Lucas 21:36 - Sinia' Jlamtis 1994

³⁶ Ká anikiwalinitie, 'wenajliyi ka awoye asts'ajlayeja' tejwa niwa jlomas, 'nakayeyijna'a ti asjweye japoye, jla'yi ti jajwayejyi wikie'eyi niwaka ajwel'ni ja'wena', jant'emina'a ka akajlayi ka aye jitieyi'i ni I'nio' Jlas.”

Lucas 21:36 Iomraidhean Croise

Mateo 24:42

'Yina kiak jawo, it'imina ti kiak awo'nase, ke inkiwaliye. 'Wanjliyi je 'najanayi siojona jloma ja'nesi ni Aska'niona.

Mateo 24:43

Ataj enayi 'ate siu'nie: siunie ji'wuk jana t'oyeja'm ti kajlajnata 'yujia'm, jijwelt'itie ka ma'a ka intejnisijyi'n k'iye ti 'nesata. Jeyi kat'aja, kajeyepa ti jan'yena japa ji'wuk.

Mateo 24:44

Nak it'imina ti asampet kiak jawoyeyi, 'esiji ka aniwakajlanitie, kajeyepa siojona jloma ti ja'nes ni I'nio' Jlas ja inesi'lieta.

Mateo 25:13

Jesús yine'ne ape'e ti tamti ti iyo'ate: —It'imina ti kiak jayo'nase, ká anikiwalinitie, 'yina ti je 'najanayi siojopa jika jlomaye, tiwet'ianaja ka japakataja wek japa inetitinki ka 'najanayi paka wonayi.

Mateo 26:41

Jwajla'a paka woyeyi, ká amayets'iji'n ja 'nakayeyijna'a ti ja ke injlana'ni ni inkajejlasaye. Ts'ajane pi awone ti jlajlasa ka awoyeyi niwa yamtis, ijiatjliyi je sikiwita siunie asosik jiwonayi ti 'es, 'yina 'nakayi jla'am niwa 'asjwes iyoyi, ti je jitiuma'yi ilia'm naka ti sikiwit'ase'm.

Mateo 8:20

Jesús isiujlie ti iyo'ate: —Siuniwa yosis po' niwa jijwa'al, siuniwa ajwejnas jlopis po' jla'am, jlampet ni I'nio' Jlas laj ji'weta' ka ine'yi ka ininop'it ka ima'a.

Marcos 13:33

“Tempi it'imina ti awo'ate, ¡Ká anikiwalinitie! Ká amayets'iji'n, ka je iwopa ti je 'najanayi paka wonayi japak jlomaye ka kia'iwotajanie'e.

Marcos 13:37

Je asamkataja ka kiak iyo'nase siunie ajwe'lase'm, 'yina apejlaniti ape'e napo naka ti awo'ate, ¡ká anikiwalinitie!”

Lucas 1:19

Injlojwanik poli jlele isiujlie ti iyo'ate: —Ya'am Gabrielk'i'm, ti anoyeje ni Sinia'. Jla'am ti sijliu' ka ijwi'la siu'nie inka'niye ti 'es.

Lucas 18:1

Jesús yamtiyi siu'nie ti jla'm i'yejnap jiwek, ti 'yiyasajne'n japo t'eyasajnas ka je inleyisi ka inwoyis'ni t'ajlayeja'.

Lucas 20:35

Siunapo i'nio', ayijnies asejnia ti jlajma ke inwo wek kajeyepa ti ja'nakajats'i ti janek'ni jla'yi ti janapits'i pijia'm, ti jajnayi ni ajnat jikiecha, ja ke kiak inwo, ja lajk'i papo kawo jwa'yisa'.

Lucas 21:35

kawo'ate jana inkatsala'a ti iniujwa'm pa. Kajeyepa ti ja wikie'eyeyi napo i'nio' yi' ape'e 'ni ajnat jantej'w ape'e naka.

Hechos 10:2

Jak i'nio' ti t'oniye 'es, iyunit pa Sinia', ji'wet jlele kia'iyojliyi. Wuj japa wikiniet'aj itijwe'e'ni ti iniuyeje papo Judíojos. Jlomas ti iyo t'ajlayeja'.

1 Corintios 16:13

I'lijwas, asosik enatiejyits'i'ni, ke ink'asayik'i pijia'm ki iyo ni siunie astankiujnieye. Jwajla'a paka woyeyi, ká asa isia'm.

2 Corintios 4:14

Kajeyepa ti kasts'ajane pa awonaja ti paka Sinia' ti iniujwa'n kisie'e pi Jesús ti itiajlajni pi a'no', sek jane'yi ti si'niayi injwanjliyena'a ti ja kassokiji pa Sijwajieti.

Colosenses 4:2

Ká aleyeyi ti jiwoye'ni asts'ajlayeja', siu'neje ti asnikanitieyi jlekiajlayi'ni pa Sinia'. Ká anikiwalinitie.

1 Tesalonicenses 5:17

Je paj ka aleyeyi ti jiwoye asts'ajlayeja'.

2 Timoteo 4:5

Ke wujwa ka awoyi ajlak'aliye, ti k'iejlitieje pa; siunie ajlak'ali nilayiti; woyi amitikie' siuniwa Sinia' jlamtis ti isis; nilesaniji ti jiwoyi ni akijmaye, ti a'm ti Sinia' jikawo'wa'm.

1 Pedro 4:7

Je pa tojwa'a ni jlaj jane'yi wikie'eyi siuniwa wask'i'nelaja. It'imina ti kiak awo'nase, nilesanayiji. 'Esiji ka asa'am ijiatayi ka woyeyi ni asts'ajlaye.

1 Pedro 5:8

'Esiji ka wujwa ka 'yena siunie jiwoyeyi. Joskiyeyi, asosik enitiejyits'i'ni, kajeyepa siunie astajiejwa imosik iyo'ate ni k'iwajla ti jwesieta, ti inijijwijyink'iye ni i'nio' ka insojmayi ka inla'an.

1 Jn 2:28

Ilis, siukia awo'ojyi ti ajwe'lase'm ti awo'ate: ke ekiyejiap pi Sijwajieti Jesús, 'nakayeyijna'a siuti janapimet ja ke anikiwitanie'e, ja lajana'a ts'ajwejliye ilia'm jitieyi'i.

Judas 1:24

¡Jayunitie pa Sinia' ti ijwienjli, Sijwajieti, jla'am ti 'yijene pi iyone kan'ye'nase'm, 'nakayi ti siunie ti je 'es ja ke inkajlajyi pet, siu'neje ti ja laja ast'ojliye, 'yina 'wenajliyijna'a pet ti jampo'ase siunie asnikanitieyi jitieyi'i ni jijweye iyo! ¡'Esiji ka siunie iyo ti 'es, siu'neje ni jiwunitieye, siu'neje ni jijweye, siu'neje ni jika anechijiayas, ja ke intajlap ti jla'am, ja titiajlataje pa Saka'niona Jesús ti Sijwajieti, siunie ti 'nelanjie'e t'ipi, siu'neje ti 'nakayi, 'yina jajnok'i'ni! Amén.

Apocalipsis 11:4

Siunapo Sinia' jijwejlanawos times napoka pet siuniwa times a'la' olivok, siu'neje niwa times katese'l ji'wet ti yi' ts'e jitieyi'i ni Saka'niona ti ajnat jika'niona.

Apocalipsis 6:17

Lapakawo ti yiyi siojona jika jloma pet nak insajkinaye ti wuj, 'yina ka kia'iwonie'e ka poye pa ka into'm ilia'm naka.

Apocalipsis 7:9

Yam pet 'niji kiaka, ti a'yenayi, a'wena napo ¡ok! ti tajlits'i wikie'eyi niwa ajnatis, i'nio' siunapo jloniye 'wenayiji siunapo ji'lija 'wenayi. Takasitk'i ts'e yi' jlajak in'wet ti anechiyas ji'wet, jitieyi'i 'neje jaka 'wolepo 'woma, je titieyeje ka tetitina kajeyepa 'loj. Lemiyeyi ape'e 'yina ti jawaka jla'am ji'wuye, 'yina wisiuk jik'ase'l inijwankitisiamk'i.

Apocalipsis 8:2

A'wena japo ijwienjli sikio' itij'we times tom'niji injlojwajnas poli jlele ti takasitk'i jitieyi'i 'ni Sinia', sekyi'i tijwankitajamk'i jawa ji'woso'l, siojowa tipajwukk'iji'n.