Lucas 23:41 - Sinia' Jlamtis 1994

⁴¹ Sa'm ijiate ti 'yuts'e'm ka kiak tiwonats'e, kayinaja ni siunie je 'es awoki, 'yina siu'nie i'nio' lajatak'iyi ka k'iejliyeyi ka woyi, ka je 'esie.

Lucas 23:41 Iomraidhean Croise

Mateo 27:19

'Yina ti Pilato yijin'ni ts'e tenaja'a ni siunapo ti kia'iyoyetaja ti jitis po' ti ti'yenajata. Sekyi'i siujlieja jik'iemjla ijliu'ne ja jikawo ka ijwejla'm ki ji'lij ja jik'iemjla ti iyo'ate: —Ká ani'notinie'e siu'nie iyo, naka ti ijiate jla'am ti 'es. Kajeyepa ti siukia ajnaje po' ki ijwijlik ti wuj ti je 'esk'i ti naka jla'am ti ijwijlik ijioyi'ni. 'Yina je aleyi ti itiej ene'ni 'ate.

Mateo 27:24

Pilato siuti i'wina ti je 'yakajle'n japok i'nio' kajeyepa ti wuj ti jwesis, sekyi'i ti t'ajlayi ki i'niat, ti jikioye ilij ti yine jitieyi'i japo. Sekyi'i iyoye 'ate: —Je ya'am ka itisa' siunie ja tiwonaja ti ja tiliana. Asa'am ti astes.

Mateo 27:4

ti iyo'ate: —Awoyi 'ni 'yake'. Ekialp'an ni i'nio' ka tiliana, 'yina ti laj jitisa'. Isiujlisie'ne pet ti iyoyits'i 'ate: —Nak je kasts'ajane, akimet a'am.

Lucas 23:40

Siupi jikiecha isiujlie'ne jla'am ti iyo'ate: —¿Ijiatp'aneje ti je jloskiye pa Sinia', jlam'ne kiak jiwo pet jlejyi ni iyo ni inlaye?

Lucas 23:42

Sekyi'i kiak t'ipa iyoyeyipi ti inip'elisini pa Jesús: —Jesús, ataj wunitk'ina'a ka atiejena'a ni aka anechijiayas.

1 Tesalonicenses 2:10

Asa'am ti Sinia' jilists'ase'm ji'wena siunie aniwonaja ti awak aska kiowe'e, ti lajk'ipa ka k'iejliyeyi ka je 'esie ka iyoki ka i'winki'nase'm. Sinia' kia'iyo 'yijene pi iyone naka. Lapakawo ti anilesanaja jla'yi ti je aleki ti awoki naka ti ijiate ti 'es jla'am ka iyoki, jak je iyoyiji ti je yits'e paka injwel ka sitis poye.

Santiago 4:7

Nip'elisina kiajwe ni Sinia'. Tayitieyi ni imosik, ja jotie.

1 Pedro 1:19

Naka Sijwajieti 'woyis ti wuj ti laja po'. 'Yina Sijwajieti jla'am ti iniwe'en ti tiliana, iyoye 'ate siunie 'wolepo' 'woma ti 'es ti laj jiliayeja'.

1 Pedro 2:23

Siupapo i'nio' ti iliakiyis pa Sijwajieti, je iyo ka intayiti ka inlaki pet papo i'nio'. Kia'iyojliyi ti tajakiam'ni, je yits'e ka wo'ate, “Je ijiatena'a pet ka je itieyiti”, 'wenajliyi ti its'iuye pa Sinia' ka jlama jla'am ka'ye'en siunie iyo ti jla'am ti je 'yakajme'n siunie jawoyi.