Lucas 20:16 - Sinia' Jlamtis 1994

¹⁶ Ya'am awo'ate, janeki jantej'we ti janlajne'n, sekjane'yi ka inekiajlayinie'e papo ijia siupa inkijmaye. Ti ipi'yayis ti Jesús kia'iyo, iyoyis'ne 'ate: —¡Wuj ti je 'es ka kiak inwoyi!

Lucas 20:16 Iomraidhean Croise

Mateo 21:34

Yiyi siupi k'ie' ti 'yoyeta'a puwa ts'ejnietio', ijliu'ne papo jikawos ka jitiej inayi ka poye japa ka inlesank'iye.

Mateo 21:41

Isiujlisie'ne ti iyo'ate: —Ja ke inaj'wite kanlajne'n papoka, kajeyepa ti laj jlosikisie'; ka iwoyejyinna'a papo ti jank'iuyet'e, siupapo japoye jla'm japa janlesan'ni k'iye, ti takawijnanata.

Mateo 22:7

Siupi anechiyas, ti 'yijenayi pi iyone, 'yina jwesie'ne, sekyi'i ti ijliuye papo jika ijiawos ka ineki ka ilajne'n papok kalankijietas, sekyi'i jwat 'yutieyi isia'm puwa ji'wuki'l.

Marcos 12:9

“'Yina, ¿ten siupa jitijnisieyi kawoyi pa jikimet pak inwasok? Ya'am awo'ate, janeki papo jikawos ti jantej'we ti janlajne'n, sek jane'yi ka iwoyejyinna'aja papo ijia 'wenayi ti janekiajle paka inkijmaye.

Lucas 19:27

Jlampet siupapo je iyojon its'ioye ti awo anechiyasa', mayets'i'ni, 'nak enayi'i ka alanajyin'ne itieyi'i”.”

Lucas 20:15

Ijiatjliyi isimits'i'ne, ilianis'ne, sekyi'i ti itietayisi 'wechaja pa inwasok.” Jesús iyone'ne 'ate papo i'nio': —Siupi jikimet pa ajnat, ¿tepi iyo? ¿Tempet siupa jijwela' ka inwone papo inkijmayewos?

Hechos 13:46

Pablo jla'yi ja Bernabé ji'lij 'yitiet'ik'ipe pet, ti iyo'ate ti isiujlisie: —Ajwel'ni je akamak'iji'n ti ajnaye'ase, ajwela'ase'm niwa Sinia' jlamtis ti Judíojosts'ase'm. 'Yina siuti je jikima'yi ilia'm, jijwelaye ka je asama ka askimita' siojona in'wasankiye ti laj jlaja. Siuti janaj'ni ti jatiajla'ase'm, jajioki siunapo i'nio' je Judíojos.

Romanos 11:1

'Nakayi jayo'ojwe 'ate, ¿'nakat'iyi jla'am ti Sinia' 'yakawona napo jika kia'lis? ¡Jeyi kat'aja! Siuti ya'am kia'awo Israel jika kia'lek'i'm, 'yaka kijilas mases tajla'm papo Abraham t'ipi, siu'neje ti atajlaja'm papo Benjamín jika kia'lisjimpe.

Romanos 11:11

Jayo'ojwe 'ate, ¿kapajat'inie'e ka inets'i pijia'm napok Judíojos, siuti kia'iyo t'opits'i isia'm? ¡Jeyi kat'aja ka kia'iwo! Jak je iyoyi siunapo i'nio' 'wenayi i'yakanayisi pet ti tijwajyi'n, siuti kia'iyo ti iyoyi ni je 'es napo Judíojos, sekyi'i nak itiajlatayisi.

Romanos 3:31

Siuti kia'iyo, ¿ti sitienkiujnieye po' nakat'e ijliasat isia'm ni laja iyo pit naka inka'neyasajnaye ti talt'iyipi pa Moisés? ¡Ajwel'ni je'e! 'Yina kat'ajayi pet ti iyo jijweyeja'.

Romanos 3:4

¡Jeyi kat'aja! 'Wanjliyi ka kia'inwoyi ni i'nio' ti iyoyi naka ti iyo sintiye, 'yina Sinia' je paj pet kanlek'i ni siunie iyo ti je tak'emiyeje wek siuniwa jlamtis iyo. Jak je iyoyiji siuniwa Sinia' jlamtis ka je iwo'ate: “'Yaka'niona, amtis niwak 'yakajanit'i atepe'e ti a'm ti ijiate ti i'nes, Jla'yi ti a'm ti ja 'an pijia'm siuka kia'iwotajanie'e ka injwel kan'ye'en napoka ti injwel je i'nes.”

Romanos 3:6

¡Kiak ja ke iwo! Kajeyepa siut'itie ka kia'iwo ka Sinia' je ijnajyi, ¿tepat'e janwone kan'yenta pet napo i'nio' ni jitis iyoyi?

Romanos 6:15

¿Tepat'e iyo pit ti kia'iyo? Ti je pa awakie kiajwe ni Moisés jika'neyasajnaye, ¿ajwelat'e ka 'esieyi ti awoki ni sake', jlam'ne kasts'ajane pi awonaja ti nak awak kiajwe ni Sinia' jikap'ijliuskiye? ¡Je'e, je 'esiji!

Romanos 6:2

¡Jeyi, je 'esiji! Kajeyepa ti masests'e'm jitieyi'i ni inke' jayoyi. Jakajliete, ¿yot'iyi'ni jiat'eje ka 'esieyiji ka jlam inajliyiji ka iyoki naka sake'?

Romanos 7:13

'Naka ni siu'nie 'es, ¿'nakat'e ja soyiji jana 'yejlati? ¡Je'e! ¡Je soyiji! 'Yina siunie inke' ti iyo ka silia'an, jak je iyoyiji'ni isijmajne'n ni siunie 'es, sekyi'i ti inikajanitieyi ti naka inke'. Puwaka'ne jla'am puwa inamtis ti inkajlujniet ti it'imina ti 'yaka naka ni inke' ti ijiate ti je 'es.

Romanos 7:7

'Yina ¿jajwila ka je 'esie nak Moisés jika'neyasajnaye? ¡Jeyi! Jlam'ne naka ti ts'eyasa'n, je kia'iyotaja'ni pet kats'ajane paka iyone naka inke'. Ka lajak'i ti iyo'ate, “Ke inteliaja paka k'iejliyeyi”, kia'iyo ka je ts'ajanataja paka iyone siunie i'nio' itiliaja siunie je 'es.

Romanos 9:14

Jot'e ¿ka iyok'iate Sinia' je tijnajyi siunie iyoyi? ¡Jeyi!

1 Corintios 6:15

¿Jet'i 'najanayi paka awonayiji naka, ti 'wena je tiajla'yi ti Sijwajieti jijwa'lase'm? ¿Mi 'esiji ka iyiki siu'nie Sijwajieti t'isie'n jiwa, ka ijioyiji janaka i'nioki ti ijiuski'la'n ka 'yupijieteje ni 'isie'n janaka? ¡Jeyi kat'aja! ¡Wuj ti je 'es!

Gálatas 2:17

“Siuti najata jla'am, ti a'yena siunie ti Sinia' ijialts'e pi sitis iyo kajeyepa ti atankiunieje pi Sijwajieti, nak 'yakajk'i ti ak'iujiek'i ni ji'wet napoka i'nio ti je Judíojos, ka yo'ate siunapo inkeyis jiliajnis. Nak ajwe'el ti awo'ate, ¿pakat'e jla'am pi Sijwajieti ti kaswojwa'n inkeyis jiliajnasats'e'm? ¡Jeyi kat'aja!

Gálatas 3:21

¿Mi ajwe'el ni Moisés jika'neyasajnaye ka inta'yi ilia'm siunie Sinia' ijwil pet? ¡Je'e! Jla'm ijiatayi ka siunie inka'neyasajnaye ji'wasankiye iwejna'm pa i'nio', nak ijiatayi'ne pet ka Sinia' inlesajne'n ni i'nio' 'yina ti iyoye siunie inka'neyasajnaye 'yijie'ne ka woyi.

Gálatas 6:14

Jlam pet ti ya'am lajk'ipa ka k'iejliyeyi ka initoniti, 'wenajliyi pet ki iyo jana Saka'niona Jesús ti Sijwajieti jika cruz ti anitoniti. 'Yina lapakawo ti nak it'imina ni iyo ti 'ya'al pa Sijwajieti, siuniwa wask'i'nelaja yi' ape'e 'ni ajnat iyo pet masesie itieyi'i pet ti ya'am, 'yinit'iyi ka its'iejwat'e pijia'm jana cruz niwaka. 'Yina siupet ti ya'am, kiak awoyi masak'i'm pet jitieyi'i yi'i niwaka wask'i'nelaja ti yi' ape'e 'ni ajnat, 'yinit'iyi ka kia'iyo ka sik'iejwataja pijia'm japa cruz.