Lucas 22:43 - Sinia' Jlamtis 1994

⁴³ [Pakayi'ne siupa injlojwanik poli jlele inikajanitieja'm ti iyo jweyeja'.

Lucas 22:43 Iomraidhean Croise

Mateo 26:53

¿Jijwelt'itie ka je 'yakajli pet ka iyo ka 'yejle ni Inia', ka injlok'i napo jijliujwajnas poli jlele ti 'loj?

Mateo 4:11

Sekyi'i imosik tajla'ne ja Jesús, ti 'nesat'i'nijpe papo injlojwajnas poli jlele ti iniuyeje.

Mateo 4:6

ijliuye'ne ti iyo'ate: —Siuti ja ijiatayi ka Ina'a jlasa'a'm, sojmakiejen kiu', ká anikiwit. Ina'a jlamtis iyo'ate, “Sinia' janjlo'wa napo jijliujwajnas poli jlele kan 'ye'na'm. Ka ayejyina'a niwa jikioye ja'nakayeyijna'a ka je ijnoj'li ape'e japa sisaja', 'yina ja laja awet'iaye.”

Lucas 22:32

'Yina pajatak'i wek ti 'ajlana'ni ka je anetiajnata ni astankiujnieye ti 'es. 'Yina siuti ja apik'i, 'esiji ka noyejejna'a napo a'lejwas ka jwajla woyisi'ni.

Hechos 14:22

'Yakela papo i'nio' sek ji'wet'e ti iyone'ate: —Je pajna'a ka aleyeyi ti astaj jiwomayi ni Saka'niona, lapakawo ti siunie i'nio' ni iyo ka ijnoyi ni Sinia' jika anechijiayas wuj ti janilayiti, niwa jiwet'iaye ti jajnoyi.

Hechos 18:23

Jlampa paja'ni seka'a, ti yikiajlayi'iji ti ijioyits'i papo ti ijwienjli tajlap'e, ti iniuyeje papo Sinia' jilis ti 'yakela, siupapo yi'i Galáciaja, siu'neje papo yi'i Frígiaja.

1 Timoteo 3:16

'Yaka ti je jlase' ki iyo ni siunie je akakiunieje. Sinia' 'yakajanitts'e'm sa'am ni siunie ti 'es, ti iyo'ate: Sijwajieti ti inikajanitie, iniwojwa'n i'nioye, jlampet ti Sinia' iniujwata kisie'e, ti tajli ki a'no', 'yakaja ape'e pet ti Saka'niona, injlojwajnas poli jlele i'wi'in, sekyi'i ti tijwelajayi pet ape'e wikie'eyi napo i'nio' ti yi' ape'e 'ni ajnat. Ijiate je takakiunisi, siuti tikiniejayi 'niji poliyi, 'yina sekyi'i ti isima ilia'm, siunie 'es ti tiwunitie.

Hebreos 1:14

'Yina, ¿tent'i napoka injlojwajnas poli jlele, tepit'i iyo siupa jikijmaye? Awo'ate napoka siunapo Sinia' jikawos ti ijliuyi napo i'nio' ti ja jikimita siojona injwajieti ka noyeje.

Hebreos 1:6

Jak je iyoyiji siuti 'yakajanitia'm napo i'nio' yi'i 'ni ajnat, siu'neje napo poli jlele pet ni jlas ti iniajnat, iyone'ne 'ate: “Wikie'eyi siunapo ijliujwajnas poli jlele, 'esiji ka wunitie.”

Hebreos 2:17

Siuti k'iejliyi pa jijliak'ali napo ji'niayi ijwienjli, sekyi'i kiak iniwonayi pit iyo jlamis. Sekyi'i ti 'esieyiji ti kiak iniwone 'ate iyo ni pa'yijis jika anechiyas wuj, siunie ti je tiwonaja jla'am, siu'neje ti takap'ijliuski ti iniuyeje napo i'nio' siunie Sinia' itiliaja ka woyi. Jla'yi ti initiajnat niwa jloski'la ti iyoyi jikieye ki jiliaye iyo ti 'ya'al.