Lucas 23:54 - Sinia' Jlamtis 1994

⁵⁴ Japak siojopa jloma, ti iniwakajlanietak'i papo i'nio' k'iye siojopa jloma i'nio 'wanjlijyi'n.

Lucas 23:54 Iomraidhean Croise

Mateo 27:62

Siukia ti jlomaye'eje, jloma ti i'nio 'wanjlijyi'n, siojopo pa'yijis jika anechiyasas, siu'neje japo Fariséojos, ijioyi ja Pilato,

Marcos 15:42

Pope ja i'nio' jle' iyo'ate José, ji'wet jlaja isi' jle' iyo'ate Arimatea, jikijmaye siunie ti yiji papo Judíojos jlosikis jiwos, 'yina kia'iyo je iliyi ti inijijwijyink'iye siupa Sinia' jika anechijiayas. Jlampa k'iejli ajnalis wujwak'i'ni siojokia jloma ti siunapo i'nio' iniwakajlanitis k'iye janak jloma ti i'nio 'wanjlijyi'n, José yam'ne ti ijioyi ja Pilato, je iyo ka ijnots'ina ti ti'yasane ki t'ajwes masa ki Jesús, ka intejk'iye.

Lucas 23:53

Ipi'yat'ipi wek pa Pilato ti iwijna'm. Yamat'iyipi ti yijne'n ti ilie'ne ti tajle'e japa cruz, 'yakapajlatayijk'i pa lotakinie, yamat'iyijpe ti ijioyiji pa a'no' yiji japa sisaj, ti k'iejli titimaja, ti lajlik'iji pa ka sek tokiji. Sek tena'a'ne ti tip'onaja.

Juan 19:14

Jakiak siojokia jloma ti je toj'we siujlie'e Pascua, siukia ti 'najlikisie. Pilato iyone'ne 'ate japo Judíojos: —¡'Yenajyi'n ni aska anechiyas!

Juan 19:31

Jakiak siojokia jloma ti tome'e jla'a i'nio 'wanjlijyi'n. Siojopo Judíojos ti anechiyasas je iyoyisink'iye papo i'nio mases ka 'wanjliyek'i pijia'm ape'e puwa jika crusis, jla'yi ka neyi puwa ka jlomas 'nak nojwaja'm. 'Yina siojokia jloma i'nio 'wanjlijyi'n, ijyiwitajam'ni jakia Pascua, jakiak jloma ti wuj ti tilisana. It'imina'ne ti ijioyisi ja Pilato, ti iyonisi 'ate: —Kajlunie siunapo yi'ik'i pijia'm niwa jika crusis ka jlekijna akiajatajiamk'i, ja titimaja ka tenajana'a ajnat'e.

Juan 19:42

Sek tena'a'ne ki t'ajwes masa ja Jesús, kajeyepa ti je tojwa, jla'yi ti je toj'we siojokia jloma ti i'nio 'wanjlijyi'n.