Lucas 24:4 - Sinia' Jlamtis 1994

⁴ Kawojliyisi pa, je 'yakaj paka jitienkiujnieye inwonisi. 'Yaka jla'm iwoyisi ti i'winat'iyispe, siupapo times i'nio' ti sek takasit'ik'iji'n siupa yiyits'i, ji'wuye puwa ijiat ti isis, siupa k'iejliyiji'n intaj je ijwi'yi.

Lucas 24:4 Iomraidhean Croise

Marcos 16:5

siuti 'yuyeyisi pi a'no', i'winayisi pa i'nio' jwemik ji'wu' pa itiojyi ti lemi, ti yiji'n tome 'niji injweyeje. 'Yina japoka asejnia jnots'ijnits'i.

Lucas 2:9

Yisi'lietk'i papo i'nio' sontas jiwos siupa Sinia' jijliujwanik poli jlele ti yiyet'iyipi, sekyi'i Saka'niona jijweye jla'al itijw ape'e, wuj ti jnots'ijnits'i.

Lucas 24:5

Jnots'ijnits'iyi, sek t'opiyeyisi'iji'n wek, 'yina papok i'nio' iyoyis'ne 'ate: —¿Yot'iyi'ni ti jlekiajlajyi'ni 'niwa t'o'l kiapo i'nio mases, ti jiwoyetajyin'ni siojo ti 'wasa'n?

Hechos 1:10

Jlam'ne je ilitiejesi'iji ti i'yenisk'i'ni, siupi iyo pi Jesús ti yam pijia'm, jlam nesi'liet'iyijpe ti 'yakaj papo times i'nio', ji'wuye lemi, ti takasitiape'n jlam japo injlojwajnas.

Hechos 12:7

Jlam nesi'liet'iyijpe ti 'yaka pa Saka'niona jijliujwanik poli jlele, jla'al itijwayiji'n kiajwe japa insat jiwe. Siupa injlojwanik poli jlele isiejts'e'ne ja Pedro ti 'yujwat'ni, iyone'ne 'ate: —¡Jlam woni'ni 'ateye, neppijia'm! Ta'a'ne ti iniuk'iji'n puwa wikijnies t'aka'a, ti t'ekijyits'i.

1 Timoteo 3:16

'Yaka ti je jlase' ki iyo ni siunie je akakiunieje. Sinia' 'yakajanitts'e'm sa'am ni siunie ti 'es, ti iyo'ate: Sijwajieti ti inikajanitie, iniwojwa'n i'nioye, jlampet ti Sinia' iniujwata kisie'e, ti tajli ki a'no', 'yakaja ape'e pet ti Saka'niona, injlojwajnas poli jlele i'wi'in, sekyi'i ti tijwelajayi pet ape'e wikie'eyi napo i'nio' ti yi' ape'e 'ni ajnat. Ijiate je takakiunisi, siuti tikiniejayi 'niji poliyi, 'yina sekyi'i ti isima ilia'm, siunie 'es ti tiwunitie.