Lucas 22:19 - Sinia' Jlamtis 1994

¹⁹ Isimat'iyi'ijyi japa woye, iyoye'eje jinikanitieyija' ti iwine pa Jinia', sekyi'i ti its'isajaja. Iwijna'm japo t'eyasajnas ti iyone'ate: —'Nak 'isie'n ti tekiajla astepe'e ka insisieyi, ti janetia'n. Kiak janiwonayipi, tankiuniepe ijyik'i.

Lucas 22:19 Iomraidhean Croise

Mateo 14:19

Sekyi'i ti takajlunieyi japo i'nio' ti je pini' ka nek'iji'n, neyisk'ijin'ni jiwek jawa jop. Isimayi siojowa woyejes ijwienjli sikio' itij'we, siu'neje jawa times si'yus, sekyi'i i'yena poliyi ti jinikanitieyi iwijna'm pa Jinia'. Itime ti its'isaja'm, sekyi'i ti iwinayi japo t'eyasajnas, ti iwink'i pet japo i'nio'.

Mateo 15:36

Isimayi jawak woyejes siu'neje jawa si'yus jilis. Yina jikiojyi ti jinikanitieyi iwinayi pa Jinia'. Itime ti its'isajamk'i, sekyi'i ti yikiajlayi japo t'eyasajnas ti iwink'i japo i'nio'.

Lucas 22:17

Sekyi'i isimayi siojopa inat jiwe, ti at'es yiji, jinikanitieye iwinayi pa Jinia', iyo'ne 'ate: —Kima'yi ilia'm siu'nie, nikijwanayi ka 'yayejyi.

Lucas 22:20

Kiak iyonjliyi, ti itimat'iyisijpe ti ti'yekiujni'n, isimat'iyi'ijyi japa inat jiwe, iyoye jinikanitieyija' ti iwine pa Jinia', iyo'ne 'ate: —Siu'nie at'es nak 'yakajaniti siunie Inia' ijwi'il ti ink'ie' siunie janwo, ti ijiatk'i siu'nie i'yoyis ti tisa'ni ka insisieyi.

Lucas 24:30

Jlampa tejeyeyits'i ape'e japa inak totieja ape'e, Jesús isimat'iyipi japa woye, iyoye jinikanitieyejayi pa Jinia', its'isajaja'n, sekyi'i ti iwinayi.

Juan 6:23

Sekyi'i ti 'nesa'ni siojowa kasejkanayis ijia 'wena tajli, tajle jlaja isi' jle' iyo'ate Tiberias, ti ijioyisi siojo je tojwape'n ja Jesús yine'e kiwa woyejes ti iyo t'ajlayeja' ape'e.

Juan 6:51

Ya'am janaka siojona woye ti iyo i'wasankiyeja' ti tal poliyi. I'nio' ni jantojw janak woye, nak ja ke paja ka inetia'n, jajnok'i'ni puwa jlomas. Siojona woye ti jawijna'm ni i'nio', je 'wena pa ka ijwi'il, naka 'yajwes, ja'nakayeyijna'a ti ja ji'wasankiye japoye napo i'nio' yi' ape'e 'ni ajnat.”

1 Corintios 10:16

Siuti poyeta jana Saka'niona Jlak ti 'Es, sinikanitieyi awenajayi ni Sinia' ti akimajataja janaka inat jiwe, 'yina siuti a'yakietaja sekyi'i pi Sijwajieti kasjwanjliyik'i, iyo pit pi ji'woyis. Siu'neje ti atowajata jana woye ni siunie ak'isaki'n, nak kasjwanjliyik'i pet ki iyo ni t'isie'n.

Gálatas 1:4

Sijwajieti Jesús jlam ti iniwe'en ti ijioyi jana 'najlati sakeyis it'imina, kajeyepa ti iyo ka kas'maniti ki iyo ni ajnat ti wuj ti je 'es. Lapakawo ti jitienkiujnieye jla'am pi Sinia' ka kiak inwonts'e.

Gálatas 4:25

Agar iyo'ate siojopa tikijnaki yi' Arábiaja. Arabia iyoye pet 'ate japa Jerusalén 'nakayi, kajeyepa siupapo yiji japak isi' iyoye 'ate pet papoka Agar jilis t'ipi, ti inkipijnas.

Efesios 5:2

Woyeyi ni asemijnaye, 'wena ká aniwonayi iyot'iyipi pa Sijwajieti ti kia'iyo wuj ti 'nama, it'imina'ne ti iniwe'n sitipe'e. Ti iniwojwa'n Sinia' ji'wajieta', iyoye'ate ni k'iejlitieje ti tiliana ti tiwunitieta pi Sinia', sekyi'i siu'nie jini ti yame pi Sinia' ti 'yakanit'ni pet.

1 Tesalonicenses 5:18

Ja k'iejliyeyipe pa, 'esiji ka awoyeyi asnikanitieyejayi pi Sinia', 'yina niwak iyojonk'iye ka awoyeyi ti asa'am ti je jikakiuye pi Sijwajieti Jesús.

Tito 2:14

Jlam ti ininekial ti ijioyi ni jiliaye, jakayi ti tiliana, lapakawo ti iyo ka kasjwajiete niwaka siuniwa je isis. Initiajnat wikie'eyi ki iyo niwa sakeyis, ja'nakayeyi ti ja sama siunapo jika kia'lis ti 'wena ijiut'e, ti awokink'iye ka iyoki siunie 'es.

1 Pedro 2:24

Sijwajieti jla'am ti atelkinaja wikie'eyi siuniwa sakeyis ti je isis 'wanjliyi ape'e ti yi' ape'e japa cruz. Ja 'nakayeyijna'a jayok masesie jitieyi'i ni sake', sekyi'i ti ja kas'wasajne'n pet k'iye ni siunie tijnajyi. 'Yina ka lajak'i puwak ji'wetis puwa tikienaja ti tiliana, puwaka'ne ti insisieyi, it'imina ti jijwayejyi pa aslaye.