Lucas 22:53 - Sinia' Jlamtis 1994

⁵³ Jlomasatak'i ti a'ni ts'e jla'a 'najla'wet, tiwet'iana ka akienak'i'm. Lapakawo ti aska jloma'yasa'm, kajeyepa yiyi ni jijweye na ajnatiok.

Lucas 22:53 Iomraidhean Croise

Mateo 21:23

Jesús ti itimayi siukia iyo jakayik'i, 'yina ijioyi'ni siujlieja 'najla'wet. Siuti taka'neyasa'n, 'nesa'ni japoka siojopo pa'yijis jika anechiyasas, siu'neje japo kijilas ti kia'iyo anechiyasas, ti ijioyisi ti iyonits'i 'ate ja Jesús: —¿Tent'ipa ajweye ni jikiene niwaka? ¿Ten siupi jitiajleje?

Lucas 22:52

Sekyi'i ti kiak t'ipa iyonayipi, siupapo pa'yijis jika anechiyasas, siu'neje papo tokis i'yena pet japa 'najla'wet, siu'neje papo kijilas ti kia'iyo jle' po', siupapo name ti janekisi pa Jesús: —¿Yot'iyi'ni ti jiwoye astesajnatis jitioye, jla'yi ti jiwo ask'iulisie', ti jiniamak'i, siwonayeyi 'ate 'ni i'nio' kalankijieta?

Lucas 22:54

Isimat'iyits'iji pa Jesús ti 'yutits'i a'laja'm, ijioyisi 'wete pa pa'yijis jika anechiyas. Sek k'iejliyiji pet pi iniu'we ja Pedro, ti yamatak'i.

Juan 12:27

—“¡Wuj ti ijliak'ali po' 'nakayi! ¿Tepat'e jayo? ¿Jot'e kayo'ate, “Inia', sijwajiete ni janwo ni iwit'iaye”? ¡Ajwel'ni ja jeye, lapakawo ti 'nak it'imina ti ana'am!

Juan 13:30

Yiji wek kiojyi ki woye, sekyi'i ti yama ja Judas. Jlampa ajnaja.

Juan 14:30

“Laj i'witayi ka 'yakamtijnie'nase, 'yina je toj ilia'm siunie isie'e pet 'ni ajnat. 'Yina je akiajwe ti jla'am,

Juan 7:30

Siojopo i'nio' ti ipi'yayisie, iyoyetajasi ka inkimits'i, 'yina 'yaka je yijliyi'ijyi siupa jlaj yi'i, it'imina'ne ti lajk'ipa ka jikiowe int'onitie ka poye pa ka k'iejliyeyi paka inwone.

Juan 7:45

Siojopo tokis i'yena jlaja 'najla'wet yapilisi siojo yi'i japo pa'yijis jika anechiyasas siu'neje japo Fariséojos. I'yasayisi'n japo tokis ti iyo'ate: —¿Yot'iyi'ni ti je niamayi?

Hechos 26:18

'Nakayeyijna'a ka 'yiniyijna'a ka 'ajlinitiamk'i niwa jitiete siunie iyo ti yiji na ajnatiok, sekjane'yi ka neyeyisinie'e pet na jloma; jla'yi ti janleyisi ka ineyis kiajwe ni imosik jijweye iyo, 'wenajlitieje jla'am ka neyis kiajwe pa Sinia'; 'nakayijna'a ka initiajnat niwa jikeyis, siu'neje ka ji'niayi poye ka ijnojwa'm siunapo isis Sinia' jilis, ka tiwoktana'a ji'wajietiye, lapakawo ti nakaye jla'am ti jant'emina ti ja ke sakakiuyis”.

Efesios 6:12

Kajeyepa ti, siuti anilanajata, je wats'o paka itieye ilia'm, ni'ne ka jleli poye. 'Yina siuniwa awoki sakojwasa' niwaka siuniwa pini', ti kiak iyo jijweye po', ti yiji ni jloma ti je 'yaka ka ti'wena. Ti jijweye po', jla'yi ti iyo anechiyasa'a pet ni ajnat, jikijmaye siuniwa ti je isis ti yiji ni ajnatiok.

Colosenses 1:13

Sinia' jla'am ti kasjwajiete siunie jijweye nak ajnatiok, sekyi'i ti kasjlasatayi pi jlas ti jleminik ni jika anechijiayas.