Lucas 22:30 - Sinia' Jlamtis 1994

³⁰ Kiak jawo'ojyi ja kijwanak'i ts'iji ti jayo anechiyasa', ka aye'yijinna'a siuniwa in'wetis ti jawoye anechiyasisa', jane'ya kiajwe siunapo tajla'm napo itijwa'm niwa sikioye times tom'niji Israel jilis.”

Lucas 22:30 Iomraidhean Croise

Mateo 19:28

Jesús isiujlie japo ti iyo'ate: —Ijiatk'i siu'nie jayo'nase, ka inetiejenie'e siojona jloma ti Sinia' janekiajle'e ti jawo ink'iejyisa' wikie'eyi niwa wask'i'nelaja, siojona jloma ti ni I'nio' Jlas jane'yiji'n siojona ji'wet ti 'es ti jawo anechiyasa', asa'am kiak jawoyeyi'iji pet. Jawaye'yiji'n niwak in'wetis itijwa'm sikioye times tom'niji ti jawoye anechiyasisa' pet, asa'am ti je liyejyin'ni ijyik'i. Japakayeyi ti siunapo i'nio' ti je pini', siunapo tajla'm napo itijwa'm sikioye times tom'niji Israel jilis, ti jane' askiajwe ti jawoye pet anechiyasisa'.

Mateo 5:3

—Sinia' wuj ti ip'ilisijne'n siunapo itiant'ieje ti najata Sinia' jikap'ijliuskiye ti 'esi, jla'yi ti 'yijene pi iyone ti isitia'n naka. 'Yina napoka yiji pet nak jika anechijiayas.

Mateo 8:11

Jajwi'lase'm 'neje ti ja 'lojwa siunapo i'nio' tal 'niji taj'le ni kilie', siu'neje napo tal 'niji ijio'we ni kilie', janam'ni ti jankijwanisi ni Abraham siu'neje ni Isaac, jla'yi ni Jacob ti jan'yekiujni'n, ts'iji yi'i ni jika anechijiayas ni Sinia'.

Lucas 12:37

Wuj wata'a ti tipejnik'i siunapo inkawos ti je imiak'iji'n ti 'nesata ni anechiyas. Ijiatk'i siunie ajwe'lase'm, 'yejne'n, je jwel ka anechiyas je intane, jan'yase ka intaye ape'e japa inak totieja ape'e, je jwel ka je jlama jla'am ti jansajiamk'i k'iye pi jlak puwa jika teti'l siuti jan'yekiujni'n.

Lucas 14:15

Ti its'iuyesi'ni siupapo teje'yi ape'e japa inak totieja ape'e, ijwienjli'ne siupa tamti ti iyone 'ate pa Jesús: —¡Ja wujwa ni nikanitieyeja' siunapo i'nio' ts'iji yi'i ni Sinia' jika anechijiayas ti janikijwa'n!

2 Timoteo 2:12

Siuti kia'iyo anokieje siunie iyo ti inilayiti, kiak jawo je ijiat ka je iwiekiap yi'i pi ji'wet ti iyo anechiyasa'. Jlampet ti jayok'iate, “Je sitiant'ieje”, kiak iwoyeyinie'e pet 'ate, “Je sitiant'ieje napoka”.

Santiago 1:1

Asampey, i'lijwas ti jlekiejyi'n ape'e 'ni ajnat, ti jiwoye 'ate siunapo i'nio' t'ipi ti je pini' Israel jika kia'lis ti tajla siupapo itijwa'm niwa sikioye times tom'niji jitise'l t'ipi. Ya'am Santiagok'i'm, ti Sinia' siu'neje pi Saka'niona Jesús ti Sijwajieti jikawok'i'm; yam ti ip'isinik siu'nie atajiet'ase.

Apocalipsis 19:9

Sekyi'i injlojwanik poli jlele iyonk'i 'ate: —'Ete'ena'a siu'nie: Sinia' wuj ti jikap'ijliuskiye yi'ne siunapo ti jla'am ti i'yasits'i ka ijnoyi siunie jiliakijnieye ni 'wolepo 'woma, ti iyo'ate siunie i'nio' ti tijwa'yi. Sekyi'i injlojwanik poli jlele yine ape'e, ti iyo'ate: —'Niwak jla'm ijiate ti Sinia' jlamtis.

Apocalipsis 3:21

Siunie i'nio' ti jantate isia'm ni jitiejiejwa, jawijna'm pet siunie ti janejyi'n ijiap siunie i'wit ti awo anechiyasa', iyo'ate awo ti atate isia'm siunie ata ilia'm, 'yina ayejen 'niji ti ajiap ni Inia' ti yi'iji'n jana ji'wet ti anechiyas.

Apocalipsis 4:4

'Yina a'we'n 'neje jawa veinticuatro siu'niwa ti kia'iyo anechiyasas ji'wetis ti iniujwape'n jlajak anechiyas ji'wet, yiyits'ik'iji'n siunapo i'nio' ti jwajla iyoyits'i'ni ti ji'wuye lemi 'najli, 'yina jlete'l 'yutiamk'i siuniwa tiwenajamk'i siunapo ti kia'iyo t'ank'i pijia'm ti ji'wajiet wikinie maja ti 'najli.