Lucas 21:10 - Sinia' Jlamtis 1994

¹⁰ Jlam yinjliyi ape'e ti iyo'ate: —Siunapo i'nio' yijits'i niwa ajnatis janilajne'n. Jlampet siunapo anechiyasas kia'iyo janilajne'n, ti janilane napo ijia anechiyasas.

Lucas 21:10 Iomraidhean Croise

Marcos 13:8

Siunapo i'nio' yijits'i niwa ajnatis wus janilajne'n, siunapo anechiyasas kiak jawojliyi pit, anechiyasisak'i wita'm ti janilajne'n. 'Yina japoye siuniwa ti ajnat ja'wesi ti ja pansisak'i, nel'lia japoye. Jawo'ate iyo jana asejnia ti k'iejli jlas yokie, iyo ni ji'wok.

Lucas 21:11

Siunie ajnat ti jan'wesi, ja pansajak'i, kiak jawo ja ke jlasiye ni nel'lias ti japoye, inlaye kia'iyojliyi ti janejyits'i puwa ajnatis. Siupapo i'nio' jan'we'en puwa ja k'iejliyeyi ti ja 'lan poliyi, ti ja ke tijweyeje, ja ke lisa' niwa ja'nakaj ta'a k'iye niwak jlomas.

Lucas 21:9

Siuti ja ajieyeyi ni inwak ti ja ne'yisia'm, siu'neje napo i'nio' ti janta'yi ilia'm napo jika anechiyasas, ke ijnots'ijnayits'inie'e, jlam kiak jawo niwak jana'an ti ja'nakaj, 'yina tojliyi'ijyi siunie jane'yiyi ni jlaja niwa jlomas.

Hechos 11:28

Ijwienjli'ne siupa jle' iyo'ate Agabo, paka'ne ti takasit, Sinia' jikimet ti 'es yamtijie'n, sekyi'i iyo'ne 'ate: —Siu'niwa jlomas nel'lia japoye, jantejw ape'e 'ni ajnat. Ijiate, ti yiyeyi puwak jlomas po' pa nel'lia ape'e pa ajnat, pakayi ti Claudio iyo anechiyas wujwa' yi'i japa ajnat Roma. Jlajmiliet ti Sinia' jilis 'yijenayi pa iyone, iyo'ni ka inoyeje papo ijia yi'i Judéaja, k'iejliyi pi i'wi'in ti iyo ka nene. Sekyi'i siupa k'ie puwa ijiutis wita'm, iwinisiam'ne ja Bernabé jla'yi ja Saulo, ti ijliuyisi papo Sinia' jilis yi' Judéaja, ka tekiajlaja papo kijilas kanwenk'i papo ijia.

Hebreos 12:27

Siunie ti iyo'ate pi Sinia', “Jajwanjliyik'i kiu'ujwe ti kiak jayone”, siunie ijio'we ti naka ti Sinia' jan'wesijnits'i siuniwa jilisajna', sek jane'yi ti jantatek'i isia'm. 'Yina jlampet siuniwa ti je yits'e japaka jlomaye ka ti'wesinajats'i, 'yina ti t'o'nik'i niwaka ti ja ke titiajlana.