Lucas 24:32 - Sinia' Jlamtis 1994

³² Ininekiajlayisi siupa iyo ti iyoyis 'ate: —Siuti anamak'i ni 'nayi, ti takamtijnien'ni sik'ioye, ti ijwilts'e'm niwa Sinia' jlamtis yi'i ni ji'wet, po' ni awoyi ti alate ti ts'ajkaj'ni.

Lucas 24:32 Iomraidhean Croise

Marcos 4:34

Jak je iyoyiji siuti 'yiyasajne'n papo je ijlie'n pet niwak siuniwa ti jla'm i'yejnap jiwek, jlam pet siuti 'najli japo t'eyasajnas, je kiak iyone, 'nak ijniejietak'i pet k'iye ti ijwijla'm.

Lucas 24:45

Sekyi'i ti jiwekie'aja t'ipi ti itiant'iejesk'i, kajeyepa ti jlam jla'am ti iyo jlosikie' ka 'najane kiwa Sinia' jlamtis yi'i ni ji'wet,

Juan 6:63

'Yejne'n, siojona Sinia' jikimet ti 'es, janak iyo 'wasankiyeja' napo i'nio', je'ne ka nakaye t'isie'n ka 'esieyi. Siuniwa yamtis ti ajwe'lase'm, niwak itio'nase jana Sinia' jikimet ti iyoye as'wasankiyeja'.

Hechos 28:23

Jakiak siojokia jloma ti yitinisi k'iye, ti 'loj japo Judíojos ti ijioyi'ni ja Pablo siupa yi'i. Yapijle'e ti yamtiyi k'iye japo i'nio' kiwa Sinia' jlamtis ti ijwi'il pa Sinia' jika anechijiayas. 'Yiyasane kiwa Sinia' jlamtis kajeyepa ti ijialaskintaja pet ka intant'iejesi pa Jesús, ti yijnapeje pa Moisés jika'neyasajnaye, siu'neje puwa injwejlanawos jilisajnat'ipi.

Hebreos 4:12

Kajeyepa ti siuniwa Sinia' jlamtis ji'wasankiye po', jla'yi ti jijweye po', siu'neje ti ijiate ti 'yakajla'm ti 'yaka'm ape'e siunie sijnat jitiok ti tijwela ka inkajla'm siunie ti jikiwitawa times, 'yina je ijwietanitia'm ni i'nio' ni jlosik, ti yajma'm yame ni siunie jikiowe, 'yina itijwi'ni ti yikiajli'ni ni jitienkiujnieye, siu'neje ni iyo kawoyi ni jisiak'al ni i'nio'.