Lucas 22:4 - Sinia' Jlamtis 1994

⁴ Yam'ne ti ijioyi papo pa'yijis jika anechiyasas, siu'neje papo jika ijiawos pet siojopa 'najla'wet, ti iyone'ate: —Ana'am ti awo ka yikiaj'lase ni Jesús. ¿Ten siupa janiwonaja?

Lucas 22:4 Iomraidhean Croise

Mateo 26:14

Ijwienjli'ne siojopo itijwa'm niwa sikioye times tom'niji Jesús t'eyasajnas, jle' iyo'ate Judas Iscariote, ya'am ti ijioyi japo pa'yijis jika anechiyasas,

Lucas 22:5

Wuj ti inkase'n ti ipi'yayisie t'ipi, sekyi'i iyoyis'ne 'ate: —'Esiji, jawina'a'm jana wikiniet'aj siuti kiak jawo janoyits'e'm.

Lucas 22:52

Sekyi'i ti kiak t'ipa iyonayipi, siupapo pa'yijis jika anechiyasas, siu'neje papo tokis i'yena pet japa 'najla'wet, siu'neje papo kijilas ti kia'iyo jle' po', siupapo name ti janekisi pa Jesús: —¿Yot'iyi'ni ti jiwoye astesajnatis jitioye, jla'yi ti jiwo ask'iulisie', ti jiniamak'i, siwonayeyi 'ate 'ni i'nio' kalankijieta?

Hechos 4:1

Pedro jla'yi ja Juan jet'i ilitajasipe ti takamtijniene papo i'nio' ti 'nesat'i'nijpe papo pa'yijis jika anechiyasas, siu'neje papo Saducéojos, siu'neje pa tokis jika anechiyas tijna'yi japa Sinia' ji'wuk.

Hechos 5:24

Siupa pa'yijis jika anechiyas, siu'neje pa tokis jika anechiyas ti tijna'yi ti i'yena japa Sinia' ji'wuk, siu'neje papo pa'yijis ti kia'iyo anechiyasas, ininekiajlat'iyisijpe ti ini'yasis, ti iyoyits'i 'ate: —Ijiate wata'a, ¿majmat'e wata'a ka nojwi siu'niwa wask'i'nelaja kia'iyo?

Hechos 5:26

Yamat'i'nijpe papo tokis, jla'yis papo jika anechiyasas, ti yamisi japo injlojwajnas. 'Yina lajk'ipa ka iwonisi ka insayits'i lapakawo ti je ijwiye papo i'nio' ka sisajas intatisiji'n.