Lucas 22:39 - Sinia' Jlamtis 1994

³⁹ Sekyi'i Jesús yam'ne, pi iyot'iyi'nipe jla'am ti ijioyi siujlieja tikijnaki Olivokiet, siojopo t'eyasajnas je iyo ka inleyisk'i ti yama.

Lucas 22:39 Iomraidhean Croise

Mateo 21:1

Ti majleyeyisi jlaja Jerusalén, japo Jesús ti jla'yis japo t'eyasajnas yiyeyisi siujlieja isi' tomi ilia'm jle' iyo'ate Betfagé, je wuj jlajak isi', yi'i jlaja tikijnaki siujlieja jle' iyo'ate Olivokiet. Jesús sekyi'i ti ijliuye japo t'eyasajnas times,

Mateo 26:30

Takelisienaja'n ti yinits'i kiwa sálmojos. Itime ti yama'ni ti ijioyisi jlaja tikijnaki Olivokiet.

Marcos 11:11

Yamaja'm jlaja Jerusalén ja Jesús, 'yina yamite jlajak 'najla'wet wuj. Itimeje ti yikiajli'ni ti jla'm iyo ka'we'en. Sekyi'i ti yama ti yapi 'niji yi'i jlaja Betania, ti jla'yis japo t'eyasajnas itijwa'm sikioye times tom'niji, lapakawo ti no'otieyi pakayik'i.

Marcos 11:19

Siupa ti ajnaja Jesús ti jla'yis japo t'eyasajnas tajlayisia'm jlajak isi'.

Marcos 13:3

Sekyi'i ijliasayis'ni ti tejeyis 'niji, yi'i jlaja tikijnaki Olivokiet, siojopa 'najla'wet wuj teje'yi. Siuti 'nes'ni Jesús yiyeje'n. Pedro, Santiago, Juan, Andrés ti 'najliyisiji'n ja Jesús i'yasayisi'n ti iyo'ate:

Marcos 14:26

Siuti itimayisi ti takelisiejne'n ti yinisits'i kiwa sálmojos, sekyi'i ti yama'ni ti tejeyis 'niji yi'i jlaja tikijnaki, jle' iyo'ate Olivokiet.

Lucas 21:37

Siupi iyot'iyipi pa Jesús, ti jlomayeta ti ijioyi'ni jlaja 'najla'wet ti taka'neyasa'n, jlampet ti ajnajata ijiojwen'ni tikijnakija'm yi'i siojopa tikijnaki jle' iyo'ate Olivokiet.