Lucas 22:8 - Sinia' Jlamtis 1994

⁸ Jesús ijliu'ne ja Pedro jla'yi ja Juan, ti iyone'ate: —Maye'ni, lesanayi siupa jatiuwa pet. Wakajlanitie ta'a siuti yiyi jla'a Pascua.

Lucas 22:8 Iomraidhean Croise

Mateo 3:15

Jesús isiujlie ti iyo'ate: —Sejni wek'iate. Awo'ate, 'esiji ka iyoki wikie'eyi siunie Sinia' iyo ka iyoki. Sekyi'i Juan ijiate iyoyi,

Lucas 1:6

Wuj ti isisi'n jitieyi'i pa Sinia', jla'yi ti yamjliyi ti yame ki iyo kiwa Sinia' jlamtis, siu'neje kiwa iyo ka tiwoki pa Sinia', jak je iyoyiji ka poye paka injwe'el, ka k'iejliyeyi paka ijnotkina paka woyisi.

Lucas 22:9

I'yasisin'ne ti iyo'ate: —¿Tepi jiwotaja ka yinaja'a?

Hechos 3:1

Yit'iyipe pa jloma ti siojopa inetitinki najape'e, Pedro jla'yi ja Juan ti ijioyisi jlaja Sinia' ji'wuk, 'yina ti yiyi siojopa ti iyoyis'ni t'ajlayeja'.

Hechos 3:11

Pedro jla'yi ja Juan yamat'ijne wata'a 'niji yi'i siupa jle' iyo'ate Salomón jika 'wuk kiwet, ti yikiajlisi'ni jlaja Sinia' ji'wuk, yaka titietat'ijiampe papo i'nio' 'yakapajlat'iyisi'ijyi ti i'yenisi pak i'nio', ti jikio' je ilie'ne ja Pedro jla'yi ja Juan.

Hechos 3:3

Ti i'wina ilia'm ja Pedro siu'neje ja Juan ti ijioyi, sekyi'i iyo'ne 'ate: —¿Lajk'iyi pet japa ka k'iejliyeyi ka wenk'i'm?

Hechos 4:13

Siupapo anechiyasas ti i'wi'in japo Pedro ti t'otale t'o'n ti tamtits'iji'n, 'yina je jlase' pi iyo ti 'yakelit kajeyepa ti itiant'iejesi ti jwajla'a je 'yijene japo i'nio'. Sekyi'i ti itijnisieyisi ti japok Jesús jla'yis.

Hechos 4:19

Pedro jla'yi ja Juan isiujlie papo ti iyo'ate: —Ja asama pet ti ja atankiunie'ni ka 'esieyiji jitieyi'i pa Sinia' ka iyoki siunie 'yijients'e'm, ni'ne ka iyoki siunie jiwoyeyi ka iyoki.

Hechos 8:14

Siojopo injlojwajnas ti t'ijieyeyi papo Samaria jlele ti isimits'i pa inamtik, sek ijliuyisi'ne japo Pedro jla'yi ja Juan.

Gálatas 2:9

Jak je iyoyiji japo Santiago, Pedro, Juan, ti jlam ti ijia, isi'me ka 'yena ka inkie ape'e, jla'yi ka 'net pijia'm napo Sinia' jilis, je kaskakiuk kajeyepa ti 'yijene pi iyone ti jla'am pa Sinia' ti yikialk'i ni siu'nie. Jak je iyoyiji ti i'winayis ti kia'iyo, isieja sikioyejiamk'i, naka 'neje ni Bernabé, kajeyepa ti ijwilis ijiate ti isim selia'm ka ijwienjli iniuk'i ti jasimak'iji'n. Sekyi'i iyoyis'ne 'ate, “'Esiji ka in'wenayeyi pet siunapo je Judíojos, jlampet ti sa'am kiak jayoki, ja'wijnaki pet napo Judíojos.”