Lucas 22:5 - Sinia' Jlamtis 1994

⁵ Wuj ti inkase'n ti ipi'yayisie t'ipi, sekyi'i iyoyis'ne 'ate: —'Esiji, jawina'a'm jana wikiniet'aj siuti kiak jawo janoyits'e'm.

Lucas 22:5 Iomraidhean Croise

Lucas 22:4

Yam'ne ti ijioyi papo pa'yijis jika anechiyasas, siu'neje papo jika ijiawos pet siojopa 'najla'wet, ti iyone'ate: —Ana'am ti awo ka yikiaj'lase ni Jesús. ¿Ten siupa janiwonaja?

Lucas 22:6

Judas itiliak'i siupa tijwelaja'm, i'yent'ipi ti lajak'i papo i'nioye ka nejiap pa Jesús, jiwekie'eja ti joye ka nekiajle papo i'nio' pa Jesús.

Hechos 1:18

(Papoka'ne ti tajleje siojopa wikiniet'aj ti laja siupi iyo ti wuj ti je 'es, 'yina yame'ne pi jika ajnat. 'Yina je pajtaja ti yiyeyi ki jlaj, pakayi siupa ti iniuyet'ijyimpe ji'wo' 'yite isia'm. Its'isk'i'ne, seki'i jikasjili iniuyet'ipi kisie'e.

Hechos 8:20

Pedro isiujlie ti iyo'ate: —¡Alaye janoj wita'm jana aka wikiniet'aj ti janetia'n! ¡'Yina siunie akiowe jiwone, ti jiwota ka aki siunie Sinia' iyo ji'wajieta'!

2 Pedro 2:15

Ikajyi'n, kajeyepa ti iliyi ki iyo ni 'es, 'nayi ti tijnajyi. Yame siupa iyot'iyipi pa Beor jlas, injwejlanik jiwo Balaam, ti ijiate ti itiliaja japa wikiniet'aj ti tajleje siunie je 'es.

2 Pedro 2:3

'Yina ti jwesiejayisink'iye ka 'wena jana wikiniet'aj, napoka i'nio' jawo jlamayisi siuniwa askijmatis ti ji'wena ti jajna'lase, kajeyepa ti ja ke jwajla'aja siunie jawoyi ni jika'neyasajnaye. 'Yina ke injlak'alak'i wita'm, kajeyepa ti ja jlaj poye siunie iniwonisi, 'yina pajk'i ta'a ti wakal siunie inijijwijyink'iye, naka ti Sinia' jan'ye'en siunie jitis iyo. 'Yina ja lajak'i pa ka iniwonisi, ja ke injwayisi siunie jiliaye.

Judas 1:11

¡Jiwet'ia japoye napoka siunapo ti yame pet siunie ji'niayi iyot'iyipi pa Caín! Siojona wikiniet'aj janak 'yakajmank'iji'n kajeyepa ti jikiowe yijni, iyo'ate pak Balaam t'ipi. Inilajnen'ni iyoye'ate pa Coré t'ipi, siu'neje pa jiwet'ia iyo ti no'we papo i'niot'ipi ti 'yajle'n.