Lucas 23:13 - Sinia' Jlamtis 1994

¹³ Pilato tanat'iyits'ipi papo pa'yijis jika anechiyasas ti initotk'i wita'm, siu'neje papo anechiyasas t'ipi 'neje, wikie'eyi 'neje papo i'nio'.

Lucas 23:13 Iomraidhean Croise

Marcos 15:14

Pilato iyo'ne 'ate: —'Yina, ¿ten jiat'e siupa iyoyi ti je 'esk'i? Sekyi'i jlam yinjliyisi ape'e ti kiak iyoyisi 'ate: —¡K'iejwata'yi japa cruz!

Lucas 23:35

Jlam'ne papo i'nio' pa nojwisi'i ti i'yenis pa Jesús, siupapo anechiyasas, ti iliakiyis. Iyoyet'iyispe 'ate: —I'mieniti'n napo ijia. ¿Yot'iyi'ni ti je inijwajiet jla'am, 'nakayi siuti ja ijiatayi ka nakaye siunie Injwajieti Sinia' jijliujwanik?

Lucas 24:20

Siunapo pa'yijis jika anechiyasas siu'neje napo saka anechiyasas jlam ti iwinis ka tiliana, it'imina'ne ti tik'iejwata'a jana cruz.

Juan 12:42

'Wanjliyi, siojopo Judíojos je pini' japo its'iuye ti jla'am, kia'iyojliyi japo i'nio' anechiyasas, yameje ti je 'yakakiuyis ja Jesús. 'Yina je iyo'ni ka intanisi'ni ti kia'iyo, lapawo ti je ijwiye japo Fariséojos kajeyepa ka 'nijieyisi sek intajlata'a ka totiek'i kisie'e yi'i jawa 'najla'wetis.

Juan 18:38

Pilato iyo'ne 'ate: —¿Ten siupi ijiatk'i? Pilato iyotaja ka inojwa'n kisie'e ja Jesús, 'yina Judíojos je yina'ate. Siuti Pilato iliyeyi ti i'yas'ni ja Jesús, iniu'ne kisie'e. Sekyi'i ijwijla'm japo Judíojos ti iyo'ate: —Je a'we'en siupi ka jitis iwo siu'nie i'nio'.

Juan 19:4

Pilato yapilie'eje kisie'e, ijwijlam'ne japo Judíojos ti iyo'ate: —'Yejne'n, aton kisie'e, 'nakayeyi ti ja'najanayi ti je a'we'en paka jitisa' siu'nie i'nio'.

Juan 3:1

Pope ja i'nio' Fariseo jle' iyo'ate Nicodemo, jika anechiyas jlam japo Judíojos.

Juan 7:26

Siusie, 'nak p'an yi'i takamtijniene napo i'nio', entip'an ti lajk'ipa ka in'yikisane. ¿Ent'a 'yijenayi pi iyone napo anechiyasas ti jlam ti Injwajieti ti Sinia' jijliujwanik?

Juan 7:48

¿Pot'e jiat'eje napo saka anechiyasas ti je 'yakakiu, ni'ne ka napokaye napo Fariséojos?

Hechos 13:27

Siupapo i'nio' ji'wet japa Jerusalén, siu'neje papo anechiyasas sekyi'i, je po' japa jlomaye ka intant'ieje pa Saka'niona Jesús, ti Injwajieti. 'Wanjliyi jlomasata ti ipi'yayis siupuwa injwejlanawost'ipi jlamtis ti yiyetaja siojopa jloma i'nio 'wanjlijyi'n, ti yiyis 'wuk kiajwe. 'Yina ti yinayits'i pa jitis pa Jesús, pakayi ti yiyeyi siupa k'ie' siupapo injwejlanawos ti ijwi'il.

Hechos 3:17

“I'lijwas, je sit'iayiji'n ti asa'am jla'yi napo aska anechiyasas ti jiwoyeyipi ka alana ki Saka'niona, ijiate ti lajk'iyipa ka awoyeyi ka akiowe awonayi.

Hechos 4:5

Siupa ti jlomayet'ijyi siupapo Judíojos jika anechiyasas initotk'i wita'm yi'i jlaja Jerusalén, siu'neje papo kijilas jle' po', siu'neje papo taka'neyasane pet siupa Moisés jika'neyasajnaye.

Hechos 4:8

Pedro Sinia' jikimet ti 'es tipoyiji, isiujlie'ne papo ti iyo'ate: —Asa'am ti jika anechiyasts'ase'm napo i'nio', jla'yi ti kijilasts'ase'm: