Lucas 23:34 - Sinia' Jlamtis 1994

³⁴ Pakayi ti Jesús iyo'ate: —Inia', p'elisijne'n jiwekie'e 'napo i'nio', jlam kia'iyo je 'yijenisi siunie iyoyisi. Siupapo tokis ti iyoyeyisi ka inik'isajasi puwa ji'wuye pa Jesús, 'yina tiliakinieyists'i ape'e.

Lucas 23:34 Iomraidhean Croise

Mateo 11:25

Jakayi ti Jesús iyo'ate ti iyo jlamtikie': —Awunit, Inia' ti a'am ti jika'niona'a'm ni poli jla'yi 'ni ajnat, kajeyepa jijwek k'iye siunapo i'nio' 'yijejne'n niwak siuniwa ti ijiatk'iji'n, siu'neje napo i'nio' je t'on ti t'eyasanajataja'n. Ji'wenkijna'm pet siunapo lajk'iyi pa ka iwo ti je 'yijejne'n.

Mateo 11:26

Ijiate, Inia', kajeyepa ti nak jiwojonk'iye ka awoyi.

Mateo 5:44

Siuti ti ya'am jajwi'lase'm ti jayo'ate, 'Esiji ka emijne'n napo teje'yi aselia'm, 'ajlanajyi'n pet siupapo ti wuj ti inlakiye siunie iyo'nase ti teje'yi aselia'm.

Marcos 15:24

Ijiatjliyi yinayits'i pijia'm jlaja cruz. 'Yina siojopo tokis ti iyo ka inik'isajasi kiwa ji'wuye tiliakinis'ne ape'e jak je iyoyi ti siojopo ijyiwiteje japok inijwankitamk'i'ne.

Lucas 22:42

—Inia', kawoyi, sijwajiete siu'nie pajyi 'ni ja'yaje. 'Yina 'esiji ka intaj'la a'am siunie awoyi, je'e ti ya'am ka intalk'i.

Juan 17:9

'Ajlajnap'a napoka, 'yina je napoka siunapo ajnat jlele pet ka 'yejlajnap'a. Napokata jla'am siu'napo ti tijna'ya'm pet, ti jlekialk'i.

Juan 19:11

Sekyi'i ja Jesús isiujlie ti iyo'ate: —Siunie at'oni ti yi'a, ka je intal Siniayi je 'najane paka wone ka siniujwa'n kisie'e. Jak je iyoyiji'ni siunie ti sekial ka ama ka si'ye'en, jitis 'yaka'm ape'e siunie iyo ni ates.

Hechos 16:28

Pablo i'wine wekie'e ti kiak iyonayi: —¡Ká anilanna'a, awak 'neye anitajak!

Hechos 3:17

“I'lijwas, je sit'iayiji'n ti asa'am jla'yi napo aska anechiyasas ti jiwoyeyipi ka alana ki Saka'niona, ijiate ti lajk'iyipa ka awoyeyi ka akiowe awonayi.

Hechos 7:60

Sekyi'i ti t'akosjlete'l itiyeyiji'n, 'yakets'ijiap ti iyo'ate: —'Yaka'niona, ká atajlatajna'a siunie iyo ni jike'. Yiyik'i ti kia'iyo, sekyi'i ti 'yala.

Romanos 12:14

Jlampet siunapo ipiejwuyi'asem'ni ka aswet'ia poye, napoka ti 'esiji pet ka ekiajle ilia'm siunie 'es. 'Yina ká apajwuyi'i'ni pet ka jiwet'ia poye.

1 Corintios 2:8

Niwaka ni siuniwa ajwel'ni napo i'nio' ti iyo anechiyasisa' je itiant'ieje. 'Yina siut'itie ka intant'ieje, ka kiak iwoyetaja ka je ink'iejwatits'i japa cruz pi Sijwajieti, ti jla'am ti tajle nak injweye.

1 Corintios 4:12

paj ti je kats'isisieyi ti akimak'iji'n ti awokijyi'n paka tiuwa. Siuti takasejlanats'e, je akiujlieje, 'wenajliyi ti ajwelaja'm siunie 'es kawoyisi. Siuti kia'iyo ti je kasp'elisina, akiniejliyi wek ti anilayitieje.

1 Timoteo 1:13

Ijiate wuj ti je alesanataja pi Sinia', 'wena awo ti i'lijp'an je 'esijpe, ti ata'yi ilia'm kajeyepa ti sijwesieja'm. 'Yina ti jakayi ti lajk'iyi pa ka iyoyi ti je sitiant'ieje pi Sinia', wuj ti sip'elisi'n.

1 Pedro 3:9

Siuti po' ni je 'es ni iyo'nase napo as'lejwas, 'esiji ka je atayitieyi. 'Yina ja 'wenajliyi pet ti ja ekiajlayi ilia'm ni 'es, siunie akap'ijliuskiyeyi ti ja ena'yi, 'yina naka ti Sinia' tana'ase. Siuti kiak janiwonayi, je jwel ka kiak je iwo'nase pit ni Sinia' ka imp'elisinajyi'n.