Biblia Todo Logo
Bìoball air-loidhne

- Sanasan -




Lucas 21:17 - Sinia' Jlamtis 1994

17 Siuti jikinieyi siu'nie awo, siunapo i'nio' yi' ape'e 'ni ajnat ja wikie'eyeyi ti jane'wa'ase'm ya'am ti jat'imi'nase.

Faic an caibideil Dèan lethbhreac




Lucas 21:17
18 Iomraidhean Croise  

Siuti asa'am ti jiniamajyin'ni ijyik'i, ja wikie'eyeyi napo i'nio' ti jane'wa'ase'm. 'Yina siunie i'nio' jitiej ja ke inla'ne, jajnok'i'ni paj ka neyeyinie'e ni jlaj yi'i, naka ti janjwa'.


“Ti asa'am ja inekiajlayi siunie ti ja anilayitieyi, ja inlanajajyi'n asa'am ti jiniamajyin'ni ijyik'i, naka 'neje ti jant'emina ti ja tini'wajak'iase'm.


“Sinia' wuj ti imp'elisina' ti asa'am siunapo i'nio' iliaki ti jikinieyi siu'nie awo, siu'neje ti teje'yi aselia'm k'iejliyi siunie iyo kawo'nase ti inlakiye.


Ja lajak'i ape'e 'ni ajnat ka inlesana', 'yina ja tini'wajak'iase 'yaka ya'am ti jat'imi'nase ti jikinieyi siunie awoyi, 'yina siunie i'nio' jankatate ti janwoyi siunie iyo niwa yamtis, janakayena'a ni janjwa'.


“Je jwel ka je inekiajlajayi napo astajiejwas, siunapo asnawot, siunapo as'nayi ijwienjliyi, siunapo asa'm ijia asa'am, siu'neje napo asjajnajwas. Napoka napo ti janekiajlayi. Ja poye siunapo ti asa'am ti ja tilianaja'n.


'Yina awo'ate, tiwet'ianaja ka injwanjlik'i paka as'woliye ka netia'n ja lajak'i pa.


“Sinia' wuj ti imp'elisina ti asa'am, siunapo i'nio' ti ne'wa'ase'm, siuti ja inokiosats'i kisie'e, siu'neje ti inlakiye, siu'neje ti ja ke iwo asjaye, siunie jiwoyeyi ti jikinieyi ni iyo ni I'nio' Jlas.


Siut'itie ka atajlayi ni ajnat jla'm ijiataja ka i'nama'ase pet siunapo i'nio' yi' ape'e 'ni ajnat, ka kiak inwonata'ase pit iyone siunapo ti iyojonk'iye. 'Yina ya'am ti akima'yase'm ti atajle kiowe'e siunapo yiji ni ajnat, jak je iyoyiji'ni ka je ine'wa'ase'm siunapo yiji ni ajnat, lapakawo ti 'wena'ase'm.


Niwaka siuniwa janwo'nase napo i'nio', lapawo ti ya'am ti jat'imi'nase, ti je itiant'iejesi ni Siunie sijliu'.


Pajk'i ti ajwejla'm siunie iyo niwa amtis, 'yina siunapo yi'i 'ni ajnat ne'wajasi, 'yaka je 'wet 'ni ajnat, iyoye'ate awo ti ya'am ti je i'wit 'ni ajnat.


Siunapo tajle ni ajnat je ne'wa'ase'm, kajeyepa ti lajk'ipa ka intajlat'ase'm, yo'otie ti ya'am akajanit'i ape'e siunie je 'es iyoyisi, it'imina ti ne'wajask'i'm.


Ja'winkijna'm ti jayama ti jat'imina ti ja wujwa ti janilayiti siunie ja tiwonaja.


'Yina awo'neje 'ate, inikanitiejeye yiji ti kiak awoyi laj it'iuniye, siu'neje ti ajyi naka ti siliakik, siu'neje ti po' jana jloma ti lajk'iyi pa ka k'iejliyeyi paka i'wi'in, siu'neje ti po' napo ti teje ijyilia'm, siu'neje ti akk'i pi Sijwajieti ti ijiate ti istie' ni i'niayi. 'Yina siupet ti kia'iyo ti laj ijwiyeja', sek tajla'aja pet ni ijwiye ti Saka'niona iwink'i'm.


Siuti sa'am ti kas'wasajne'n ti akiniek'i pa Jesús, naka ti kassekiajlaja siunie siliaye ti kaslanaja'n, kajeyepa ti ja 'nakayeyijna'a pet ti kiak jawo jana ji'wasankiye jankaj pet siwa'm, ti janejyi'ni siunie ts'isie'n ti je t'o'n.


Siuti awok samtikie', je sam'ne ka inijwela, 'wenajliyi jla'am ti ajwela pa Sijwajieti Jesús ti jla'am ti Saka'niona. Siuti sa'am ani'wenkina'ase'm ti akawosts'e'm, lapakawo ti yimijnaye e'ne ni Jesús.


'Yina je nakata ti Sinia' iwi'nase'm, ka je akakiuye pa Sijwajieti, siu'neje ti jinilayitieyi pi k'iejliyi ti po' pa yi'ase ape'e pi Sijwajieti.


Siuti kia'iyo po' napo inlakiye ti jikiniets'i pi Sijwajieti, Sinia' nak ijiate ti imp'elisina', 'yina nak 'yakajanitie pet ti je taj'l astepe'e siojona jikimet ti 'es ti jiwunitieye po'.


Jlampet siunie ti jinia'm ijyik'i je jlase' siunie ti jinilayiti, 'yina je wojliyi wek ka intasite, siu'neje ti ataj je lie'ne wek.


Lean sinn:

Sanasan


Sanasan