Lucas 22:36 - Sinia' Jlamtis 1994

³⁶ Kiak t'ipa iyonayipi: —'Nakayi jayo'ate, siunie po' jana jleli, 'esiji ka je ileyijinna'a siuti janek, siu'neje jana jika wikiniet'awe. Jlampet ni lajk'ipa ka jitisajnat jitiokie', ka wenana'a niwa ji'wuye ka neki pa jitisajnat jitiokie'.

Lucas 22:36 Iomraidhean Croise

Mateo 10:10

ni'ne ka aseliye japa ka atonie, ká a'lonitie puwaka as'wuyeye, ká awoye askiajata. Kajeyepa siunie i'nio' inkijmayewo, tepa jawo ka je in'yekiu'n.

Lucas 22:35

Iyonat'iyi'iji 'ate japo t'eyasajnas: —Siuti ajloye'nijpe ti awo'nase 'ate, “Ká awoye eliye, ni'ne ka aka wikiniet'aweja', ni'ne ka awoye asatiye”, ¿ma po' t'ipi pa jisitiana'? Iyo'ate ti isiujlisie: —Lajk'ipa.

Lucas 22:37

'Yina jajwi'lase'm ti je 'esiji ka je kiak iyo, ti janeyi janak jloma ti tenat'ijyipi its'ioye, ti iyo'ate niwa inamtis ti yiji ni ji'wet, “Iliaye iniuyi wita'm siunapo i'nio' inkeyis jiliajnis.” Wikie'eyi niwa inlesajna' ti sijwe'el ti jane wita'm 'nakayi.

Lucas 22:38

Ipi'yayis jiwek ti kiak iyo, ti iyoyet'iyispe: —Saka'niona, po' 'niwa times sijnatis jitio' yits'e. Isiujlie japo ti iyo'ate: —Leyeyi.

Juan 15:20

Ataj wunitiets'i siunie awo'nase'ejyi ti awo'ate, “Jikawo je ika'm ape'e ni i'nio' ni anechiyas.” Siuti jlam sakojwaki'n ta'a, 'wena je woyeyi, kiak jawoyeyi pet. Siuti jlamt'i kiak awo ta'a, ti tik'iukk'i'm ni siunie iyo niwa yamtis, kiak inwoyenie'eje pet ti asa'am, ja tik'iukie'asemna'a siupi ja asamtikie'.

Juan 16:33

“Wikie'eyi siuniwa ajwe'lase'm jant'eminajna'a ka akamankiye atajlayiji ti je sakakiuye. Ja ke jlasiye ni asjlak'ali ape'e 'ni ajnat. 'Yina ke ajlasatayijna'a isia'm siunie jiwoyeyi, 'yina pajk'i ti 'a'n ape'e ki iyo ni yi'i 'ni ajnat.”

1 Tesalonicenses 3:4

Siuti je atal aska kiowe'e, pajk'i ti ajwe'lase'm ti awo'ate je ijiat ka je ijnelts'e ni siunie siliaye janwo ti wuj ti jawo sijliak'aliye. Ijiatjliyi ka 'wena iwo wata'a siukia awopi ti ajwe'lase'm siunie a'wena.

1 Pedro 4:1

Siupi iyot'iyipi pa Sijwajieti ti inilayiti pi iyo pa jiwet'ia, kiak jawoyeyi pet. 'Esiji ka niwakajlanitie ta'a k'iye siunie asjlak'aliye ka netie'ase. 'Yina ti siunie ti ijiate ti inilayiti, nak iliyi pet 'nijiye ni jike',