti jawo'ate awoyi.”

Hebreos 10:1

Kajeyepa ni siunie Moisés jika'neyasajnaye jipe'el jiwek siupuwa wask'i'nelaja'n isis ti janam'ni, je niwaka ni siuniwa ti jlameje. 'Yina naka'ne ti it'imina ti je 'yakajle'n ka'notate'n siunapo i'nio' ti kiajatak'i'ni niwa najkapis ti kiak iniwonisi'ni ti ijioyi pi Sinia', ti yamisi'ni puwa k'iejliyi ti iliajne'n ape'e puwa jikeyis iyo.

Hebreos 3:5

Kiak jini iyopi pak Moisés, ti jla'am ti Sinia' jikawo, wuj ti inilesaniji jitieyi'i pa Sinia' ti i'yena papoka ji'wet jlele, jikijmaye t'ipi ti 'yakajanit siupa Sinia' iyoyi ti tamti.

Hebreos 7:1

Pak siupa Melquisedec ti ajwel'ni anechiyas wujjimpe ti tijna'yi siojopa isi' Salem, siu'neje ti Sinia' siupa ti lajk'i pa ka ijnojli jika pa'yijimpe. Siupa jle' t'ipi ti iyo'ate Melquisedec siuniwa inamtis ti iyo'ate, “Anechiyas ti tijnajyi”. Siojopa ajnat yi' ti iyo anechiyasa' jle' iyo'ate Salem siuniwa inamtis ti iyo'ate, “Inkamankiye”. Jak je iyoyi 'neje ti jle' iyo 'ate “Anechiyas ti inkamankiye tajle”. 'Yina lajk'ipa ka 'najane paka iwone siupa jinia' t'ipi, siu'neje japa jlet t'ipi, siu'neje papo jika kijilas t'ipi, ka janakaye wek siojopa jloma yit'iyijimpe, siu'neje japa jloma 'yalt'ijyipi paka. 'Yina kiak iyoyi siunie Sinia' jlas, talk'i'ni ti jla'am ti pa'yi, 'yina jajnotk'i'ni 'neje ti kiak jawoyi. Ti Abraham itimat'iyijpe ti inila'an pakayi ti siupapo ijniujlits'i anechiyasas wus je itieyi, 'yina Melquisedec yisitat'ipi k'iye ti jikio' yi'n ape'e ti iwijna'm pa 'es. 'Yina Abraham iwijnam'ne pet pa Melquisedec siojopa ti ijiuti ti iyo ji'wajieta' ti tajla'm siupuwa tajlane papok anechiyasas t'ipi.

Hebreos 9:8

'Yina kiaka'ne pet, siojopa Sinia' jikimet ti 'es, ti 'yiniye ka iwoyi ji'niayija' ti 'yakajanitk'i sik'ioye ti siojopa Sinia' ji'wuk siupa jitiowe inia'ne je tilikjli'ijyi ti tikijmanaja'n 'yina jlampet siupa ti ijiatt'iyijpe ti t'otata je 'aljli'ijyi k'iye paka 'noyi.

1 Pedro 1:11

'Yina Sijwajieti jikimet ti 'es ti yiyits'i papoka, japak 'yakajanitiamk'i siupi jawo jla'am pi Sijwajieti ti janilayiti, siu'neje pa jawoyi ti wuj ti ja 'esie ti jawunitie, ijnonitieye ja tena'a ji'wecha siupi iyo ti inilayiti. Wuj ti ijialasis ape'e ti iyo ka 'najanisi paka iwonisiji pak i'nio' t'ipi, siu'neje japak jloma ti Sinia' jikimet ti 'es 'yakajanitia'm.

Apocalipsis 19:10

Sek 'opiyeyi kiajwe ja injlojwanik poli jlele ti ajwelta ka iyunit, 'yina je sen'na 'ate. Sek iyonk'i 'ate: —¡Kiak ká awonk'i! Sinia' jikawok'i'm jiwek pet, awo'ate jiwoyi, iyo'neje siunapo a'lejwas ti je iliyi ti ijwi'il ni Jesús. Jla'm ijiate ka awunit ni Sinia'. Kajeyepa ti siunie Jesús ji'lij iwijna'm, napoka jijwejlanawos pet iyoyisi pet jlamtikie' siunie Sinia' tajle.