Lucas 24:19 - Sinia' Jlamtis 1994

¹⁹ Jesús iyo'ne 'ate ti i'yase'n papoka: —¿Tepit'i iyoyiyi paka? Sekyi'i iyoyis'ne 'ate: —Siukia tiwonaja'ne kia Jesús Nazaret jlele, injwejlanik jiwo ti jijweye po', Sinia' wuj ti ijiuniti siukiwa ilisane, siu'neje kiwa iyo jlamtikie', pajlat napo i'nio' ti ijiat ti yiminis.

Lucas 24:19 Iomraidhean Croise

Mateo 21:11

Ijia isiujlie ti iyo'ate: —Siu'nie injwejlanik jiwo Jesús, ti Nazaret jlele ti yiji jana Galilea.

Marcos 1:24

—¿Yot'iyi'ni ti jit'iuts'e, Jesús Nazaret jlele? ¿Jlamt'e jiniamats'e ti ja kasnetiajnat? Kastant'ie'a, ti a'm Sinia' jlasts'a'm ti i'nes.

Lucas 24:18

Iyo'ne 'ate siojo jle' iyo'ate Cleofas ti isiujlie: —¿Amkatat'e ti jlejyi jana Jerusalén ti je 'najane pa ka wone siukia iyo ki po'?

Lucas 7:16

Siupapo i'nio' ti i'winat'iyispe, wuj ti jnots'ijnits'i. Sektaj'le papo i'nio' ti iyunitisie pa Sinia', ti iyoyits'i 'ate: —¡Injwejlanik jiwo wuj 'ni a'wena ti yi' sikiowe'e! Kiak t'ipa iyoyeyisipi'iji 'ate: —¡Sinia' name 'napo jika kia'lis ti janoyeje!

Juan 3:2

Jakajimpe ti ijioyi ja Jesús ti ajnaj. Sekyi'i iyone'ne 'ate: —Inka'neyasajnawo, je kast'ayiji'n ti am ti inka'neyasajnawo'wa'm ti jitiajle pi Sinia'. Ijiate lajk'ipa ka inkajli ka inlesane iyo siuniwa ji'wenki'n siuti ja Sinia' ja ke inejiap.

Juan 4:19

Ti ipi'yaye ti kia'iyo, iyo'ne 'ate jlajak i'nioki: —'Yaka'niona, ijiatp'aneje ti a'm injwejlanik jiwo'wa'm.

Juan 6:14

Iyone'ne 'ate japo i'nio' ti i'winayis siukia iyo ki i'winki'n: —Ijiatp'aneje ti 'naka 'ni tijwela'nijpe, siupa injwejlanik jiwo ti ja'nes ajnat'e.

Juan 7:52

Iyo'ne 'ate ti isiujlisie: —¿Galilea jlelep'a'na'm 'neje? 'Ye'en niwa inamtis, ni'neyasane. Ja'we'en ti lajk'ipa injwejlanik jiwoye ka intajla'm jana Galilea.

Hechos 10:38

Ajwe'el ja Jesús Nazaret jlele, jla'am ti Sinia' jikimet ti 'es tipoyiji jla'yi pi jijweye. Ti t'iskiunieje'n ape'e 'ni ajnat, ti iyo ni 'es, ijwiejiete papo i'nio' siupa imosik iyone, wuj ti inilayiti siupa jiwet'ia iyo, lapakawo ti Sinia' jlam ti yijap, it'imina ti 'yakajli ti iyo niwaka.

Hechos 2:22

Pedro yinat'iyi ape'e ti iyo'ate: —'Yina k'iuyek'imna'a ti asa'am ti Israel jlele'ase'm, siunie jayo ti jayamti, ti jajwi'il siunie Jesús Nazaret jlele. 'Najanayi ti jlam ti lajk'ipa ka k'iejliyeyi paka Sinia' iwet'ianaja'm, 'yaka ji'wena' ni iyo ti ilisane niwak siuniwa isis tajle pa Sinia', ti kaskelit ti a'wena, siu'neje niwa a'wena ti a'tisk'iji'n.

Hechos 7:22

Moisés t'eyasanaja wikie'eyi siupuwa iyo papo Egipto jlele t'ajankijnieye. Jak je iyoyiji ka jijweye je poyeyi ti tamti, jla'yi ti isimts'e.