Lucas 20:22 - Sinia' Jlamtis 1994

²² Jak je iyoyiji ti a'yasaja'n ti awok'iate, ¿'est'iyiji ka itisie ni anechiyas Roma jlele, ti iyo ka 'yakat'inie ape'e niwa inkat'ijnieyejes, ni'ne ka jeye?

Lucas 20:22 Iomraidhean Croise

Mateo 17:25

Pedro iyo'ne 'ate: —Ji'yu, pajk'i. Ti 'yuyeyis 'wuk kiajwe, Jesús inianayi jla'am ti iyo'ate: —¿Tepi jiwone pet pa atankiujnieye, Simón? Siunapo anechiyasas wus yi' ape'e 'ni ajnat, ¿tempa siupapo jant'ajla, napoka napo jika kia'lis, ni'ne ka napokaye siunapo 'wenayi jana ajnat tajle?

Lucas 20:21

Yiyisi pa Jesús papok inkawos, ti iyonat'iyisijpe 'ate: —Inka'neyasajnawo, kasts'ajane pa awonaja ti ijiate a'am ti 'es siunie jiwoyi amtikie', siu'neje ni aka'neyasajnaye iyo. A'am je 'yene paka t'oniye iwo pa i'nioye, najata jla'am siunie Sinia' iyotaja kawo napo i'nio' ti jika'neyasane.

Lucas 20:23

Jesús itiant'ieje ti jlam iyonistaja, kajeyepa ti ijyijlittajas. Iyo'ne pet 'ate ti isiujlie:

Lucas 23:2

Sekyi'i ti ijyijlitat'iyisijpe ti takajwejlanisia'm siupi iyo pi itiajlatisie, ti iyo'ate: —A'wenajaja siu'nie i'nio', ti itiejietk'i wita'm napo saka kia'lis. Ijwil je 'esiji ti akat'ina'ni ape'e niwa inkat'ijnieyejes, 'etsakaja ti ijwil ka nakaye ni Injwajieti ni Sinia' jijliujwanik, ka anechiyasa'.

Hechos 5:37

Yit'iyijpe'eje ki jloma poye'eje na ja'nakaj Galilea jlele jle' iyo'ate Judas, ti tetitinak'i papo i'nio', kia'iyojliyi po' papo i'nio' yamk'i ti jla'yis, tiliana ti iyoye'eje 'ate pa jikiecha, netiank'iji papo jla'yis.

Romanos 13:7

Jak je iyoyiji ti jijwela' ka 'esieyiji ka akat'inie'yi ape'e pa k'iejliyeyi, 'esiji kat'inie'yi ape'e. Siuti janakaye inkat'i'nijie 'esiji ka akat'inie'yi ape'e. Siuti anechiyas jant'ajla pa k'iejliyi napo i'nio', ke int'onie'yi k'iye, siu'neje ti japoye pa k'iejliyi ti ajwela ka 'esieyiji ka k'iuyeyi, 'esiji k'iuyeyi. Jlampet siunie ti jajwela ka 'esieyiji ka wunitie, 'esiji wunitie.