Lucas 22:61 - Sinia' Jlamtis 1994

⁶¹ Sekyi'i Saka'niona tejeyi'ni ja Pedro ti i'yenayi. Ti Pedro i'winayi sekyi'i jitiej t'ipa wujwak'ipe siupa ti Saka'niona iyone'ate, “Siu'nie ajnaj ka majletiejejna ka nap ni ajwenta, janajapajayiji ti janikakiu'ni ti jajwel ja ke intant'iejk'i.”

Lucas 22:61 Iomraidhean Croise

Mateo 26:34

Jesús isiujlie ti iyo'ate: —Ijiatk'i siu'nie jayoyi ti jajwi'il, ti siu'nie ajnaj ka majleyetajna'a ka inap ni ajwenta, janajapejayiji ti jajwel ka je intant'iek'i.

Mateo 26:75

Sekyi'i ti Pedro jiwekie'eja ti jitiej wujk'i siojo iyo ja Jesús, ti iyo'ate, “Ka majleyetajna'a ka inap ni ajwenta, ja najapajayiji ka nikakiu'ni ti jajwel ka je intant'iek'i.” Pedro sekyi'i ti yama ti tal seka'a, yap kajeyepa a'tieje pi iyo.

Marcos 5:30

Jesús iliatk'i pa jijweye ti iniu kisie'e, sekyi'i ti tejeye ilia'm papo i'nio' ti i'yasa'm ti iyone 'ate: —¿Ten siupa isiejts'e 'ni i'yu'?

Lucas 10:41

Jesús isiujlie ti iyo'ate: —Marta, Marta, wuj ti jiwo ajlak'aliye siuniwa wask'i'nelaja.

Lucas 22:34

Jesús iyone'ne 'ate: —Pedro, jajwi'la'm, siu'nie ajnaj ka majleyetiejena'a ka nap ni ajwenta, janajapejayiji ti janikakiu'ni, ti jajwel ka je intant'iek'i.

Lucas 22:60

Pedro isiujlie ti iyo'ate: —¡Je ts'ajane paka yone siupi jijwel'ni! 'Yina Pedro jlam'ne je iliyi ti tamti'ni ti pakayi ti yapat'ipi pa ajwenta.

Lucas 22:62

Pedro tajlat'ipi seka'a siupa yi'i'ni, paj ti je k'iejeye'e ti yap.

Lucas 7:13

Ti Jesús i'yejne'n japa ask'ilieki, wuj ti ip'ilisin'ni, sekyi'i iyone'ne 'ate: —Leyi ti jlap'ni.

Lucas 7:19

papok'ne ti ijliuyi pa Jesús ka i'yasisi'n ka iwonisi 'ate: —¿Mi a'am ti pajk'i ti injwela'ni ti ja'nes, ni'ne kapoye pa jikiechaye ti jats'iukin kiu'ujwe k'iye?

Juan 13:38

Jesús isiujlie ti iyo'ate: —¿Mi ijiate siunie jijwe'el, ti inwakal ka alaye ine'yi itipe'e? Ijiate siunie jayo ti jajwi'il, ka majletiejejna'a ka nap ni ajwenta, ja najapajayiji ti janikakiu'ni, ti jajwe'el ja ke intant'iejk'i.

Hechos 5:31

'Yina ti jla'am pa Sinia' ti isi'me, ti iyojwa'n anechiyasa' ti wuj, yijne'n jijweyeje, jla'yi ti iyojwa'n Injwajietiwoye, Israel jlele ja 'esieye siuti janwoyis jlosikis ink'iejyisa', sekjane'yi ka Sinia' inetiajnatana'a k'iye niwa jikeyis iyo.

Efesios 2:11

Tankiuniek'i, siuti pajk'i, asa'am ti je Judíojosts'ase'm, ti lajk'i pa kawo'ate ti jlamis napo Judíojos ti yiyi naka ti t'isie'n jijwa'l tejwak'i. Siunapo i'nio' iniwunitisi ti itimisi naka, ti t'isie'n jiwa tejwak'i, iyo'nase 'ate ti injwela, “Siunapo i'nio' je iyo'ate awoki, ti sam ti kaswakal.”

Apocalipsis 2:5

It'imina ti awo'ate, ataj wunitk'i siupa jle'yi ti inoyeyiji'n,, 'yina wo ajosik ink'ieye, woyi siu'ujwe siukia jiniwone ti 'nelanjie'e. Siuti ja ke awoyiyi, jijwel ka je ijio'wa, ti ja'yikisa'na, sek jane'yi ka ijiala'ajna'a siojona aka katese'l ji'wet ti jatiajla'ne ni yi'i, siuti kiak jawoyi ja ke inkajlaja ka wats'ilati siunie jiwoyi.