Lucas 22:22 - Sinia' Jlamtis 1994

²² Siunie I'nio' Jlas janejia'm ni siunie ja jijliak'aliye, siunie Sinia' ijniejiet'e ti 'nelanjie'e. 'Yina awo'ate, ¡ja wujwa wat ti ja p'ijliusieja' ni i'nio' ni janekial ni jiwet'ia jawo pet!

Lucas 22:22 Iomraidhean Croise

Mateo 26:24

Siunie I'nio' Jlas janejiam'ne siunie jawo ti janilayiti siunie ja jiliayeja' ti ja tiliana, iyo jla'am niwa inamtis t'ipi. 'Yina ¡jap'ijliusieja' nak siunie ti janwe'en, kajeyepa ti jitis japoye! ¡'Est'itiejepi ka laja ape'e 'ni ajnat!

Mateo 27:5

Judas ipi'ya wek ti kia'iyo, yameje'ni jlaja Sinia' ji'wuk jakiak wikiniet'aj ti isiajiete'n kiajwe. Sekyi'i ti yama ti inits'ejwa'n pijia'm.

Marcos 14:21

Siunie I'nio' Jlas janejia'm ni siunie jawo ti janilayiti, siu'neje ni jiliaye jawo ti ja tiliana, iyo jla'am niwa Sinia' jlamtis ti yiji ji'wet ti ijwi'il. 'Yina ¡ja wujwa wat ti ja p'ijliusieja' siunie i'nio' ni janwe'en, 'yina ti ja jiwet'ia japoye pet! ¡Tent'ipi pa kajwe'el ka lajak'i ta'a pa!

Lucas 22:23

Sekyi'i ti ini'yasisiet'ipi ti ininekiajlisi ka 'nakaj siupa yit'i'yiyi pa janekial pa Jika'niona.

Lucas 24:46

ti iyoyet'ipi 'ate: —Siuniwa Inamtis yi'i ni ji'wet ijwi'il ni Injwajieti ni Sinia' jijliujwanik ja wujwa ni jijliak'ali, janekieyinie'e ti ja tiliana, 'yina jlomas ja najapeja ka inoyena'a kisie'e.

Juan 17:12

Ti je ataljlijiap kiu'ujwe, wuj ti a'yena jla'yi ti anoyeje, 'yina ka lajak'i ni ajweye ti tajle ni e'e, siunie ine'e ti jlekialk'i. 'Yina ti jlamis lajk'ipa ka injwanjli ka netiane ijwienjliye jla'm siunie ti pajk'i ta'a ni jawo ti janetia'n, iyo niwa inamtis t'ipi.

Hechos 10:42

Iyotaja ka iyok saka'niyejayi napo i'nio' yi' ape'e 'ni ajnat, ti jla'am ti Sinia' isi'me ka i'ye'en siupapo pajk'i ti 'yalt'ijimpe, siu'neje napo 'wasajne'n.

Hechos 17:31

Kajeyepa ti jla'am ti yitineje k'iye ta'a siojona jloma ti jan'ye'en napo i'nio', jlajma pak ja ke iwonijits'i'ni siuka inetiejenie'e. Kajeyepa ti janjwanjli siunie ja tekiajlaja ti jan'ye'en, ti tijniejieta'a. Naka siunie ti Sinia' iniujwa'n kisie'e ti tajli ni a'no', 'nakayi ti wikie'eyi napo i'nio' ti jan'we'en, ti kiak jawo ti ja ijiatayi.”

Hechos 2:23

Je woyejliyi ti tekiajlaja'ase, kajeyepa ti pajk'i ta'a jlam pa Sinia' ti itime siupi janwone; siupi jiwonayi ti jik'iejwata'yi japa cruz ti jiliana', ti jijliuyeyeje papo i'nio' siupapo lajk'iyi paka woyi, ti je isis.

1 Pedro 1:11

'Yina Sijwajieti jikimet ti 'es ti yiyits'i papoka, japak 'yakajanitiamk'i siupi jawo jla'am pi Sijwajieti ti janilayiti, siu'neje pa jawoyi ti wuj ti ja 'esie ti jawunitie, ijnonitieye ja tena'a ji'wecha siupi iyo ti inilayiti. Wuj ti ijialasis ape'e ti iyo ka 'najanisi paka iwonisiji pak i'nio' t'ipi, siu'neje japak jloma ti Sinia' jikimet ti 'es 'yakajanitia'm.

2 Pedro 2:3

'Yina ti jwesiejayisink'iye ka 'wena jana wikiniet'aj, napoka i'nio' jawo jlamayisi siuniwa askijmatis ti ji'wena ti jajna'lase, kajeyepa ti ja ke jwajla'aja siunie jawoyi ni jika'neyasajnaye. 'Yina ke injlak'alak'i wita'm, kajeyepa ti ja jlaj poye siunie iniwonisi, 'yina pajk'i ta'a ti wakal siunie inijijwijyink'iye, naka ti Sinia' jan'ye'en siunie jitis iyo. 'Yina ja lajak'i pa ka iniwonisi, ja ke injwayisi siunie jiliaye.