Lucas 23:4 - Sinia' Jlamtis 1994

⁴ Pilato sekyi'i iyone'ne 'ate papo pa'yijis jika anechiyasas, siu'neje papo i'nio': —Je a'we'en paka jitis iwo siu'nie i'nio'.

Lucas 23:4 Iomraidhean Croise

Mateo 27:19

'Yina ti Pilato yijin'ni ts'e tenaja'a ni siunapo ti kia'iyoyetaja ti jitis po' ti ti'yenajata. Sekyi'i siujlieja jik'iemjla ijliu'ne ja jikawo ka ijwejla'm ki ji'lij ja jik'iemjla ti iyo'ate: —Ká ani'notinie'e siu'nie iyo, naka ti ijiate jla'am ti 'es. Kajeyepa ti siukia ajnaje po' ki ijwijlik ti wuj ti je 'esk'i ti naka jla'am ti ijwijlik ijioyi'ni. 'Yina je aleyi ti itiej ene'ni 'ate.

Marcos 15:14

Pilato iyo'ne 'ate: —'Yina, ¿ten jiat'e siupa iyoyi ti je 'esk'i? Sekyi'i jlam yinjliyisi ape'e ti kiak iyoyisi 'ate: —¡K'iejwata'yi japa cruz!

Lucas 23:22

Pajatayik'i ti najapajayiji ti kiak iyoni'ni papo i'nio': —¿Ten jiat'eje siupa je 'es siupa iyoyi? Je 'yu'we ka tiliana, kajeyepa ti lajk'ipa ka jitisa' ka'wi'in. Ja 'yakajluniejna'a ka tak'ajak'ni, sekjane'yi ka isio' iliena'ana'a.

Juan 18:38

Pilato iyo'ne 'ate: —¿Ten siupi ijiatk'i? Pilato iyotaja ka inojwa'n kisie'e ja Jesús, 'yina Judíojos je yina'ate. Siuti Pilato iliyeyi ti i'yas'ni ja Jesús, iniu'ne kisie'e. Sekyi'i ijwijla'm japo Judíojos ti iyo'ate: —Je a'we'en siupi ka jitis iwo siu'nie i'nio'.

Hechos 25:25

Yam je e'ne ka poye paka woyi ka je 'esie ka pakaye ka int'emina ka tiliana. 'Yina ti jlam ti ti'yasane ka saka anechiyas in'ye'en siunie jiwet'ia iyo, jak je iyoyi atankiu'ni'ne ti awo'ate jajliuyinie'e.

Hechos 3:13

'Yejne'n, Sinia' siukiapo sitise'l Abraham jla'yi pa Isaac siu'neje pa Jacob Jiniayis t'ipi iyunit ni jikawo Jesús, nak ijwiejiet siu'nie i'nio'. Jlekiajlayipi napo i'nio' anechiyasas, Pilato ti anechiyas, jlampe ti iyotaja ka jikio' inla'ne, 'yina je woyeyi asa'm ti askio' alana'yi.

Hebreos 7:26

'Yina pa'yi jika anechiyas wuj siunie kia'iyo, naka ti awoktajan pet k'iye. Jla'am ti 'es ti laj jikeye, 'yina lajk'ipa ka k'iejliyeyi ka je 'esie ka iwoyi. Sinia' je jnanjliyi siunie ijioyi'i ti itionitiape'n napo i'nio' ti inkeyis jiliajnis, ti 'yaka'm ape'e ni poli.

1 Pedro 1:19

Naka Sijwajieti 'woyis ti wuj ti laja po'. 'Yina Sijwajieti jla'am ti iniwe'en ti tiliana, iyoye 'ate siunie 'wolepo' 'woma ti 'es ti laj jiliayeja'.

1 Pedro 2:22

Siupi Sijwajieti je iyo jikeye ka paja, jla'yi ti je ti'wena ka inkelit'ni paka ne'yi paka i'nioye.

1 Pedro 3:18

'Yina Sijwajieti jla'am ti inilayiti ape'e niwa jikeyis napo i'nio' ijwienjliyik'i wek pakatajaje. Jla'am ijiate jla'am ti 'es, 'yina je iyojliyi ti iniwe'n ape'e napoka i'nio' ti je isis ti iyoyi ni jike', kajeyepa ti iyojonk'iye ka intonayi ni Sinia'. 'Yina ti i'nio', ti tilianaja, 'ya'al; jlampet ti Sinia' i'wiesankit pet pi jisiak'al, 'yina ti yiji pi jisiak'al.