Lucas 23:2 - Sinia' Jlamtis 1994

² Sekyi'i ti ijyijlitat'iyisijpe ti takajwejlanisia'm siupi iyo pi itiajlatisie, ti iyo'ate: —A'wenajaja siu'nie i'nio', ti itiejietk'i wita'm napo saka kia'lis. Ijwil je 'esiji ti akat'ina'ni ape'e niwa inkat'ijnieyejes, 'etsakaja ti ijwil ka nakaye ni Injwajieti ni Sinia' jijliujwanik, ka anechiyasa'.

Lucas 23:2 Iomraidhean Croise

Mateo 17:27

'Yina je 'esiji ka ijwisina napok isi'm ilia'm niwa inkat'ijnieyejes, maj, jloni jase i'niat ka atataja'm ni akajnat. Siupi ja anajnat ti ja atate pijia'm, ka akiesana'a jikiwitk'i. Ja'we'en jana wikiniet'aj ti jatajle jikiwitk'i, janakayena'a ti jakat'i'n sitipe'e jajnojli. Mayijinie'e ka kat'i'n.

Mateo 22:21

Sekyi'i iyoyis'ne 'ate: —Anechiyas Roma jlele jipe'el. Jesús sekyi'i iyo'ne 'ate: —Jakajliete, ekiajlayi siunie tajle ni anechiyas Roma jlele siunie jikimet pet, jlampet ni siunie tajle ni Sinia' ti jikimet pet, nak ekiajlayi pi Sinia'.

Mateo 27:11

Ti Jesús tokiji ja anechiyas Pilato siojo yi'i, Pilato i'yasen'ne ti iyone 'ate: —¿A'am ti Judíojos jika anechiyasts'a'm? Jesús isiujlie ti iyo'ate: —Siunie jiwone.

Marcos 12:17

Sekyi'i ti Jesús kiak iyonayi 'ate: —Ijiatp'ane, siunie tajle ni anechiyas Roma jlele nak ja ekiajlayi, jlampet siunie tajle ni Sinia' 'yina nak ja ekiajlayi'ijyi pet ni Sinia'. Kanwojlijinisipi pa ti ipi'yayis ti kia'iyo.

Marcos 15:2

Pilato i'yase'n ti iyone 'ate: —¿Mi a'am ti Judíojos jika anechiyasts'a'm? Jesús isiujlie ti iyo'ate: —Je kajme'n ni siunie jiwoyi.

Lucas 23:14

Iyoni'ne 'ate: —Asa'am pajk'i'ne ti jiniamayik'i siu'nie i'nio', ti jijwela' 'yakajyijne'n napo i'nio'. A'yasata'ni 'neye ti ene astayi'i, 'yina lajk'ipa ka jitisa' ka'wi'in siupa jitiajlatayi.

Lucas 23:5

Kat'ajat'iyijpe ti ijialaskinisi, ti iyo'ate: —Siunie iyo ni jika'neyasajnaye, wuj ti 'yakajyijne'n napo i'nio'. Tajlap Galiléaja ti 'nelanjie'e, 'nakayi yi'ne Judéaja, ti je ilik'i siunie iniwone.

Juan 18:29

Kiak it'imina ja Pilato ti iniuye kisie'e. Sekyi'i iyo'ne 'ate: —¿Tempi jitiajlatayi siu'nie i'nio'?

Juan 18:30

Iyoyis'ne 'ate ti isiujlisie: —Siuka 'esie pakawo, 'yina jlam je anamataja'a'ni.

Juan 19:12

Sekyi'i ja Pilato ti iyoyetajayi'n siupi ka inwone ka inojwa'n kisie'e ja Jesús. Siojopo Judíojos iyo'ne 'ate: —¡Ka anojwantana'a kisie'e, ka akojwayena'a ni saka anechiyas Roma jlele! ¡Kajeyepa siunie iniwojwa'n anechiyasa' iyoye'ate ti jla'am ti teje'yi ilia'm ni saka anechiyas!

Hechos 24:13

'Wanjliyi lajk'ipa ka ijiatayiji siunie ijwilis ka iyo ti takajwejlanits'ia'm.

Hechos 24:5

A'wena siu'nie i'nio' ti itiejietk'i wita'm napo Judíojos, ti ijioyetaja japa yi'i isi', it'imina'aja napo Judíojos ti po' na jijliak'aliyis. 'Nak iniajnen'ni k'iye siunapo i'nio' Nazarénojos.

Romanos 13:7

Jak je iyoyiji ti jijwela' ka 'esieyiji ka akat'inie'yi ape'e pa k'iejliyeyi, 'esiji kat'inie'yi ape'e. Siuti janakaye inkat'i'nijie 'esiji ka akat'inie'yi ape'e. Siuti anechiyas jant'ajla pa k'iejliyi napo i'nio', ke int'onie'yi k'iye, siu'neje ti japoye pa k'iejliyi ti ajwela ka 'esieyiji ka k'iuyeyi, 'esiji k'iuyeyi. Jlampet siunie ti jajwela ka 'esieyiji ka wunitie, 'esiji wunitie.